لا أعلم ما الحل فى عمرة موتور

[LADA2107]

الأول كل سنة وأنتم طيين.
روحت أفك المكنة عشان أعمل شنبر لاقيت الأتى :

1. محتاجة طقم شنبر .
2. صبابات وخرط وش السلندر للصبابات.
3. خرط الشميز وأحتماليه يا الخراط يظبط على البساتم الموجودة أو أشترى بساتم أكبر لسه مش عارفين .
4. طلمبة زيت .
5. طقم جوانات وسير كاتينى جنزير ..........
6. شوية حاجات العمرة زى طقم الكهرباء والجوانات وكدة .

أيه رأيكم أعمر على كدة ولا أشترى موتور أستيراد ولا أعمل أيه لأنى قريت كذا حاجة ةلا أعلم ما الحل فيها والميكانيكى مستعجلنى وأنا خايف بصراحة لأن بعض الناس قلولى خرط الشمييز يعنى لعب فى أساسيات الموتور ومش مضمونة .
وناس تانية قالتلى أشترى نص موتور بس ومش فاهم مناها أيه ولكن وكدة فكرة .
وواحد جارى عندة موتور 1200 هل ممكن أخدة منة وأعركب عليه باقة الحاجة ؟
معلش أنا تعبان ومقرفت بجد وبقول ياريتنى ما كنت فكيت المكنة أيه الحل الله يرضى عليكم

[thunder2006]

وانت بالصحة والسلامة
1- الميكانيكى مستعجلك علشان فلوس العمره اللى هاياخدها.
2- العمره كده هاتكلف عليك كتير والميكانيكى شكله محتاج فلوس وعايز يكمل رمضان من جيبك
3- موتور استيراد وريح دماغك وخلى موتورك قطع غيار او بيعه خرده هايجيبله 300- 600 جنيه والله اعلم.

[Ahmed Elsahhar]

موتور استيراد طبعا وريح بالك وخلى القديم قطع غيار لان كدة العمرة هاتكلف اكتر من ثمن الاستيراد

[amr elsisi 1]

توكل علي الله وهات موتور استيراد
بس فلية كويس
لان ممكن تلائي السبايك فيها مشكلة او محتاج خرط كرنك وتفتح معاك
بس توكل علي الله

[LADA2107]

المشاركة الأصلية كتبت بواسطة thunder2006 وانت بالصحة والسلامة 1- الميكانيكى مستعجلك علشان فلوس العمره اللى هاياخدها. 2- العمره كده هاتكلف عليك كتير والميكانيكى شكله محتاج فلوس وعايز يكمل رمضان من جيبك 3- موتور استيراد وريح دماغك وخلى موتورك قطع غيار او بيعه خرده هايجيبله 300- 600 جنيه والله اعلم.

شكرا حضرتك على الرد طيب سعرة كام الموتور الجديد وأشترية منين لأنى بسمع أرقام كبيرة قوى