و بعدين معاكي يا تويوتا (مشكلة جديدة)

[horas3000]

كيمو سؤال بس عشان الامور توضح
هل العربيات بتفقد السيطرة فعلا و لا بتديك الاحساس بكده خصوصا لانك اكيد بتقارنها بعربيتك و الالماني
لانها تفرق اوي و لو الموضوع كده مكانتش تويوتا رطرطت بالشكل ده. ما انت عارف البدو بيعملوا فيها و بيها ايه

[bmkbmk]

المشاركة الأصلية كتبت بواسطة horas3000 كيمو سؤال بس عشان الامور توضح هل العربيات بتفقد السيطرة فعلا و لا بتديك الاحساس بكده خصوصا لانك اكيد بتقارنها بعربيتك و الالماني لانها تفرق اوي و لو الموضوع كده مكانتش تويوتا رطرطت بالشكل ده. ما انت عارف البدو بيعملوا فيها و بيها ايه

شوف يا باشا ....
اول ما العداد يوصل 110 بتحس ان العربية ورقة فى ايدك و الدركسيون خفيف جدا جدا ...
دا انا كنت ماشى على الشمال يا باشا و جى واحد من ورايا بيقلبلى و على ما نقلت للحارة اللى جنبها كان قلبى وقف ... السيطرة على العربية مفيش خالص و انا وقت التجربة دى كان معايا المرسيدس و طبعا المقارنة بتفرض نفسها .... بس الغريب بقى ان اللانسر و النيسان صنى هما الاتنين مابيعملوش كدة على السرعة دى .....

و سالت اصحاب الكرولا هى عربيتكم فيها مشكلة ؟؟؟ الاتنين قالو لا هى كدة منهم واحد استاذ سواقة و قالى ان دى طبيعتها و هو متعود عليها و خلاص و التانى قالى انا ماباسوقش اكتر من سرعة 80 اصلا اصله كان معاه قبلها شيروكى و اتقلبت بيه فى يوم ممطر فا قرر مايمشيش اعلى من 80 طول حياته *

و بالنسبة للبدو يا باشا ما انت بتشوف بيعملو بالوانيتات ايه و بكل العربيات كمان انا مرة فضلت ماشى ورا وانيت على 190 لمدة 5 دقايق على طريق الخيران و بعدين سبته اخر ما زهقت و هديت

و تويوتا يا باشا مرطرطة بسب سمعتها الوهمية فى طول عمرها و الاقتصادية و التكييف و الدليل على كدة ان اكتر عربية بتبيع منها هى الكرولا .... يعنى دى شركة عربيات اقتصادية ............

[horas3000]

يجور يا كيمو
بس اصل الموضوع غريب
انا طبعا الكرولا كانت معايا 2002 خليجي و العربية كانت زي الفل و جنت بيها 170 و العربية كانت ماسكة نفسها كويس عكس المصري اللي بعد ال 120 كانت اسوء من الباجيرو بعد ال 160.
الكامري سقتها بس مجريتش بيها اللي و كانت موديل 2008 بس انطباعي عنها مكانش سيئ و ركبت الاوريون مع واحد و كان بيجري بيها علي 160 و مكنتش قلقان و المفروض انها هي هي الكامري بس متور اقوي.
ممكن تكون العربية اللي سقتعا فيها حاجة او زي ما انا متوقع انت كنت بتقيس مقارنة بالمرسيدس.
عموما سمعة تويوتا مجتش من فراغ و بالنسبة للتكيف فعلا لا يعلي علي تكيف التويوتا و مهما كان حجم المتور.
و انا لما جبت سيرة البدو كان قصدي زيك علي الجري الغشيم اللي بيعملوه و ان معظمهم معندوش فكرة يعني ايه صيانة و لما العربية تقف منه ساعتها بس يوديها لحد يشوفها غير كده هو ماشي و بيحط بنزين و خلاص