مشاكل الامجراند

[emgrand7]

المشاكل في الاستهلاك الكبير في البنزين وكذلك الكاسيت زي الزفت وكل شويه بيهنج معرفش ليه وكمان بتحدف يمين معرفش ازاي عربيه زيرو تعمل كده حاجه نيله قوي وهاوفيكم بالمزيد لاني عملت 900 كيلو بيها يعني انا علي وشك الصيانه الاولي والي لقاء ببلاوي تانيه

[hal71]

نرجو الإفادة بمزيد من التفاصيل

[الاستاذ/ علاء]

السلام عليكم
الف مبروك السيارة ويكفيك شرها ..

ياريت تسجل كل الملاحظات التى تقابلك فى ورقة صغيرة ..وفى صيانة الالف ان شاء الله تحل كل المشاكل .............

ومن راى الشخصى هذه ليست مشاكل وانما العادى قبل صيانة الالف ....لايوجد مشاكل جوهرية لاقدر الله .... ( اخبار مؤشر الحرارة ايه ؟؟؟)

والى لقاء بعد الالف ....ان شاء الله

[fourseasons]

يا باشا واحد زميلى معايا فى الشغل جاب العربية من اسبوع و عملت معاه موقف زى الزفت لسه كان فى مرور طوسون بيرخص ويادوبك روح وركنها فى الجراج وبليل نازل بيها مدارتش وحلفت يمين طلاق مهى دايرة المهم بعد اتصالات بالشركة وهنا وهناك بعتوله الونش من القاهرة للاسكندرية و خدوها المصنع تانى.هما قالو له انهم لقوا فيشة المارش مهزوزه وركبوها تانى وعملوا تشيك اب كامل.تخيلوا عربية زيروا من المصنع طالعه و فيشة المارش مهزوزه على حد كلامهم طب لو كانت عملت الموقف ده بيه وهو مسافر مثلا بليل و معاه اولاده كان ايه الموقف؟!!!!!

[jojojojojo]

مع احترامي للمؤيدي العربيه وياريت متزعلوش مني بس الصيني هيفضل طول عمره كده وخاصه ولو كان اللمسه الاخيره عليه من ايدي مصريه وحبذا كمان لو غبور يبقي كملت ويارب تثبت العربيه ديه عكس كلامي عشان بس اللي اشتراها واكيد تعبان في فلوسها