علامة الفولكس اتسرقت....

[wanees]

انا عندي جيتا وبرضه اتسرقت العلامات وغطاء الجنط بالنسبه للعلامات انا اشتريت علامات غير اصلية الواحدة ب 15 جنيه لانه لو جبت الاصلية برضه هتنسرق اا بالنسبه لغطاء الجنط اللي بيغطى صواميل الجنط فانا عملت حاجة ثانيه عملت من الفوم دائرة بالمساحة الداخلية للجنط ولصقت عليهم علامت فولكس اللي 4 ب 10 جنيهات لانني اعتقد لو ركبت الاصلي هيتسرق ايضا اما كلمة جيتا فانسرقت ايضا وجمعتها من عند بتوح الاكسسوارات حرف حرف بحوالي 15 جنيه ايضا -----بصراحة كدة انا ملاحظ سلبية من المصريين لانهم لو مسكوا واحد بيحاول يسرق علامة سيارة ويسلموة للشرطه ويشهدوا علية ستقل السرقات هذة كثيرا --- اما انا فمش عارف ليه الحراميه حاطيني فى دماغهم فبالامس فقط سرق غطاء سيارتى للمرة الخامسه علي التوالي فلى الله وحسبي الله ونعم الوكيل-------- علي فكرة الجنط بتاعي سبور اصلي ومع كدة اتسرق برضه غطاءة يعنى كل حاجة برضة بتنسرق

[luckyman]

روح سوق التوفيقية بنص البلد وتلاقى كل الاسعار وتلاقى كمان انواع رخيصة بفنش وشكل نضيف جدا اكيد عارف سوق التوفيقية وشكرا لك

[luckyman]

انا عن نفسى لوجو العربية الامامى بيتسرق كل ما جيب واحد هو اسبوع ويتسرق بقيت اجيب من التوفيقية واحد 12 جينة وانزل بعد اسبوع اطمن الحرامى سرقة ولاه لسة وافضل قلقان انة لسة ما اخدهوش بكون عايز ارتاح على العموم انا بقيت كل شهرين اجيب واحد كل ما انزل اجازة اخ لو مسكتة اخلية يندم ندم كبير انة فكر ياخد لوجو 12 جينة وياخد العلقة السخنة مش جايبة تمنها اخلية يروح ملط كما ولدتة امة علشان يكون عبرة لمن لا يعتبر وشكرا

[hazem_khidr]

انا حاليا بقيت بلزق اللوجوهات بطريقتين
لو اللوجو مش مفرغ و حته واحده بلزقه بالكوله
اما لو الاستيكر مفرغ بعمله بشتريه و انضفه
و بعدين اقطع دبل فيس علي القد بالضبط و اقف الزقه في الشمس
و بعدين انزل عند العربيه و هيا في عز الشمس و مافيش مانع لو جبت سشوار كمان و سخنت المكان اللي حلزق فيه
و بعدين الزق اللوجو
و الجدع بقي يفكه بعد ما اتعرض اللزق للسخونيه دي كلها ايا كان نوع اللزق عمره ما يطلع
واحد مره حاول يسرقها كل اللي قدر عليه انه كسرها شويه و ما عرفش يطلعها

[luckyman]

المشاركة الأصلية كتبت بواسطة hazem_khidr انا حاليا بقيت بلزق اللوجوهات بطريقتين لو اللوجو مش مفرغ و حته واحده بلزقه بالكوله اما لو الاستيكر مفرغ بعمله بشتريه و انضفه و بعدين اقطع دبل فيس علي القد بالضبط و اقف الزقه في الشمس و بعدين انزل عند العربيه و هيا في عز الشمس و مافيش مانع لو جبت سشوار كمان و سخنت المكان اللي حلزق فيه و بعدين الزق اللوجو و الجدع بقي يفكه بعد ما اتعرض اللزق للسخونيه دي كلها ايا كان نوع اللزق عمره ما يطلع واحد مره حاول يسرقها كل اللي قدر عليه انه كسرها شويه و ما عرفش يطلعها

والله انك استاذ يا باشا اتمنى تكون بخير ومبسوط تحياتى الحارة يا زعيم