العودة   مصر موتورز مجتمع السيارات > منتديات السيارات العامة > سفارى وطرق

سفارى وطرق اماكن تستحق الزيارة - سفارى - رحلات - طرق جديده او مختصره - طرق احذر منها


إضافة رد
 
أدوات الموضوع
  #1  
قديم 12-04-2015, 08:46 PM
الصورة الرمزية مصطفى-حسن
مصطفى-حسن مصطفى-حسن غير متواجد حالياً
التخصص العملى: صاحب محل
هواياتي: غطس حر
 
تاريخ التسجيل: Apr 2013
الموقع: العاشر من رمضان
المشاركات: 247
مصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant future
افتراضي رحلة الى الاقصر واسوان ... تقرير متكامل بالتفاصيل والصور والفيديو والاسعار (الجزء التالت)


السلام عليكم ورحمة الله وبركاتة

دة الجزء التالت بتاع رحلتى للاقصر واسوان ولو انت متابع يبقى كمل قراية علطول

لكن لو انت مش متابع يبقى دة رابط الجزء الاول وكنت بتكلم فية بالصور والفيديو عن الطريق من العاشر من رمضان للاقصر ووصفة والخدمات علية وعن اسعار الفنادق ومستوياتها وزيارة لمعبد الكرنك

رحلة الى الاقصر واسوان...تقرير متكامل بالتفاصيل والصور والفيديو والاسعار (الجزء الاول) - مصر موتورز مجتمع وسوق السيارات العربى

ودة رابط الجزء التانى وكنت بتكلم فية بالصور والفيديو عن زيارة لوادى الملوك بالبر الغربى وعن روعة و جمال الهندسة المعمارية الفرعونية اللى اتعملت فى بطن الجبل على عمق 100 طابق تحت سطح الارض بزاوية ميل 33 درجة تقريبا فى مقابر وادى الملوك

رحلة الى الاقصر واسوان ...تقرير متكامل بالتفاصيل والصور والفيديو والاسعار (الجزء التانى) - مصر موتورز مجتمع وسوق السيارات العربى

ونبدا الجزء التالت وهو زيارة لمعبد الاقصر اللى فى قلب مدينة الاقصر فى البر الشرقى

ودى معلومات كاملة عن المعبد

ظ…ط¹ط¨ط¯ ط§ظ„ط£ظ‚طµط± - ظˆظٹظƒظٹط¨ظٹط¯ظٹط§طŒ ط§ظ„ظ…ظˆط³ظˆط¹ط© ط§ظ„ط*ط±ط©

وانا هحاول اتناول الموضوع وكانة رحلة عبر الزمن للمعبد
الاول دة فيديو 3D مدتة دقيقة ونصف وهو فيديو تخيلى للمعبد وقت بناءة ضرورى جدا تتفرج علية عشان تتخيل وتعرف شكل المعبد كان عامل ازاى وقت بناءة
Temple of Luxor - YouTube



مبدئيا المعبد موجود فى وسط البلد يعنى مش محتاج مواصلات وتذكرة دخولة على ما اذكر كانت 3ج
ومواعيدة من 8 صباحا الى 9 مساء

والصور اللى جاية بالترتيب كتالى

الاولى صورة تخيليلة من اعلى للمعبد وقت بناءة ايام الفراعنة
التانية صورة تخيلية لواجهة المعبد وقت بناءة
التالتة صورة حقيقية لواجهة المعبد التقطت 1880 تقريبا
الرابعة صورة حقيقية لواجهة المعبدفى بداية القرن الماضى من الناحية اليسرى ونلاحظ الزحف العمرانى عليها وقتها التقطت 1900 تقريبا
الخامسة صورة لواجهة المعبد من الجانب الايسر التقطت 1901
السادسة صورة واجهة المعبد حاليا

