ناوى اشترى رينو داستر ومقلق منها ومحتاج مساعدتكم

[stonecoldmido5]

المشاركة الأصلية كتبت بواسطة ابو هيما شوف أنا كمان فى نفس حيرتك دي وخصوصا أنى بسافر كتير مابين شرم ودهب وطابا والقاهرة , يعنى العربية معايا لأزم تكون صح الصح وماتتعبنيش وكمان التكيف يكون ذو أعتمادية وخاصة مع الحرارة الشديدة .. وأنا بصراحة أقدر أقدم لك خبرتى من كتر المواضيع اللى قرأتها عن جميع العربيات هنا فى المنتدى وفى منتديات أخرى .. أنا أعتقد ان العربية اللى هتريحك من وجع الدماغ والبهدلة وهاتتناسب مع المبلغ اللى أنت بتتكلم فيه وتكون ذات أعتمادية وكمان يوم ما تبيعها أن شاء الله مش هاتخسر فيها كتير ... واحدة بس مالهاش تانى ... وهى ... تــــــــــــــويــــــوت ــــا كـــــــورولأ 2012 كاملة اتوماتيك ودي سعرها 167 ألف ويابانى مائة فى المائة ,, هى بس يعبها أن شكلها مش شبابى , لكن معلش أنت بتشترى راجل أقصد بتشترى عربية محترمة ,, وممكن كمان تفكر فى اللأنسر بومة ودي في منها 117 وفى 125 وكمان 130 على حسب الكمليات وبردوا معلش شكل تصميمها قديم شوية ومعروف ,, بس أرجع وأفكرك أنك بتقول عاوز حاجة تستحمل ..وفى كمان عند أختياريين أرخريين وهما هوندا سيفك وممكن هوندا سيتى 2012 وأنا أرشحلك السيتى لأنها شبابية أكتر من السيفك وسعر الهوندا سيتى فئة أولى 135 ألف وتانية كاملة 143 ألف وسيبك من الجوك والقشقاى دلوقتى لأنهم لسة ما خدوش دورتهم فى السوق فمش متجربين ومش معروفين أوى من ناحية المزايا والعيوب .. وكمان أوعى حد يلعب فى دماغك ويقولك خد الأسكودا فهى بالرغم من أنها عربية محترمة ألأ أنى بصراحة أنا شايف أن جسمها ووزنها تقيل جداً على العربية وكان يلزمها موتور 1800 سي سي على الأقل , ده غير أنى قرأت ان فى مشاكل خاصة بالفتيس لأداعى لذكرها هنا .. الداستر بصراحة عربية محترمة وعفشة نيسان أكستريل ومصفحة بالكامل من تحت ولكن لفئة الدفع الرباعى فقط , بس بصراحة أنا أتصدمت لما قلت لى أن موتورها لوجان ... أنت متأكد من المعلومة دي ؟!!! طب على كدة بقى يبقى اللوجان المانيوال محترمة وكمان رخيصة طالما هى هى نفس الموتور .. طب اللى فى اللوجان المانيوال k4mوده 8 صباب وكامة واحدة ولكن فى الفئة المانيول , يمكن بقى أنت بتتكلم عن موتور اللوجان الأتوماتيك وده 16 صباب و2 كامة بس مش عارف أنت معلومتك دي صح ولأ- لأه , ياريت حد يفيدك من خبراء الرينو ويقولك , بس فعلأ أنا فى نفس حيرتك ومش عارف اللوجان دي تستحمل البهدلة ولأ بتاعة منظرة وبس .. عامتاً شوف كدة الأختيارات اللى أنا كتبتهالك وقولى رأيك أيه .. وياريت الأخوة بردوا يضيفوا رايهم ويقترحوا خيرات تانية ولكن ذات أعتمادية ,, وبالتوفيق أن شاء الله

مساء الخير , فعلا الداستر نفس موتور اللوجان بس العزم يعدي في رايي 107 حصان وده كويس جدا بالنسبة لوزن السيارة و ابعادها و في رايي العربية فوق الممتازة بعد 15 الف كم و الحمد لله كأنها زيرو علي الرغم من المشي في طرق صعبة شوية و المطبات الكتيرة اللي باخدها .

[ابو هيما]

المشاركة الأصلية كتبت بواسطة stonecoldmido5 مساء الخير , فعلا الداستر نفس موتور اللوجان بس العزم يعدي في رايي 107 حصان وده كويس جدا بالنسبة لوزن السيارة و ابعادها و في رايي العربية فوق الممتازة بعد 15 الف كم و الحمد لله كأنها زيرو علي الرغم من المشي في طرق صعبة شوية و المطبات الكتيرة اللي باخدها .

أستاذ stonecoldmido كل عام وأنت بخير وبصحة وسعادة ورمضان كريم , ربنا يمتعك بالعربية وماتشوفش منها حاجة وحشة أبدا ً , وأنا كنت عاوز حضرتك تدينا شوية معلومات من كتيب العربية عن رقم الموتور التشغيلى وقوتها كام حصان وكام صباب وكامة وهل هى موتور اللوجان المانيوال ولأ الأتوماتيك .لأنى أنا أعرف أن فى موتور K4M واخر K7M .وهل هيبقى فى لوجان مانيوال 16 صباب ولأ كل المانيوال فى اللوجان 8 صباب ؟!!.. طب أنت عندك سير الكاتينة فى الداستر كاوتش ولأ جنزير ؟!!!!

