ارجو المساعده بخصوص التيجوو 2011

[drmoudyz]

بسم الله الرحمن الرحيم

اخوتي و زمالائي الكرام في هذا المنتدي المتميز الحمد لله انا استلمت العربيه سبرانزا تيجو 2011 لسه انهارده و في البدايه احب اشكر كل فرد في هذا المنتدي و قسم السبرانزا بالاخص لانهم ساعدوني كتير من مشاركتهم او تعليقاتهم لاي موضوع بيكتب و هما السبب بعد الله سبحانه و تعالي ان اقرر اجيب سبرانزا تيجوو 1600 فالف شكر للجميع لاكن بعد ازنكم انا ليه بعض الاستفسارات اللي حابب ترودو عليا فيها زي منا متعود منكم انكم بتساعدو في اي مشاركه حسب علم كل واحد فيكم
1-انا حاسس ان الفتيس ضعيف شويه يعني في زي دردره خفيفه خصوصا وانا بطلع الاول فهل دا لسه عشان هتلين ولا ايه النظام
2-الكرسي اللي انا جالس عليه زي ميكون بيلوق يعني مش مربوط كويس ولا كده فيه مشكله
3-الزجاج مش مبيرفع علي طول اول لما ادوس علي السنتر و انا نازل لا لازم افضل دايس علي زرار الريموت لغايه ميقفل فيا تري دا عيب في العربيه عندي ولا ايه خصوصا انا كنت في البنزينه انهارده و لقيت واحد معاه سبرانزا تيجو بس ال2000 سي و قالي انها بتقفل من اول دوسه مش لازم تفضل دايس علي الزرار فا ياتري كده انا عندي مشكله ولا ايه
4-هل فعلا السبرانزا تيجوو 1600 الجديده بتنزل بفتاح برموت و التاني الاحتياطي عادي مفتاح عادي مش بالريموت و لو عاوز اعمل مفتاح الاحتياطي بالريموت اتصرف ازاي
5-صوت الانزار واطي جدا يعني ضعيف اوي هل ممكن اركب انزار تاني و لا كده اخرج من الضمان
6-في بعض الابواب و الشنطه اللي ورا لازم ارزع الباب جامد شويه عشان يقفل فيا تري عل في حل للموضوع دا ولا ايه
7-في زرار تحت التكييف مكتوب عليه security عاوز اعرف منكم دا عباره عن ايه و ايه لازمته ولا هوا دا بتاع الانزار و لا ايه انا مش فاهم
في النهايه انا اسف علي الاطاله و متر اسالتي و جزاكم الله خير في مسلعدتي و الرد عليكم و الف شكر للمنتدي و جميع اعضاءه الكرام المحترمين

<!-- google_ad_section_end -->

[حازم شاهين]

ألف مبروك ربنا يديك خيرها و يكفيك شرها
بالنسبة للفتيس و السحب اﻷفضل إنك تنتظر لصيانة اﻷلف علشان تتأكد من إستمرار الموضوع ده من أم بيتحسن مع مرور الوقت
بالنسبة للكرسى و اﻷبواب دى فقط محتاجة تتظبط و ممكن تعملها فى صيانة اﻷلف إن شاء الله
بخصوص صوت اﻹنذار ممكن تركب سارينة فقط بدل ما تركب إنذار كامل جديد و معتقدش هتخرج من الضمان علشان السرينة
بخصوص رفع الزجاج بالريموت فلازم تفضل ضاغط على الريموت فترة علشان ترفع الزجاج و ده فى سيارات 516 على اﻷقل لكن معنديش فكرة عن الطريقة فى تيجو 2000
و فعلا العربية بتتسلم بمفتاح ريموت و مفتاح إحتياطى عادى و لو عايز تعمل مفتاح ريموت تانى بتشتريه من التوكيل و تخرطة عند بتاع مفاتيح و بعدين ترجع للتوكيل علشان يبرمجه لك

أما باقى اﻷسئلة معنديش معلومات كفاية عنها إن شاء الله ملاك السيارة يفيدوك أكتير

[eman19]

انا مستلمة العربية بقالى تلات اسابيع و كان صوت الموتور عالى شوية دلوقت لما مشيت بها و و صلت 750 كيلو الصوت واطى خالص و بالنسبة لزرار الى تحت التكييف ده بتاع الانزار يدى فلاشر لما نقفل الباب

[abo-salama]

مليون مبروك يا ريت تقول كل المشاكل دى فى التوكيل وحضرتك بتعمل صيانة الالف كيلو وربنا يبارك لك فيها

[مهندس/أحمد عمر]

الاخ العزيز انا عندى تيجو1600 و اليك الاسئلة و الاجابة
1-انا حاسس ان الفتيس ضعيف شويه يعني في زي كركره خفيفه خصوصا وانا بطلع الاول
ج. انتى بتحط بنزين 90 او 92 ( يجب وضع 92 )
2- الكرسى يتربط فى التوكيل
3- الزجاج لازم تفضل ضاغط على الريموت و لو وقف اضغط على الفتح و ارجع استمر فى الضغط على الغلق حتى يتم اغلاق الزجاج
4- الابواب فى الاول بتكون تقيلة و فى صيانة الالف يتم ضبطها و هتبقى كويسة