وبعدين يا رجالة فى اضاءة الار بى الفستك دى الحل ايه :(

[AbOnOrA]

الفيلبس حلوة جداً وقوية انا مستغرب مش عاجباك ازاى ؟ انت ظابط زاوية الكشاف ولا لاء علشان ممكن تكون الاضائه متششته ومش مظبوط اتجاهها
واعتقد لو هتغير تانى يبقى تركب فوجات اسهل وهتديك نتيجة احسن

[ramy safwt]

المشاركة الأصلية كتبت بواسطة AMMI على ما اعتقد العربيات الحديثه مش بيبقى فيها لا كتاوت نور ولا كتاوت كلاكس ياريت بقية الاخوه يأكدوا لنا المعلومه ديه سؤال جانبى هوه مش ممكن الواحد يعمل سلوك جديده تماماً بكتاوت بعيداً عن الضفيره ويوصلها مباشرة بالبطاريه بحيث ميبقاش عمل قطع اى سلك فى الضفيره

اه ده الصح و بتتعمل مكرونة و بتتلف بشكارتون قماش و تستخبى زى الضفيرة الاصلية بالظبط و الحى بتاعها بيربط على قطاش البطارية بمسمار مخصوص فى القطاش و انتهت القصة على كده لكن لازم كتاوت لأنك عمال تزود فى الاحمال و هتضر الدراع فى الاخر بتاع النور

[khaabas]

هو انا فعلا معملتش رجلاش للنور بعد ما ركبتهم ممكن يكون ده السبب
والفوجات اصبحت فعلا ضرورى جدا
بس حكاية التوصيل المباشر على البطارية دى مفيش اية اثار جانبية
والف شكر يا رجالة على تفاعلكم

[ramy safwt]

لا اعمل حسبة الاحمال بس مظبوط و اتكل على الله