والفيديو اللى تحت الصور دة من تصويرى لواجهة المعبد




















بعد كدة بتدخل فناء رمسيس التانى
وهتلاقى على شمالك وانت داخل جزء من مسجد ابو الحجاج داخل فى المعبد وسبب وجود المسجد فوق جزء من المعبد هو ان الاثار الفرعونية زمان
كانت مهملة جدا وكانت الاقصر عبارة عن قرية صغيرة فى الصعيد فجاء احد الرجال الصالحين وهو الصوفى يوسف بن عبد الرحيم بن يوسف بن عيسى الزاهد وشهرتة ابو الحجاج
وبنى المسجد سنة 658 هـ (1286م) فوق جزء من المعبد ومن يومها وهو على هذا الحال

وعشان تبقى متخيل انا هحط لك صورة تخيلية لكامل المعبد من فوق وهتلاقينى محدد الجزء اللى تم بناء المسجد علية على التصميم الاصلى وتحتها صورة جوية للمسجد فى الوقت الحالى








والصور التالية بالترتيب
الاولى صورة من الداخل للخارج وهتلاقى فيها مسجد او الحجاج على اليمين فوق وضهر واجهة المعبد فى وشك
التانية صورة لنهاية الفناء وهتلاقى فية تمثالين لرمسس التانى
والفيديو اللى تحتهم للفناء نفسة








بعد كدة بتدخل على بهو الاعمدة وهو عبارة عن بهو مستطيل يوجد به صفان من الأعمدة
وبكل صف سبعة أعمدة ضخمة يبلغ ارتفاع العمود الواحد 18 متراً
اى ما يعادل 5 طوابق ارتفاع
والصور التالية بالترتيب
الاولى تخيليلة للبهو وقت بناءة ايام الفراعنة
التانية صورة من اوائل القرن الماضى
التالتة صورة بالليل حاليا








وبعد كدة بتعدى من بهو الاعمدة وتوصل لنهايتة والصور التالية من نهاية البهو كالتالى
الاولى قديمة التقطت سنة 1900
التانية قديمة اثناء اعمال الترميم فى المعبد
التالتة من نفس الزاوية فى الوقت الحالى بالنهار
الرابعة من نفس الزاوية فى الوقت الحالى بالليل
وبعد كدة فيديو لبهو الاعمدة














وبعدكدة بتدخل فناء امنحوتب التالت
وهو عبارة عن فناء ضخم تحيط به الاعمدة من 3 جهات
وعددهم 64 عمود

والصور التالية كالتالى
الاولى تخيلية للفناء وقت بناءة ايام الفراعنة
التانية صورة خارجية التقطت للبهو من على النيل سنة 1875
التالتة صورة تانية لنفس البهو وفى نفس الزمن لكن من زاوية تانية
الرباعة والخامسة التقطها انا بالنهار
السادسة لنفس الفناء التقطتها انا بالليل
والفيديو اللى تحتهم للفناء دة بالنهار



















وبعد كدة بتدخل على منطقة قدس الاقداس ودة مدخلها




بعد ما تخلص المعبد وترجع تانى للمدخل الرئيسى هتلاقى فى وشك طريق الكباش
ودة المفروض انة واصل بين معبد الاقصر ومعبد الكرنك ودة قصتة انة كان معمول لتسير به المواكب المقدسة للملوك والآلهة في احتفالات اعياد الاوبت من كل عام فكان يسير الملك يتقدمه علية القوم من الوزراء وكبار الكهنة ورجال الدولة خلف الزوارق المقدسة التي كانت تحمل تماثيل الآلهة‏,‏ بينما يصطف أبناء الشعب علي جانبي الطريق يرقصون ويلعبون في بهجة وسعاده
والصور التالية كالتالى
الاولى تخيلية لشكل الموكب ايام الفراعنة
التانية صورتة حاليا بالنها
التالتة صورتة بالليل من نهايتة









