باركولى انضمامي لنادي سيتروين عن طريق ZX

[Om Omar]

أنا اشتريتها إمباح
قالوا قطع الغيار متوافرة فى محمد نجيب
بس بما إن حضرتك خبرة فى عربيات كتير
عايزة أسألك هى سهلة فى السواقة وللا محتاجة حد خبير سواقة
لأنى مبتدئة

[spera516]

العربيه بقالها معايا شهرين وماشاء الله مفيش فيها اى مشاكل ومش حاسس بالفرق بينها وبين سبيرانزا 2007 ولا حتى 2011 غير الكماليات والحجم أما السحب والسفر والنعومه على الطريق وداخل البلد تجعل السياره تنافس فئات اعلى منها فى السعر ..

بالنسبه لموضوع انك مبتدئه ياريت كنت تجيبي حاجه قطع غيارها متوفره ورخيصه وعضمها جامد شويه بس فعلا العربيه كويسه وناعمه وان شاء الله هاتريحك وانا متأكد انك هاتحبيها

قطع الغيار انا بشتريها من صلاح الدين وبتعامل مع واحد متخصص فى الفرنساوى فى كامب شيزار ميكانيكا وعفشه وكهرباء

ياريت بس اعرف انتى اشتريتيها بكام وحالتها

تحياتي ومبروك

[Om Omar]

المشاركة الأصلية كتبت بواسطة spera516 العربيه بقالها معايا شهرين وماشاء الله مفيش فيها اى مشاكل ومش حاسس بالفرق بينها وبين سبيرانزا 2007 ولا حتى 2011 غير الكماليات والحجم أما السحب والسفر والنعومه على الطريق وداخل البلد تجعل السياره تنافس فئات اعلى منها فى السعر .. بالنسبه لموضوع انك مبتدئه ياريت كنت تجيبي حاجه قطع غيارها متوفره ورخيصه وعضمها جامد شويه بس فعلا العربيه كويسه وناعمه وان شاء الله هاتريحك وانا متأكد انك هاتحبيها قطع الغيار انا بشتريها من صلاح الدين وبتعامل مع واحد متخصص فى الفرنساوى فى كامب شيزار ميكانيكا وعفشه وكهرباء ياريت بس اعرف انتى اشتريتيها بكام وحالتها تحياتي ومبروك

رديت ع الخاص
بس كده رأيك أبيعها وأجيب ماروتى صغيرة أتعلم فيها مثلا وللا ايه؟
وفين اللى فى صلاح الدين بالظبط؟
ماتعرفش ميكانيكى شاطر فى الساعة/فيكتوريا مثلا؟

[plain1eg]

المشاركة الأصلية كتبت بواسطة spera516 أولا ارحب بكل اعضاء نادي سيتروين واحب ان انضم اليكم باقتنائي سيتروين ZX موديل 97 وأحب اعرفكم بنفسي انا من اسكندريه وعندي 30 سنه وسبق لي قيادة كل من 1- 131 فيات مو 81 2- 128 فيات مو 79 3- نوبيرا 2005 4- سبيرانزا 2011 516 5- سبيرانزا 2007 516 واخيرا واتمنى انى اطول فى سيتروين معاكو ومتابع معاكم فى كل مواضيعكم وياريت اللى يقدر يساعدني من اسكندريه بخصوص ميكانيكيه متخصصين فى ستروين او اماكن قطع غيارها يكون له الشكر

انا بفكر اشترى عربية لو العربية مازالت موجودة مع حضرتك ولو ما عندكيش مانع ممكن نتكلم