العربية ديه اكيد بتطير رينو لوجان

[Foxoo7]

هو طبعا واضح ان الموضوع قديم من التاريخ
بس أعتقد صاحب الموضوع دلوقتى شاف اللوجان قد ايه نجحت في مصر
وكسرت الدنيا، وسعرها غلى ألف جنيه مقابل رخص أسعار الفيرنا
واللانوس بالالفين وال 3 ألاف جنيه وبرضه الناس لسه بتفضل اللوجان،

[luckyman]

على فكرة الرينو فى معظم الاسواق بيخسر جامد جدا مش بس هو والستروين والبيجو وبشكل دراماتيكى عربية ممكن عدة شهور ولما تتباع تعتبر ببلاش بس اللى بيتحكم فى الموضوع دة بغض النظر عن اعتمادية السيارة وجمالها وقوتها انها غير مرغوبة ولها فئة معينة اللى بتكون عايزها مش بس دى دة كمان فى عربيات زى اللانسيا والفارميو تتباع بخسارة ومتلقيش حد عايزها اساسا حتى لو جديدة ونفس الامر كان بيحصل مع الجاكور ولغاية فترات ليست بالبعيدة مع البى ام دبليو
وبعدين انا شايف ان المفروض ان العربيات المستعمله ينزل تمنها اللى بيحصل فى مصر مش منطقى حتى لو تمن العربية مليون جينة ومن 8 او عشر سنين ويكون تمنها كمان 70 الف كتير على عربية قطعة حديد بالعكس انا شايف ان لسة الميجان غالية يعنى اية عربية مستخدمة 70 الف استخدمت خس سنين كتير اوى وشكرا

[elgdawy2007]

المشاركة الأصلية كتبت بواسطة Foxoo7 هو طبعا واضح ان الموضوع قديم من التاريخ بس أعتقد صاحب الموضوع دلوقتى شاف اللوجان قد ايه نجحت في مصر وكسرت الدنيا، وسعرها غلى ألف جنيه مقابل رخص أسعار الفيرنا واللانوس بالالفين وال 3 ألاف جنيه وبرضه الناس لسه بتفضل اللوجان،

سعاده الباشا فى بعض المناطق بلغ السعر زياده عن السعر المعلن للسياره 2000 جنيه كمان مش 1000 بس حسب المكان واليى بيبعها ب1000 جنيه زياده لبعض الناس والبعض الاخر بيطلب منهم 2000 فى بعض المعارض ولا داعى للتشهير بالناس بس دى معلومه للاضافه مش اكتر..تقبل تحياتى

[elgdawy2007]

المشاركة الأصلية كتبت بواسطة elgdawy2007 سعاده الباشا فى بعض المناطق بلغ السعر زياده عن السعر المعلن للسياره 2000 جنيه كمان مش 1000 بس حسب المكان واليى بيبعها ب1000 جنيه زياده لبعض الناس والبعض الاخر بيطلب منهم 2000 فى بعض المعارض ولا داعى للتشهير بالناس بس دى معلومه للاضافه مش اكتر..تقبل تحياتى

اكيد سعر اعاده البيع فى السياره اللوجان حيكون محتفظ الى حد كبير بتوازنه خصوصا ان السياره بدأت فى الانتشار الى حد كبير ولكن المهم للمحافظه على هذا التوازن ان يكون هناك موازنه اخرى كذلك بين السياره وبين قطع غيارها فلتحقيق معادله بيع السياره بسعر جيد لابد ان يرتبط ذلك ايضا بأنتشار قطع غيارها ورخص سعرها ايضا وبالله التوفيق

[esafegypt]