بعد ما خلصت معبد الاقصر رحت متحف التحنيط وهو قريب جدا من معبد الاقصر حوالى 500 متر ومواعيد عملة من 9 صباحا الى1 ظهرا والتذكرة على ما اذكر كانت ب3ج او 4ج

ودى معلومات كاملة عنة
ظ…طھط*ظپ ط§ظ„طھط*ظ†ظٹط· - ظˆظٹظƒظٹط¨ظٹط¯ظٹط§طŒ ط§ظ„ظ…ظˆط³ظˆط¹ط© ط§ظ„ط*ط±ط©


والمتحف يختص بكل ما ييشمل علم التحنيط بالنسبة للفراعنة سواء كانت الادوات او المواد الكيمائية اللى كانوا بيستخدموها
او الجرار اللى كانوا بيحفظوا فيها امعاء المتوفى وهتلاقى بعض الحيوانات المتحنطة فعليا زى القرد والتمساح

وفية مومياء موجودة فى المتحف للامير ماساهرتى الفرعونى
لو حالفك الحظ وكان المتحف فاضى قليلا من الزوار ووقفت امام المومياء تتامل ملامح وجهه لفترة طويلة بهدوء وسكون مع الاضاءة الخافتة للمتحف هتحس بقشعريرة فى جسمك ورهبة وهتنصرف من قدامها وفعليا دة اللى حصل معايا
بس علشان التصوير فية ممنوع نهائيا فانا هجيب لك بعض الصور من على النت












بعد كدة رحت متحف الاقصر وهو على بعد كيلو تقريبا من معبد الاقصر على النيل يعنى ممكن تتمشى المسافة على الكورنيش
ومواعيدة من 9 صباحا الى 1 ظهرا
والتذكرة ب 10ج
وبردو ممنوع فية التصوير

ودى معلومات كاملة عنة
ظ…طھط*ظپ ط§ظ„ط£ظ‚طµط± - ظˆظٹظƒظٹط¨ظٹط¯ظٹط§طŒ ط§ظ„ظ…ظˆط³ظˆط¹ط© ط§ظ„ط*ط±ط©


والمتحف جميل جدا من جوة وكبير ومنظم وانصحك بزيارتة وهو عبارة عن طابقين وفية 346 قطعة اثرية وفية 2 مومياء متحنطين ومحطوطين فى غرف منفصلة ولو وقفت فترة لوحدك فى الغرفة خافتة الاضاءة مع المومياء ودققت فى وشها وعينيها لفترة طويلة بردو هينتابك احساس غريب لا يخلو من الرهبة
ودة مدخل المتحف من برة


ودى بعض الصور من النت










وبكدة يبقى انتهى الجزء التالت
ويتبقى جزء رابع واخير فى الاقصر
هيكون تغطية بالصور والفيديو لحتسبشوت (الدير البحرى) ووادى الملكات وهيكون نصائح عامة وتحذيرات عشان تقضى اجازة سعيدة وتستمتع بيها فى الاقصر
وبعد كدة هنروح اسوان

اللى اللقاء فى الجزء الرابع


__________________

صفحتى على الفيس https://www.facebook.com/profile.php?id=1000015256 47162
رد مع اقتباس
  #2  
قديم 13-04-2015, 02:39 AM
الصورة الرمزية AbOnOrA
AbOnOrA AbOnOrA غير متواجد حالياً
Aِِbo(Nora&Islam&Judy)
Wael Magdy Salah
من انا؟: ابو نورا واسلام
التخصص العملى: IT Consultant
هواياتي: Computers, Automotives
 
تاريخ التسجيل: May 2008
الموقع: ام الدنيا مصر
المشاركات: 17,066
AbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond repute
افتراضي رد: رحلة الى الاقصر واسوان ... تقرير متكامل بالتفاصيل والصور والفيديو والاسعار (الجزء التالت)