[stonecoldmido5]

http://www.renault.com.sy/.../Syria....res/Duster.pdf

المشاركة الأصلية كتبت بواسطة ابو هيما أستاذ stonecoldmido كل عام وأنت بخير وبصحة وسعادة ورمضان كريم , ربنا يمتعك بالعربية وماتشوفش منها حاجة وحشة أبدا ً , وأنا كنت عاوز حضرتك تدينا شوية معلومات من كتيب العربية عن رقم الموتور التشغيلى وقوتها كام حصان وكام صباب وكامة وهل هى موتور اللوجان المانيوال ولأ الأتوماتيك .لأنى أنا أعرف أن فى موتور K4M واخر K7M .وهل هيبقى فى لوجان مانيوال 16 صباب ولأ كل المانيوال فى اللوجان 8 صباب ؟!!.. طب أنت عندك سير الكاتينة فى الداستر كاوتش ولأ جنزير ؟!!!!

انا هرفع لحضرتك مواصفات الموتور من خلال البؤوشور علي الموقع التالي
web.renault.nl/.../dacia-vp-duster-brochure.pdf


يه كل البيانات عن الموتور بس علي فكرة سير الكاتينة كاوتش

[فادى]

المشاركة الأصلية كتبت بواسطة lordhatem الف شكر علي الاستجابة . أنا شاب من سكان الإسكندرية و ساكن في برج العرب و الجامعة بتاعتي في ابو قير ( يعني باخدها من شرقها لغربها ) و كان معايا هيونداي نيو اكسنت 2009 بس بعد سنتين العربية بقت بتعاني من كل حاجة ( موتور و عفشة و كل حاجة ) و سخنت بيا و انا علي الطريق الصحراوي ايام حظر التجول و للأسف عقدني من كل العربيات و محتاج عربية تستحمل المشوار ده كل يوم، امما موضوع مانيوال وللا لا مايفرقش معاية و أنا فكرت في الداستر عشان عالية و 4x4 بس بصراحة قلقت من موتورها خصوصا انه نفس موتور اللوجان و اكبر دليل ان اقصي سرعة الداستر 160 كم/س ده غير انني حسيت العربية فيها فيبر كتير، وكان نفسي حد كان يطمنني منها بس مالاقتش و استغربت و أنا عند الطارق بتفرج علي العربية البائع قاللي ( إبعد عن الرينو دلوقتي ) معرفش هو قال كده ليه بس قالها، و أنا قلت آخد برأي حضراتكم لان أنا فعلن تعبت من كتر ما دورت،معلش أنا آسف انني طولت عليكوا بس من حيرتي و شكرًا للإفادة .

بص يا باشا سيبك من موضوع السرعة 160 كلم لأنك مع اى عربية 4*4 (حتى الشيروكى) هتخاف اصلا تعدى السرعة دى.
ال4*4 سيارات متينة البنية لكنها تفتقد لمتعة القيادة, انا مقصدش متانة الهيكل, لكن متانة الشاسيه و متانة العفشة فى الطرق غير الممهدة لكن ده مش معناه انو المحرك و بقية الاجزاء أكثر اعتمادية.
مبلغ 170 الف جنيه أنا شايفه يدخلك فى فئة كويسة فى الالمانى زى السكودا اوكتافيا و الفولكس فاجن جيتا و ممكن تبص برضو على البيجو و الرينو فلولنس و كلها سيارات متينة و ممتعة فى القيادة لكن يعيبها ارتفاع سعر قطع الغيار.
ال4*4 هتديك ميزة انها عربية عالية, متانة العفشة و تفوقك النسبى فى الحوادث بفضل ارتفاع الاكصدام(مش لمتانتها لأن سيارة ال4*4 هيكلها مثله مثل أى سيارة اخرى).
فى المقابل فان عيوبها هى سهولة الانقلاب و الثبات السىء و متعة القيادة المنقوصة.
لو انت ملكش فى الجرى يبقى الداستر جيدة و النيسان قشقاى و السوزوكى SX. و كلها عربيات جيدة. الرينو داستر هى خليط من تقنيات رينو و نيسان و لكن مفيش معلومات كثيرة متوفرة عنها و عن مشاكلها.
لكن هى محاولة جيدة لانتاج سيارة 4*4 بسعر معقول و قدرات قريبة من ال4*4 الكبيرة.
لو انت بتحب الجرى و السواقة العنيفة و عايز عربية تستحمل أعتقد ان عربية اوروبية هتكون جيدة جدا, و فيه عندك الجيتا أو البيجو308 أو الرينو فلولنس أو الفيات برافو و كلها عربيات متينة جدا و تستحمل معاك و عمرها الافتراضى طويل.

[stonecoldmido5]

معلهش حضرتك الموقع مش عايز يفتح , و المعلومات اللي حضرتك طلبتها :

hp105 - 16v - 1.6 - K4M 606
Number of cylinders/valves 4 in line / 16
km 0 - 100 in 13 seconds
Maximum speed 158 km/h
Engine code A8
Peak power kW CEE (hp DIN) 75 (102) Peak power rating (rpm) 5,750
Peak torque Nm CEE (Nm): 145
Peak torque rating rpm : 3.750

وعلي فكرة موتور الدفع الرباعي k4m 606 ، اما الثنائي k4m 690 مع ان العزم واحد في الاتنين و تجميع الدفع الثنائي من صفر ل 100 كم في 11 ثانية في زمن اقل من الرباعي , و اعتقد ان سير الكاتينة كاوتش مش جنزير .

و اي سؤال يشرفني الرد علي سيادتك .