الصور الرسمية لفلوكس واجن فايتون 2011

[مهند سالم]

المشاركة الأصلية كتبت بواسطة horas3000 من حيث الكماليات مفيش اي اخبار عن حاجة جديدة بس عموما الموديل الحالي فيه كل ما لخطر علي بالك اعتقد ان الاضافات هتبقي مش كتير يعني نظام الAuto Park كام كاميرا هنا و هنا و كام تطوير في انظمة التحكم و السلامه اما سعرها فلو نزلت مصر مش هيقل عن مليون و نص باي حال من الاحوال و ممكن يعدي ال 2 مليون مستريح

شكرا ليك وفي انتظار المزيد، وكثر في الألماني قدر المستطاع، يعني حاجة مايباخ كدة على شوية أودي ما يضرش

[sam ram]

بس تفتكر ليه يا شريف باشا منزلتش امريكا و اكتفوا باوروبا بس
يمكن شكلها المحافظ ميتفقش مع الذوق الامريكي وموجه للاوربي فقط او السعر غير منافس ؟

[horas3000]

المشاركة الأصلية كتبت بواسطة sam ram بس تفتكر ليه يا شريف باشا منزلتش امريكا و اكتفوا باوروبا بس يمكن شكلها المحافظ ميتفقش مع الذوق الامريكي وموجه للاوربي فقط او السعر غير منافس ؟

معنديش فكرة و الله يا سامح باشا
فولكس في امريكا دايما ليها حسبة تانية
بس في اعتقادي انها مش هتبيع كويس زي ما حصل في الخليج كده
اسم فولكس ما زال مرتبط بالعربيات الصغيرة و الاقتصادية بالنسبة لناس كتير و صعب تنافس المرسيدس و البي ام و حتي الاودي في القطاع ده
و تقريبا فولكس عامله الفايتون عشان توري الناس انها قادره علي عمل حاجة عليها القيمة و ممكن تحرج الكبار
و كفايه اصلا ان الفايتون هي القاعده اللي معمول عليها البنتلي كونتيننتال
اعتقد في اوروبا و خصوصا المانيا الوضع ممكن يختلف لانهم اكتر اطلاعا و عارفين مكانه الفولكس كويس

[horas3000]

المشاركة الأصلية كتبت بواسطة sam ram بس تفتكر ليه يا شريف باشا منزلتش امريكا و اكتفوا باوروبا بس يمكن شكلها المحافظ ميتفقش مع الذوق الامريكي وموجه للاوربي فقط او السعر غير منافس ؟

ابشر يا سامح باشا
فولكس قررت عوده الفايتون لامريكا و الاخبار بتقول انها هتسعر فوق الهيونداي ايكوس لكن تحت الالمان الكبار

بالنسبة للكماليات فاستعانت بالكتير من كماليات الاودي A8 اهمهم

Google Maps-enabled sat-nav,
variable headlights,
road sign recognition
four-zone climate control system
Automatic distance regulation
lane change assistant

ده طبعا بالاضافة لكاميرات محيطة للعربية زي ما توقعت و اللسته تطول

[احمد بدر1978]

مشكوووووووووووووووووووووو ووووووووووووووووووووووور