استكمال المهزلة عشان الناس اللى بتشكر لسة فى النيسان

[ahmad elmowafy]

هيبدء معاك ان الفرامل تسيب ودواست البنزين هتسيب وهتلاقي الكيك داون او الاوفر دريف مبيجيبش اكتر من 160 بظبط الاحسن تبعها وابعد عن النيسان خالص

[dr.wael7yran]

السلام عليكم
انا الصراحة اول مرة اشوف موضوعك
بس انا عندي رأي
حاول تركب عربية زي عربيتك نفس الموديل و شوف موضوع السحب ده
لأن النيسان الصراحة عربية خنيقة في السواقة .. و لو انت كان معاك حاجة قبلها هتحس فعلا انها متسحبش
بس لو لقيت في فرق فعلا... لا تزعق و لا تتخانق و اشتكي في سكات و شرد في كل حتة
و ربنا يكرمك

[Mo7sen Al S3dy]

الله يكون في عونك موضوع مشكلتك خلتني أنسى التفكير في النيسان حتى لو مشكلة فردية

[crime]

اجيبلك من الاخر هما بيكبرولك دماغهم علشان انت بتتعامل باحترام
المره الجايه بقى روح وعلى صوتك
من الاخر اعملهم قلل ف التوكيل واتفرج بقى ياباشا هتتشال من على الارض شيل والله العظيم حصلت قدامى
والله لو الكلام ده ما جاب نتيجه معاك
بحق

[elgdawy2007]

المشاركة الأصلية كتبت بواسطة ayman.mahmoud طبعا انتم اكيد زهقتوا منى بس حبيت ابلغ الناس بأخر تطورات الموقف انا طبعا رحت السبع و طلعلى مهندس قاللى يا فندم ايه الشكوى قولتلوا على قصة التكييف و السحب قالى طيب نجرب العربية قلتلوا ماشى طلع بالعربية و طبعا سمعت الجملة الشهيرة اصل النيسان سحبها بطىء عشان العربية تقيلة طيب ايه نظام الأوفر درايف اللى الناس قالتلى عليه قالى اوعى تستعمله لأن ده بيلغى النقلة الرابعة و بيعمل حمل على الموتور و لو نسيته شغال ممكن يحرقلك المجموعة التالتة من الفتيس طيب يا عم الحج ايه فيدتوا قالى لما تكون هتعمل غرزة اوك طيب يل عمنا العربية صوت موتورها عالى جدا بعد ال 110 تحس ان الموتور هيتحرق طبعا سمعت الأجابة الشهيرة هى النيسان كدة يا فندم عشان سير الكاتينة معدن عشان مفيش عزل للموتور طيب يا عم الحج ريحة العطن اللى بتطلع من التكيف قالى اصل الصنى يا فندم بتنزل من غير فلتر تكييف لا حول و لا قوة الا بالله طيب يا عم الحج استهلاك البنزين العربية بتهرتل انا بفول العربية بتعمل 320 كيلو بالعافية اكيد فى حاجة غلط و بعدين انتم قلتوا ان فى سنسور عشان البنزين قالى يا فندم ده بيقلل 6% بس يعنى نسبة مش محسوسة و كمان مشروطة ان الكتاتوش يبقى منفوخ جامد جدا و ده اصل هيخليك تتبهدل من المطبات فا احنا مش بنعمله طيب يا عم الحج قصة التكييف اللى بيفصل قالى يا فندم حاجة من 2 يا إما التكييف مشحون فريون زيادة فا بيفصل كتير يا إما بقى الجو بيبقى حر و انت بتحمل على الموتور فا التكييف بيفصل و دة طبيعى ؟؟؟؟؟؟!!!! عامة هنشوف و نرد على حضرتك و قعدت يا اخوانى من 9 و نص لغاية 1 و نص مستنى لأنى كنت بعمل صيانة ال 10 الاف و فى الأخر قالولى انزل ادفع و استلم دفعت فين يا جماعة العربية اه معلش يا فندم اصل العربية بتشحن فريون حضرتك اتفضل استنى تانى ربع ساعة امال العربية كل ده كانت يتعمل ايه المهم استنين جيت استلم قالولى فعلا يا فندم اكتشفنا ان الفريون كان زيادة و العربية بقيت تمام الكلام ده كان يوم الأتنين المفاجأة بقى يا اخوانى اخويا كان واخد منى العربية امبارع رايح مدينة نصر و التكييف فصل تانى و قعد تلت ساعة تانى على ما اشتغل قولولى بقى اعمل ايه؟؟؟؟؟؟؟؟

بص من الاخر كده عشان تكون عارف ده واى شخص حيروح لمركز السبع لعمل صيانه هناك حتلائى كم كبير اوى من الاشتغالات وموظف حيحاول يقنعك بأى شيىء غير طبيعى فى السياره على انه طبيعى وان السياره كده وانا عن نفسى شوفت ده فى صيانه الالف 1000 كيلو وكلمتهم يظبطوا زوايا السياره ومع الاسف متمش المطلوب وحركات قرعه كلها بتاعه مصريين غير شرفاء وكمان اى شخص حتلائيه بيشكرلك فى توكيل السبع على المنتدى ده تعرف انه بيشتغل جوه التوكيل وده اكتشفته من واقع المنتدى هنا ان كل الكلام المكتوب من البعض هنا فى المنتدى حيتقال لك بالحرف الواحد من الموظف الموجود هناك وحيحاولوا يتعاملوا معاك بلباقه وبدبلوماسيه شديده جدا بحيث انه يقنعك ان السياره كده انا عن نفسى الحمد لله مواجهتش مشاكل سوى المذكور ومع الاسف متعملش فى السياره عليك بقى وعلى اى توكيل تانى وريح نفسك وعلى فكره السياره ممتازه ودى كلها عيوب بسيطه بس من الاخر كده توكيل السبع مع الاسف مش تمام وموظفيه فى منتهى السوء وبتوع اشتغالات من الدرجه الاولى خد بالك ودمتم بخير