ناوى اشترى رينو داستر ومقلق منها ومحتاج مساعدتكم

[فادى]

انت عاوز عربية 4*4؟
لو عايز عربية 4*4 مش هتلاقى المانى 4*4 فى سعر الداستر, و أعتقد الخيارات تنحصر بين الداستر و التيجو و الدستر أفضل الخيارات فى هذه الفئة.
حدد أولا ما تحتاجه من السيارة, سيارات ال4*4 فى العادة قوية التحمل لكنها غير ممتعة فى القيادة.
حدد أولا المبلغ اللى تقدر عليه, و بعد كده الفئة التى تحتاجها (عائلية, 4*4, سيارة صغيرة) و نقدر نقولك الخيارات التى أمامك.

[lordhatem]

الف شكر علي الاستجابة . أنا شاب من سكان الإسكندرية و ساكن في برج العرب و الجامعة بتاعتي في ابو قير ( يعني باخدها من شرقها لغربها ) و كان معايا هيونداي نيو اكسنت 2009 بس بعد سنتين العربية بقت بتعاني من كل حاجة ( موتور و عفشة و كل حاجة ) و سخنت بيا و انا علي الطريق الصحراوي ايام حظر التجول و للأسف عقدني من كل العربيات و محتاج عربية تستحمل المشوار ده كل يوم، امما موضوع مانيوال وللا لا مايفرقش معاية و أنا فكرت في الداستر عشان عالية و 4x4 بس بصراحة قلقت من موتورها خصوصا انه نفس موتور اللوجان و اكبر دليل ان اقصي سرعة الداستر 160 كم/س ده غير انني حسيت العربية فيها فيبر كتير، وكان نفسي حد كان يطمنني منها بس مالاقتش و استغربت و أنا عند الطارق بتفرج علي العربية البائع قاللي ( إبعد عن الرينو دلوقتي ) معرفش هو قال كده ليه بس قالها، و أنا قلت آخد برأي حضراتكم لان أنا فعلن تعبت من كتر ما دورت،معلش أنا آسف انني طولت عليكوا بس من حيرتي و شكرًا للإفادة .

[lordhatem]

ال4x4 و الحجم مش اساسي المهم (((المتانة))) و بفكر في مقارنة بين العربيات دول
1- رينو داستر
2- نيسان جوك
3- نيسان كاشكاي
و أنا معاية في حدود ال170 الف و عايز افضل عربية من حيث المتانة و الاعتمادية.

[mohamed selem]

ربنا يوفقك في الاختيار
واسيب الاعضاء الي عندهم خبره في العربيات الي انت محتار بينهم يدلوك

[ابو هيما]

المشاركة الأصلية كتبت بواسطة lordhatem الف شكر علي الاستجابة . أنا شاب من سكان الإسكندرية و ساكن في برج العرب و الجامعة بتاعتي في ابو قير ( يعني باخدها من شرقها لغربها ) و كان معايا هيونداي نيو اكسنت 2009 بس بعد سنتين العربية بقت بتعاني من كل حاجة ( موتور و عفشة و كل حاجة ) و سخنت بيا و انا علي الطريق الصحراوي ايام حظر التجول و للأسف عقدني من كل العربيات و محتاج عربية تستحمل المشوار ده كل يوم، امما موضوع مانيوال وللا لا مايفرقش معاية و أنا فكرت في الداستر عشان عالية و 4x4 بس بصراحة قلقت من موتورها خصوصا انه نفس موتور اللوجان و اكبر دليل ان اقصي سرعة الداستر 160 كم/س ده غير انني حسيت العربية فيها فيبر كتير، وكان نفسي حد كان يطمنني منها بس مالاقتش و استغربت و أنا عند الطارق بتفرج علي العربية البائع قاللي ( إبعد عن الرينو دلوقتي ) معرفش هو قال كده ليه بس قالها، و أنا قلت آخد برأي حضراتكم لان أنا فعلن تعبت من كتر ما دورت،معلش أنا آسف انني طولت عليكوا بس من حيرتي و شكرًا للإفادة .

شوف أنا كمان فى نفس حيرتك دي وخصوصا أنى بسافر كتير مابين شرم ودهب وطابا والقاهرة , يعنى العربية معايا لأزم تكون صح الصح وماتتعبنيش وكمان التكيف يكون ذو أعتمادية وخاصة مع الحرارة الشديدة .. وأنا بصراحة أقدر أقدم لك خبرتى من كتر المواضيع اللى قرأتها عن جميع العربيات هنا فى المنتدى وفى منتديات أخرى .. أنا أعتقد ان العربية اللى هتريحك من وجع الدماغ والبهدلة وهاتتناسب مع المبلغ اللى أنت بتتكلم فيه وتكون ذات أعتمادية وكمان يوم ما تبيعها أن شاء الله مش هاتخسر فيها كتير ... واحدة بس مالهاش تانى ... وهى ... تــــــــــــــويــــــوت ــــا كـــــــورولأ 2012 كاملة اتوماتيك ودي سعرها 167 ألف ويابانى مائة فى المائة ,, هى بس يعبها أن شكلها مش شبابى , لكن معلش أنت بتشترى راجل أقصد بتشترى عربية محترمة ,, وممكن كمان تفكر فى اللأنسر بومة ودي في منها 117 وفى 125 وكمان 130 على حسب الكمليات وبردوا معلش شكل تصميمها قديم شوية ومعروف ,, بس أرجع وأفكرك أنك بتقول عاوز حاجة تستحمل ..وفى كمان عند أختياريين أرخريين وهما هوندا سيفك وممكن هوندا سيتى 2012 وأنا أرشحلك السيتى لأنها شبابية أكتر من السيفك وسعر الهوندا سيتى فئة أولى 135 ألف وتانية كاملة 143 ألف
وسيبك من الجوك والقشقاى دلوقتى لأنهم لسة ما خدوش دورتهم فى السوق فمش متجربين ومش معروفين أوى من ناحية المزايا والعيوب ..
وكمان أوعى حد يلعب فى دماغك ويقولك خد الأسكودا فهى بالرغم من أنها عربية محترمة ألأ أنى بصراحة أنا شايف أن جسمها ووزنها تقيل جداً على العربية وكان يلزمها موتور 1800 سي سي على الأقل , ده غير أنى قرأت ان فى مشاكل خاصة بالفتيس لأداعى لذكرها هنا ..
الداستر بصراحة عربية محترمة وعفشة نيسان أكستريل ومصفحة بالكامل من تحت ولكن لفئة الدفع الرباعى فقط , بس بصراحة أنا أتصدمت لما قلت لى أن موتورها لوجان ... أنت متأكد من المعلومة دي ؟!!!
طب على كدة بقى يبقى اللوجان المانيوال محترمة وكمان رخيصة طالما هى هى نفس الموتور .. طب اللى فى اللوجان المانيوال k4mوده 8 صباب وكامة واحدة ولكن فى الفئة المانيول , يمكن بقى أنت بتتكلم عن موتور اللوجان الأتوماتيك وده 16 صباب و2 كامة بس مش عارف أنت معلومتك دي صح ولأ- لأه , ياريت حد يفيدك من خبراء الرينو ويقولك , بس فعلأ أنا فى نفس حيرتك ومش عارف اللوجان دي تستحمل البهدلة ولأ بتاعة منظرة وبس .. عامتاً شوف كدة الأختيارات اللى أنا كتبتهالك وقولى رأيك أيه .. وياريت الأخوة بردوا يضيفوا رايهم ويقترحوا خيرات تانية ولكن ذات أعتمادية ,, وبالتوفيق أن شاء الله