استغاثه عاجله "مشكلة فى بداية سحب عربية دايو لانوس 2008 "

[essamdj]

السلام عليكم و رحمة الله و بركاته
عندى سيارة دايو لانوس 2008 مانيول

بداية المشلكله كانت من شهر تقريباً
ان السيارة كانت تمام فى السحب بس اول ما اطلع بالسيارة
اجد احياناً رجرجة ورعشه فى الماتور

و عند بداية اى غيار من الثانى حتى الرابع
الاحظ ان العداد الخاص بعدد لفات الماتور يعلى لفوق ثم يعود مرة اخرى لمعدله الطبيعى

المهم غيرت زيت الماتور و كشفت على زيت الفيتيس علماً باننى لم اغيره نهائى
ولا جديد فى حل المشكله وكذلك غيرت فلتر الهواء

ثم شار عليا كهربائى بانى اغير البوجيهات وقالى ده عيب كهرباء
فغيرتها بنفسى من يومين و جبت بوجيهات 21 يابانى
السيارة اتبرجلت على الاخر

فضعف السحب نهائى فى بداية كل غيار لدرجة انى لما ادوس بنزين تتحرك السيارة ببطئ
و عداد عدد لفات الماتور يصرخ و يعلى حتى تاخذ سرعتها وهكذا فى باقى الغيارات
و كمان لو السيارة وقفت فوق مطب هوائى بقت مستحيل تتحرك للامام
حتى ارجع للخلف خطوات ثم اندفع بالسيارة للامام حتى اعدى المطب الهوائى

ارجوا مساعدتى فى سبب المشكله و حلها

واسف جداً للاطاله بس حبيت اشرح بالتفصيل

[هانى عيسى حسان]

بص انا مش خبره اوى بس انا كان عندى مشكله فى السحب على الغيار التالت كان العربيه بتتكلبش اول ما ادى الغيار التالت بس لما فكيت الرشاشات والبوابه ونضفتهم الحمد لله العربيه بقيت كويسه والسحب اتظبط وبالنسبه للرجرجه دى وانت طالع بالعربيه او على السلانسيه دى كانت معايا قواعد موتور وغيرتهم وبقيت زى الفل انا بقول تجربتى مع عربيتى ربما ممكن تستفيد مش بالضروره يكون عندك نفس الحل بس انا حبيت اقول لان فيه تشابه بين مشكلتك ومشكلتى وابقى طمنا عملت ايه وربنا يوفقك

[truss]

ان عداد ال rpm يعلى لوحده من غير سرعة العربية ما تزيد و بعدين يرجع تانى ( و دة طبعاً فى حالة تعشيق غيار) , زائد انه فيه رجرجة فى الطلعة احتمال انه اسطوانة الدبرياج بتودع.

[احمد على 1999]

المشاركة الأصلية كتبت بواسطة truss ان عداد ال rpm يعلى لوحده من غير سرعة العربية ما تزيد و بعدين يرجع تانى ( و دة طبعاً فى حالة تعشيق غيار) , زائد انه فيه رجرجة فى الطلعة احتمال انه اسطوانة الدبرياج بتودع.

و انا ايضا مع هذا الرأى

[shur3000]

طب انا عندى السحب كويس جدا بس عندى موضوع ان لما اجى انقل من غيار لغيار الار بى ام يعلى (ساعات وساعات) بس على فكرة دة فى الثانى بس انما 3 و 4 و 6 عادى كأن مفيش حاجة خالص دى اسطوانة علما بأن الموضوع دة من ساعة ما جبت العربية من سنة وشوية وهى على كدة