اقل مقدم وتقسيط وفترة سداد للسيارة لوجان؟؟؟؟؟؟؟ لمالكي لوجان

[hardrock]

السلام عليكم ورحمة الله وبركاته
اريد الاستفسار من مالكي اللوجان ما هو اقل مقدم وقسط وفترة سداد؟
مرتبي تقريبا 1300 جنية محتاج كام مقدم علشان يوافقوا علي المرتب ده كضمان؟
اللي جاب لوجان ليه مجابش لانوس او فيرنا او بروتون ساجا؟ انا محتار بينها وبين
ال ساجا بس عايز رأي المحترفين؟
لو في حد في الموقع الرائع ده هيعرف يبعلي عربية انا من الاسماعيلية ويسعدني
ان اشتري العربية عن طريق الموقع بس ميكونش في مشاكل في اي اجراءات ان شاء الله....
شكرا

[AbOnOrA]

واحدة واحدة ياباشا
بخصوص التقسيط يفضل حضرتك تعمل موضوع فى ساحة التقسيط علشان هناك هيرد عليك المتخصصين وفقاً لامكانياتك بالعروض المتاحة

بالنسبة للمقارنة فهتلاقى مقارنات فى قسم المقارنات او ممكن تطلب مقارنة هناك علشان تاخد اراء الكل لان اللى معاه اللوجان اكيد هيقولك اللوجان افضل وممكن تكون فعلا افضل بس بالنسبالة ومش كل حاجة بتكون دائما افضل لكل الناس
لازم تكون المقارنة مقابل استخدامك واولوياتك لكن كل عربيه زى ما فيها مزايا فيها عيوب

بس عامة اللانوس والفيرنا الاختيارات الاكثر اقتصادية نظراً لانتشار ورخص قطع الغيار ومراكز الخدمة وسهولة الصيانة وسهولة اعادة البيع
الساجا لسه الرؤية مش واضحة ااحنا حضرنا التست درايف وكتبنا عنها تقارير فى القسم بتاع البروتون مهم تقراها وتشوف اراء ملاكها برضو وهى غالباً بتستحسن الاداء لكن فيه شكاوى من استهلاك البنزين لكن عامة العربيه جيدة كقيمة مقابل سعر

بالنسبة للشراء من خلال الموقع فده مش زى ما حضرتك متصور الموقع بيقدم خدمة عامة للمستهلكين والتجار ومن خلال الموقع ممكن تشترى من تجار ومتخصصين فى البيع او التقسيط او باقى المجالات لكن مش بتشترى من الموقع نفسه

فحضرتك اعمل موضوع فى قسم التقسيط والاستاذ سيف مشرف القسم التجارى هيتابع حضرتك واهلاً بيك فى مصر موتورز

[hardrock]

المشاركة الأصلية كتبت بواسطة AboNoRa واحدة واحدة ياباشا بخصوص التقسيط يفضل حضرتك تعمل موضوع فى ساحة التقسيط علشان هناك هيرد عليك المتخصصين وفقاً لامكانياتك بالعروض المتاحة بالنسبة للمقارنة فهتلاقى مقارنات فى قسم المقارنات او ممكن تطلب مقارنة هناك علشان تاخد اراء الكل لان اللى معاه اللوجان اكيد هيقولك اللوجان افضل وممكن تكون فعلا افضل بس بالنسبالة ومش كل حاجة بتكون دائما افضل لكل الناس لازم تكون المقارنة مقابل استخدامك واولوياتك لكن كل عربيه زى ما فيها مزايا فيها عيوب بس عامة اللانوس والفيرنا الاختيارات الاكثر اقتصادية نظراً لانتشار ورخص قطع الغيار ومراكز الخدمة وسهولة الصيانة وسهولة اعادة البيع الساجا لسه الرؤية مش واضحة ااحنا حضرنا التست درايف وكتبنا عنها تقارير فى القسم بتاع البروتون مهم تقراها وتشوف اراء ملاكها برضو وهى غالباً بتستحسن الاداء لكن فيه شكاوى من استهلاك البنزين لكن عامة العربيه جيدة كقيمة مقابل سعر بالنسبة للشراء من خلال الموقع فده مش زى ما حضرتك متصور الموقع بيقدم خدمة عامة للمستهلكين والتجار ومن خلال الموقع ممكن تشترى من تجار ومتخصصين فى البيع او التقسيط او باقى المجالات لكن مش بتشترى من الموقع نفسه فحضرتك اعمل موضوع فى قسم التقسيط والاستاذ سيف مشرف القسم التجارى هيتابع حضرتك واهلاً بيك فى مصر موتورز

الف شكر ياباشا علي سرعة الرد وده بيبين جدية الموقع واهتمامه بخدمة ونصيحة اي حد عايز يشتري عربية. هكتب الموضوع ان شاء الله في قسم التقسيط وهتابع قسم المقارنات ولو العملية تمام هسأل ان شاء الله عن افضل معرض اشتري منه

[abo-salama]

يمكنك التقسيط بسهولة فى اى بنك وبنك القاهرة قريت له اعلان كويس يوم السبت فى الاخبار بملحق السيارات

[hardrock]

المشاركة الأصلية كتبت بواسطة abo-salama يمكنك التقسيط بسهولة فى اى بنك وبنك القاهرة قريت له اعلان كويس يوم السبت فى الاخبار بملحق السيارات

قريت نفس الاعلان واتصلت بيهم خدوا رقمي وقالولي قسم المبيعات هيتصل بيك
ونفضولي بس كنت عايز حد في ظروفي جابها علشان بحب اسأل اللي مجرب