مساعده فى شراء LED

[kastan]

لو سمحتوا يا رجاله انا عاوز اشترى LED يكون 42 بوصه وكل ما ادخل على منتدى علشان اعرف النوع الاحسن كل واحد برأى فيه اللى بيئول LG احسن بالذات فى موضوع 3D والرأى التانى بيئول ان السامسونج لا يعلى عليه فى نقاء الصوره وال3D لغايت ما اتجننت ومش عارف أجيب دى ولا دى مع العلم انى بقارن بين شاشتين هما
LG 42 LM6610--1ودى تمنها تئريبا 7000 جنيه
2--SAMSUNG UA40ES6800ودى تمنها 7500جنيه
ومعلش لو هتئل عليكم عاوز اعرف الفرق بين النظاره الPASSIVEوال ACTIVE


وإيه الاحسن فى الرؤيه؟

[elmo7areb]

والله يا باشا معنديش فكرة
انا اشتريت من كام يوم ال جي 42 بوصة ال سي دي ب 3450

[Hisham.Elgazzar]

الأل جى الصراحة ماشوفتش أحلى منه فى الألوان لكن سامسونج تفوقوا اوى فى الموديلات السنة دى عن اى حد اساسا فبأرشحلك سامسونج بإذن الله

[حازم شاهين]

الحل إنك تروك لمكان فيه الشاشتين و تقارن بينهم بنفسك و بعينك
و كمان شوف إللى مواصفاتها تحققلك طلباتك
يعنى حسب منا فاهم أهم مواصفة تهمك هى Respose time حاول تكون أقل ما يمكن و ده بيتقاس بالميلى ثانية
و كمان الـ Refresh rate يكون أكبر ما يمكن و ده بيتقاس بالهرتز
العاملين دول مهمين جدا عند مشاهدة الأحداث الرياضية و فى أفلام الأكشن و ألعاب الفيديو
أعتقد دى أهم حاجة بالنسبة لك
عموما
الشركتين كويسين و أداءهم عالى المستوى و بالتالى مش هتلاقى الفرق كبير
و فى المستوى إللى إنت محدده . المواصفات معدية المطلوب و زيادة
فمش هتفرق كتير
أفضل مكان تقارن فيه بين الشاشات المختلفة فى رأيى هو سيتى ستار .. تيجى نضرب بلطه سوا ؟

[طارق عبد السلام]

انا متابع من فتره موديل lm6610 47

وبجد هو الاحسن حتى الان فى تقنيه سمارت تى فى وايضا فى الثرى دى لان مستوى التعتيم فى الثرى دى اثناء التشغيل افضل بكثير من السامسونج وايضا موضوع الصداع من النظاره مش موجود فى ال جى لان نظارته لاتشحن لكن السامسونج بشحن
مستوى الرؤيه من زوايا مختلفه فى الثرى دى ال جى افضل
لكن الافضل من ال جى فى السامسونج موديل s8000 تلفزيون رائع بمعنى الكلمه لكن سعره مرتفع جدا
لو ثرى دى يبقى ال جى افضل فى الموديل اللى انت مختاره
وعلى فكره انا عندى سامسونج سيريس 6
وانحيازى لال جى بالذات فى هذا الموديل لانه بجد راااااااااائع جدا وتفوق على سامسونج