انا ليا رأأي واكيد كلكم لازم تهتموا بالكلام اللى هقولة (((( دلوقت لو المصرى بيشترى العربية علشان يستهلكها وتخدمة فى زحمة الشوارع وحر النهار وتعب الايام وبتشيلة هو وعيلتة واصحابة ليه بعد كل ده المصرى عايز لما يبيع العربية ميخسرش فيها وفى نفس الوقت لما يستهلكها يلاقى قطع الغيار رخيصة ؟؟؟ طب ازاى ؟ مع ان اى حد عنده عربية بيعرف ان قطع الغيار لما بتكون من بلد معينة بتعيش أفضل وفى نفس الوقت انا بكلم الناس اللى بتدافع عن العربيات الكورى وبقول لهم ان لاقدر الله لو عربية نقل كانت ماشية بطئ وريحت على عربيتك الكورى او الصينى ايه اللى هيحصل ؟ اعتقد ان الكل عارف ان الشنطة بالاكصدام هيضيع لكن لو عربية زى الرينو او اى عربية اوروبى هتلاقى ان التلفيات جت فى الاكصدام فقط )))) مثلا لو حصل حادثة وعربية دخلت فيك من الجنب فى الباب ؟ لو عربية كورى هتلاقى الباب اتدمر والركاب اتصابو لو عربية من اوروبا هتلاقى الباب اتعوج وباظ لكن مفيش حد من الركاب هيحصلوا شئ عارفين ليه ؟
لان اوروبا لما بتعمل عربية بتعمل البادى والامان الاول والامان فى العربيات زى الرينو واى عربية من اوروبا هتلاقية انهم مهتمين بكل مكان فى العربية من حيث الامان
يبق دلوقت هل عايز تعرض حياتك للخطر وحياه أسرتك وتركب عربية نسبة الامان بها ضعيفة وانت متأكد ان العربية لو لا قدر الله حصلت حادثة يبق موش هيفضل من العربية ولا اللى راكب العربية اى حاجه

طبعا انا عن نفسى بختار اى عربية صنعت فى اوروبا علشان الامان فقط موش علشان دى فرنساوى وال المانى وال العزم بتاع العربية او قطع غيارها بتعيش ولا اى حاجه من الكلام ده بهتم بيها اهم شئ انك تفكر هل المهندس اللى صمم العربية الكورية او الصينية او اليابانية افتكر ان فى مواصفات أمان والمفروض ان العربية ممكن تتعرض لحادثة وان فى ارواح داخل السيارة وال لاء ؟
طبع اغلب السيارات الاسيوي مدخلتش اصلا اختبار الامان لانها مكنتش هتعدى الاختبار ده فحرام والله الفلوس تدفع فى سيارة وتدى فلوسك لناس مفكروش انهم يحموك من شر السيارة ومن شر الطريق ولكن فكروا فى الربح وفى البيع وفى الكماليات والكاسيت ومشغل الامبى ثرى ووالرفاهية وكل شئ يجعل الناس تحب السيارة ويحسوا انها سياره الاحلام لكنها سياره الاوهام
لانك بمجرد ما تغلطت غلطة على الطريق او حدثة تحصل هتلاقى نفسك فى عداد الموتى ..................

ولو راجعتوا تاريخ اى سيارة فى اختبارات الامان هتلاقو انها ملهاش تاريخ من الاساس وانهم بداءو يهتموا بألامان بعد ما الدول الاوروبية رفضت دخول هذه الانواع التى هى خطر على الارواح البشرية وانهم اهتموا فقط بالامان فى السيارة حتى يستطيعوا ان يكون لهم مكان فى الدول الكبرى

ولن انسى ابدا الحوادث التى رأأيتها بعينى وانا اسافر على طرق سريعة كثيرا وان اغلب الحوادث كانت من نصيب عربيات من اسيا ( سوزوكى - لانسر - دايو - هيونداى كتير جدا ) اما عن الصينى فحدث ولا حرج فالصينى لا يحتاج لحوادث لانك بمجرد دخولك على مطب مصرى أصيل هتلاقى العربية الصينى حصل لها اعطال بنسبة 10% فى كل قطعة فى السيارة ولن انسي الشخص اللى كان فى شارع فيصل فى الجيزة وخد مطب والسياره كانت هتتقسم نصفين كانت اسبرانزا وعندما ذهب للتوكيل قالوا له انت اللى بتدخل على المطبات بسرعة وعمل شكاوى كثيرة لجهاز حماية المستهلك .