العودة   مصر موتورز مجتمع السيارات > سوق السيارات فى مصر موتورز > سوق السيارات المصرية

سوق السيارات المصرية نصائح عامة وتجارب واخبار عن بيع وشراء السيارات فى السوق المصرى


إضافة رد
 
أدوات الموضوع
  #1  
قديم 01-01-2012, 10:47 PM
الصورة الرمزية mostafakamal
mostafakamal mostafakamal غير متواجد حالياً
التخصص العملى: محاسب
 
تاريخ التسجيل: Sep 2009
الموقع: القاهرة
المشاركات: 157
mostafakamal is a jewel in the roughmostafakamal is a jewel in the roughmostafakamal is a jewel in the rough
افتراضي النهاردة اشتريت عربية فيرنا 2008 من سوق السيارات في العاشر

الحمد لله يا جماعة أنا أشتريت عربية النهاردة من سوق السيارات اللي في العاشر، وده اللي حصل معايا بالضبط....

النهاردة يوم الاحد 1-1-2012 اتصلت بالسمكري الصبح بدري وأتاكدت عليه أن أحنا هنروح السوق حسب اتفاقنا السابق، ورحت للسمكري الساعة 11 تقريبا وأخدنا معانا بوهيجي عربيات (شفت في موضوع سابق ان واحد بينصح ناخد معانا بتاع بوهية عشان هو اكتر واحد بيفهم لو كانت العربية راشة أو لا) وعرفت قد إيه البوهيجي مهم جدا عشان كان بيعرف بكل سهولة الحتة اللي رشة، المهم، وصلنا السوق تقريبا مع أذان الضهر،وأول ما دخلنا لاحظت أن التجار تقريبا هما اللي مسيطرين على السوق، بس فيه ناس بتبيع عربياتهم لوحدهم وده كان قليل جدا، وانتو عارفين انا كنت بدور على فيرنا أقل موديل 2008، وطبعا شفنا عربيات كتير، في منهم فيهم شغل في الحوض ومرشوش بنضافة يعني عايز واحد خبير عشان يكتشفهم، والعربيات النضيفة سعرها مبالغ فيها، بس طبعا فيه اللي عايز يبيع فعلا وده اللي كنا بندور عليه، المهم انحسر اختيارنا بين عربيتين 2008 الاول طلب 48.5 والتاني 50 والاتنين تكيف وباور بس عشان العربيات النضيفة الكاملة بيطلبوا مش أقل من 54، وطبعا العربية أم خمسين كانت أفضل، المهم وصلنا مع الاول لغاية 47، وبعد كده قلنا نشوف التاني هنوصل معاه لكام، وصل لغاية 48 ومش عايز ينزل جنيه ومشينا من عنده على كده ولما لقيت أنه مش راضي ينزل عن كده لفيت لفة ورجعت له تاني واتكلمت معاه تاني وقلت له 47.750 بدل من 47.500 ورفض برضه لغاية زودت له 50 جنيه بالعافية، وأحب أقول لكم البايع ده كان تاجر والعربية عليها توكيلين، والعربية الاولانية كانت بدون توكيل والرخصة بأسم صاحبها، بس أنا استريحت للعربية اللي عليها توكيلين، أعمل إيه دلوقتي؟ وطبعا كان معايا الفلوس كلها بس كنت عامل احتياطات جامدة جدا عشان الفلوس متتسرقش، يعني بصراحة كده بدون كسوف لفيت الفلوس على وسطي وربطها جامد جدا وطبعا فلوس أوراق كبيرة فئة المتين جنيه ومكانتش باينة خالص، حتى الناس اللي معايا مكانوش يعرفوا الفلوس معايا ولا مش معايا، روحنا على الشهر العقاري على طول اللي في السوق، وعملنا عقد مسجل على طول واللي معايا يقوللي أعمل توكيل وانا اقول لا عقد مسجل والحمد لله سجلت العربية باسمي وخلصت واستلمت العربية واتاكدت ان كل حاجة تمام، أنا حبيت اقول لكم على كل حاجة حصلت عشان تكون تجربة يعرفها كل اخواتنا في المنتدى
رد مع اقتباس
  #2  
قديم 01-01-2012, 10:54 PM
corsair
Guest
 
المشاركات: n/a
افتراضي رد: النهاردة اشتريت عربية فيرنا 2008 من سوق السيارات في العاشر

الف مليون مبروك يا استاذ مصطفي وربنا يديك خيرها ويكفيك شرها وشر طريقها وبكدا يبقي انضم لينا عضو فيرناوي جديد
رد مع اقتباس
  #3  
قديم 01-01-2012, 10:54 PM
salahzee salahzee غير متواجد حالياً
 
تاريخ التسجيل: Apr 2010
الموقع: الأقصر
المشاركات: 36
salahzee has a spectacular aura aboutsalahzee has a spectacular aura about
افتراضي رد: النهاردة اشتريت عربية فيرنا 2008 من سوق السيارات في العاشر

ألف مبروك ربنا يرزقك خيرها ويكفيك شرها
رد مع اقتباس
  #4  
قديم 01-01-2012, 10:56 PM
الصورة الرمزية كومندا
كومندا كومندا غير متواجد حالياً
من انا؟: عبد من عباد الله
التخصص العملى: بروفسير فى حتى
هواياتي: النت والسيارات
 
تاريخ التسجيل: May 2009
الموقع: قلعة الصناعه ...((المحله الكبرى))
المشاركات: 1,242
كومندا has a reputation beyond reputeكومندا has a reputation beyond reputeكومندا has a reputation beyond reputeكومندا has a reputation beyond reputeكومندا has a reputation beyond reputeكومندا has a reputation beyond reputeكومندا has a reputation beyond reputeكومندا has a reputation beyond reputeكومندا has a reputation beyond reputeكومندا has a reputation beyond reputeكومندا has a reputation beyond repute
افتراضي رد: النهاردة اشتريت عربية فيرنا 2008 من سوق السيارات في العاشر

1000 مبروك وربنا يباركلك فيها
رد مع اقتباس
  #5  
قديم 01-01-2012, 11:11 PM
tamerhassan tamerhassan غير متواجد حالياً
 
تاريخ التسجيل: Aug 2010
المشاركات: 118
tamerhassan is a jewel in the roughtamerhassan is a jewel in the roughtamerhassan is a jewel in the rough
افتراضي رد: النهاردة اشتريت عربية فيرنا 2008 من سوق السيارات في العاشر

10001000:GROWI N~12:ألف مبروك
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 12:11 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017