بعد تجرية هيونداى أكسنت RB 5000 كم

[cheetoos2009]

أتمنى يكون تقرير الأكسنت RB بعد 2222 كم عجبكم .

النهاردة تقرير بعد ما كملت 5000 كم بـ هيونداى أكسنت RB بعد حوالى شهرين .

العربية مانيوال بسعر 96 ألف جنية مصرى .

رحت صيانة الـ 1000 ( ملهاش لازمة ) فى أبو رواش .

مــمــيــزاتــهــا :

- تصميم خارجى ممتاز 9 /10 (( الجمال حاجة نسبية ))

- ماتور قوى جدا و سحبة ممتازة 9/10 (( نفس المستخدم فى النترا الجيل السابق 2006 - 2011 )) 123 حصان و ده أقوى من أغلب سيارات فئتها فى مصر .

- باور ستيرنج ممتاز و مساحة شنطة جيدة و تكيف جيد و تصميم داخلى و سماعات و عدادات جيدة 7/10

- اقتصادية جدا فى استهلاك البنزين وصوت الماتور هادئ جدا .

- تشعر بأن الأكسنت مصممة لتكون لك و تعتاد عليها بسرعة و مرنة جدااااا فى الأستخدام و مناسبة لكل الأعمار و الأماكن المزدحمة داخل المدينة و لكن غير جيدة للسفر لمسافات طويلة .


عيوب :

- عفشة أنعم من السيراتو و أسواء من الألنترا 6 / 10 (( بتترج جامد من ورا فى المطبات و تسمع صوت اى حاجة بتخبط فى العربية من تحت حتى لو زلطة صغيرة )) و ان تحسنت الرجة قليلا بعد الوصول لـ 5000 كم

- البودى الكورى فعلا ورق و ده ظاهر فى العربية دى 2 / 10 أقل لمسة بيتبعج الصاج

- العربية غالية شوية بالنسبة لأمكانياتها خصوصا مع عدم وجود ABS أو Air Bags أو فوانيس شبورة .

- العربية عالية و ممتازة فى المطبات أحسن من أغلب عربيات فئتها بس ده و انا وحدى أم فى حاله 4 أو 5 راكب العربية بتحك فى أى مطب و بتكون تقيلة شوية .


و فى النهاية أنصح بيها لكل الى حابب يشترى عربية على الزيرو تحت 100,000 و يكون استخدامة جوا المدن المزدحمة أكتر أو بيحب السواقة الشبابية .

[AMRSAID127]

بس هى مش اقتصادية فى الوقود:w6w200504111340266 d

[tamer.koko]

:thn kr:

[cheetoos2009]

المشاركة الأصلية كتبت بواسطة AMRSAID127 بس هى مش اقتصادية فى الوقود:w6w200504111340266 d

بالعكس كويسة جدا فى استهلاك البنزين و نفعانى أوى فى الأزمة دى ّ

[jojojojojo]

مشكور جدا علي التقرير الموضوعي وفعلا صاجها ضعيف جدا وربنا يباركلك فيها