عايزه رايكم فيرنا اوتوماتيك؟؟؟؟؟؟؟؟؟؟؟

[DR_LOLA]

المشاركة الأصلية كتبت بواسطة shebnez انا معايا فيرنا اوتوماتيك عامله 53 الف لحد دلوقتي و ما شاء الله تمام و مفيش مشاكل و السحب جامد و مريحاني جدا و بحس انه الشركه مهتميه بالاوتوماتيك اكثر من المانيوال عشان عددها اقل قصدي بحس ان صناعتها اتقن شويه ،معرفش ليه بس ده مجرد احساس لكن انا معاكي لو عاوزه تشتري فيرنا اوتوماتيك مش حتفرق كتير عن الاوبترا او الافيو ، الفيرنا عربيه كويسه جدا

المشاركة الأصلية كتبت بواسطة oscar5411 انا بامانه معرفش اذا كانت الفيرنا مش هاتنزل تانى ولا لا بس انا حبيت اقول ان معايه فيرنا اوتوماتيك بقالها سنتين عربيه ممتازه جداا جداا

ياه انا متشكره جدااا ليكم طمنتونى شويه ان شاء الله استخير وربنا يرشدنى للافضل باذن الله

بس طبعا لو مش هينزلوها تانى زى لما قال احمدكار هارجع للحيره تانى ربنا يسهل ان شاء الله
جزاكم الله خيرا

[hazem_khidr]

لو فعلا مش موجوده هاجيب نيو اكسنت ان شاء الله بس ليه مش قولتولى رايكم فى شيفوروليه افيو وهل هى افضل من فيرنا ولا اصلا لا يصح المقارنه شكرا جداا على الافاده

الفيرنا تقارن باللانوس لانهم الاتنين تصميمهم قديم زي بعض
لكن النيو اكسنت تقارن بالافيو لانهم الجيل الاحدث للفيرنا و اللانوس علي التوالي
الفيرنا كسياره لا تمت لشيفروليه بصله لكنها عباره عن امتداد للدايو لانوس بعد ان اشترت جنرال موتورز شركه دايو
و اصبحت تحت اداره شيفروليه و لذلك بالافيو تتمتع بنفس موتور اللانوس و لا يوجد بينهم اختلافات جوهريه عدا الشكل الخارجي.
انما النيو اكسنت سياره جديده قلبا و قالبا
يعني لو قدامي الاربع عربيات دول النيو اكسنت و الافيوو و الفيرنا و اللانوس
حختار النيو اكنت بلا مجال للماقارنه
و لو حرتبهم من حيث الافضليه يبقي حرتبهم زي ما كاتبهم فوق كده بالضبط.

اقتباس: <table width="100%" border="0" cellpadding="6" cellspacing="0"> <tbody><tr> <td style="border: 1px inset ;" class="alt2"> المشاركة الأصلية كتبت بواسطة mada pro يا ريت تبعدي عن الفتيس الاوتوماتيك الكوري عامه و وفي عربيات الفئه دي خاصه صيانته مقرفه و مكلفه و عمره الافتراضي قليل و كمان السحب هيبقي زفت </td> </tr> </tbody></table> هو ده اللى قريته كتيير علشان كده مش عارفه اقرر خاصه انى جديده فى السواقه ربنا يستر ان شاء الله شكرا على ردك جزاكم اله خيرا

الفتيس الاتوماتيك الكوري ماعدش سئ للدرجه اللي حضرتك متصوراها
هو اينعم ما وصلش للياباني في نعومته لكن برضه مش وحش و معمر
بس مش زي الياباني و الفرق بينهم مش كبير للدرجه.
و لو حتجيبي العربيه زيرو و تغيري زيت الفتيس كل 40 الف كيلو يبقي انسي اي مشكله تحصل للفتيس الاتوماتيك
روح الفتيس الاتوماتيك في الزيت بتاعه و طالما فيه الزيت المطابق للمواصفات انسي الفتيس حتي لو صيني!!!
انما الياباني ممكن لو نسيتي الزيت او ما غيرتهوش يستحمل فتره معقوله بس مش معني كده انه مش حيبوظ
لاء حيبوظ بس بعد الكوري بشويه.
يا رب يكون كلامي مفهوم لاني مش مرتب كلامي خالص

[AHMEDCAR]

مافيش كلام بعد كلام حازم خضر

و عن تجربه سحب الاتوماتك الكورى ممتاز جدا جدا

[DR_LOLA]

حازم خضر
جزاك الله خيرا بالعكس كلامك مرتب وبجد افدتنى جدااا
خلاص ان شاء الله استخير الله واجيب نيواكسنت ربنا يسهل ان شاء الله
شكرا ليك مره تانيه

[oscar]

ptmnlo123per154 مبــــــــــــــــــــــر وك مقدما ptmnlo123per154