تقرير رائع ومبهر كعادة تقاريرك تسلم ايدك على المجهود المتميز ده كله
موضوع الرهبة اللى بتتحس بالنظر للمومياوات ده انا اشهد بيه وحصلى قبل كدة اول مرة شوفت موميا كانت وقتها فى المتحف المصرى قاعة المومياوات وكانت لسه جديدة ساعتها والاضائه تمام وكل حاجة بس مجرد ما دققت فى الموميا كدة وسرحت فى تفاصيلها حسيت بنفس الرهبة اللى بتتكلم عليها ديه ودخت كمان والله وبقيت عايز اخرج مع انى قلبى جامد وبحضر عمليات جراحية ودفن ومشارح وكل حاجة بس فعلاً الموياوات ليها تاثير عجيب
تسلم ايدك مرة تانية وتالته على التقرير الجميل وادعيلى اعملها وافضى اسبوع كدة لرحلة زى ديه نفسى فيها من ايام الطفولة ولسه مش عارف اروحها
__________________



اخر موضوعاتى
قريباً تقرير وتجربة اداء دايهاتسو تريوس * تويوتا راش

رد مع اقتباس
  #3  
قديم 13-04-2015, 10:52 AM
الصورة الرمزية نبيل عبدالرحمن
نبيل عبدالرحمن نبيل عبدالرحمن غير متواجد حالياً
مدير عام المنتدى
من انا؟: مهندس انشائى بالمعاش
التخصص العملى: خبير مدير عام مساعد بقطاع البترول سابقاً
هواياتي: رياضة التجديف وألعاب القوى ( أيام الشباب طبعاً )
 
تاريخ التسجيل: Oct 2009
الموقع: اسكندرية
المشاركات: 4,555
نبيل عبدالرحمن has a reputation beyond reputeنبيل عبدالرحمن has a reputation beyond reputeنبيل عبدالرحمن has a reputation beyond reputeنبيل عبدالرحمن has a reputation beyond reputeنبيل عبدالرحمن has a reputation beyond reputeنبيل عبدالرحمن has a reputation beyond reputeنبيل عبدالرحمن has a reputation beyond reputeنبيل عبدالرحمن has a reputation beyond reputeنبيل عبدالرحمن has a reputation beyond reputeنبيل عبدالرحمن has a reputation beyond reputeنبيل عبدالرحمن has a reputation beyond repute
افتراضي رد: رحلة الى الاقصر واسوان ... تقرير متكامل بالتفاصيل والصور والفيديو والاسعار (الجزء التالت)

تقريرك ولا أروع من ذلك وقد مزجت فيه بين الصور الواقعية والصور التخيليه عن الشكل العام أثناء عصر الفراعنه وهو يظهر جلياً مدى عظمة الفراعنه ودقتهم فى الهندسة الإنشائيه للمعابد
وأجمل مافى الموضوع إستعانتك بالمعلومات العامة من الموسوعات العلمية والتى نراها ونفهم منها ما خفى علينا وما لم نعرفه حتى فى زيارتنا لهذا المكان
تسلم ايدك وننتظر الجزء الرابع والأخير عن رحلتك الى مدينة أسوان
__________________

م . نبيل عبد الرحمن
مصر موتورز
الإسكندرية
رد مع اقتباس
  #4  
قديم 13-04-2015, 12:39 PM
الصورة الرمزية مصطفى-حسن
مصطفى-حسن مصطفى-حسن غير متواجد حالياً
التخصص العملى: صاحب محل
هواياتي: غطس حر
 
تاريخ التسجيل: Apr 2013
الموقع: العاشر من رمضان
المشاركات: 247
مصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant future
افتراضي رد: رحلة الى الاقصر واسوان ... تقرير متكامل بالتفاصيل والصور والفيديو والاسعار (الجزء التالت)


