دخانه بيضا فى الصباح أفيدوني

[mohamed200]

السلام عليكم ورحمة الله وبركاته

انا لاحظت النهارده لما دورت العربيه الصبح ان فيه دخانه بيضا من الشكمان واختفت لما العربيه سخنت بحثت عن سبب المشكله ولقيت انها ممكن تكون من جلد الصباب عايز يتغير .
العربيه كانت مركونة تقريبا اربع او خمس ايام واول مرة الموضوع ده يظهر مع العلم ان الجو كان برد جدا وشتا فممكن تكون المشكله من الجو علشان برد ؟
وقبلها كنت حاسس بخنقه فى العربيه من بعد ما حطيت بنزين اخر مرة
ممكن يكون المشكله من البنزين ؟
ولو المشكله من جلد الصباب ينفع امشي بيها كده عادي ولا الموضوع مهم ولازم اكشف عليه ؟
العربيه فيرنا 2007
بانتظار عباقرة المنتدي وشكرا ليكم مقدما

[fire storm]

هى ممكن تبقى عشان الشتا و الجو برد الصبح و كدا و تقريبا لو اى حاجه تانيه كانت الدخنه فضبت موجوده و جضرتك بتقول انها راحت وربنا يوفقك للحل ان شاء الله

[I.ABUBAKR]

عادي جدا

الكلام ده طبيعي مفيش ولا جلد صباب ولا غيرة

ولو شوفت اي عربيه موتورها مضبوط في الجو ده لازم تعمل دخنه بيضاء (بخار مياه ) علي الاقل عند بدايه تشغيل السياره

لا تقلق وخيرا ان شاء الله

[حسن بكر]

عزيزي الفاضل /
أنا بدلت ثلاث سيارات أولها كانت شاريد ياباني والثانية كانت لادا والثالثة بيجو . ولاحظت أن السيارات الثلاث كان هذا اسلوبهم في الصباح وخصوصا في الشتاء ، طبعا لأني لاحظت ذلك في الشتاء . وهذا أقلقني كمثل حالك يا أخي ، وأنا أركن السيارة في جراج كبير وأخذت أنظر ألى جميع السيارات ( جديد وقديم ) فوجدت هذا حالهم جميعا . فلا تقلق يا أخي وربنا يسلم .

[mohamed200]

شكرا ليكم يا شباب