المشاركة الأصلية كتبت بواسطة AbOnOrA مشاهدة المشاركة

تقرير رائع ومبهر كعادة تقاريرك تسلم ايدك على المجهود المتميز ده كله
موضوع الرهبة اللى بتتحس بالنظر للمومياوات ده انا اشهد بيه وحصلى قبل كدة اول مرة شوفت موميا كانت وقتها فى المتحف المصرى قاعة المومياوات وكانت لسه جديدة ساعتها والاضائه تمام وكل حاجة بس مجرد ما دققت فى الموميا كدة وسرحت فى تفاصيلها حسيت بنفس الرهبة اللى بتتكلم عليها ديه ودخت كمان والله وبقيت عايز اخرج مع انى قلبى جامد وبحضر عمليات جراحية ودفن ومشارح وكل حاجة بس فعلاً الموياوات ليها تاثير عجيب
تسلم ايدك مرة تانية وتالته على التقرير الجميل وادعيلى اعملها وافضى اسبوع كدة لرحلة زى ديه نفسى فيها من ايام الطفولة ولسه مش عارف اروحها
عايز اقولك موضوع الرهبة دة اتكرر معايا مرتين مرة فى متحف التحنيط ومرة فى متحف الاقصر ........فكرة انك تبص لانسان زيك زية متحنط بس دة بقالة 7000 سنة وراقد قدامك وتحس انة حاسس بيك جنبة مع الاضاءة الخافتة بتاعة المتحف فعلا بتدى احساس لا يخلو من الرهبة خصوصا لما يكون الزوار فى المتحف قليلين ومفيش دوشة
__________________

صفحتى على الفيس https://www.facebook.com/profile.php?id=1000015256 47162
رد مع اقتباس
  #5  
قديم 13-04-2015, 12:41 PM
الصورة الرمزية مصطفى-حسن
مصطفى-حسن مصطفى-حسن غير متواجد حالياً
التخصص العملى: صاحب محل
هواياتي: غطس حر
 
تاريخ التسجيل: Apr 2013
الموقع: العاشر من رمضان
المشاركات: 247
مصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant future
افتراضي رد: رحلة الى الاقصر واسوان ... تقرير متكامل بالتفاصيل والصور والفيديو والاسعار (الجزء التالت)


المشاركة الأصلية كتبت بواسطة نبيل عبدالرحمن مشاهدة المشاركة

تقريرك ولا أروع من ذلك وقد مزجت فيه بين الصور الواقعية والصور التخيليه عن الشكل العام أثناء عصر الفراعنه وهو يظهر جلياً مدى عظمة الفراعنه ودقتهم فى الهندسة الإنشائيه للمعابد
وأجمل مافى الموضوع إستعانتك بالمعلومات العامة من الموسوعات العلمية والتى نراها ونفهم منها ما خفى علينا وما لم نعرفه حتى فى زيارتنا لهذا المكان
تسلم ايدك وننتظر الجزء الرابع والأخير عن رحلتك الى مدينة أسوان
3 ساعات بحث بدون مبالغة عشان اعرف اجيب الصور التخيليلة والصور القديمة للمعبد والفيديو اللى بيشرح المعبد وقت بناءة

كل دة عشان اعرف اطلع تقرير الحمد لله انة طلع كويس

وبالنسبة للحزء الرابع يا استاذ نبيل هيكون برضو فى الاقصر زى ما قلت فى نهاية التقرير والخامس هيكون فى اسوان
__________________

صفحتى على الفيس https://www.facebook.com/profile.php?id=1000015256 47162
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
رحلة الى الاقصر واسوان ...تقرير متكامل بالتفاصيل والصور والفيديو والاسعار (الجزء التانى) مصطفى-حسن سفارى وطرق 5 29-04-2015 06:02 PM
رحلة الى الاقصر واسوان...تقرير متكامل بالتفاصيل والصور والفيديو والاسعار (الجزء الاول) مصطفى-حسن سفارى وطرق 5 14-02-2015 10:58 PM

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 12:51 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017