|
#1
25-12-2011, 02:17 PM
|
|||
|
|||
تعبئة الاطارات بالنيتروجين بدلا من الهواء العادي
بسم الله و الصلاة و السلام علي رسول الله
اخواني الكرام انا من فترة بسيطة كدة سمعت عن ان اطارات السيارات بيتم تعبئتها بغاز النيتروجين بدلا من الهواء العادي(اللي عند بتاع الكاوتش) و قرات في كذا منتدى و منهم المنتدي الغالي بتاعنا ده و سألت اكثر من صديق من النوع الميدوحر في عالم السيارات علي عكس العبد لله و حبييت انقل لحضارتكم اللي عرفته و كمان ياريت اصدقائنا ذوي الخبرة يفيدونا بخبراتهم بحيث يكون ده موضوع منفصل و مخصوص و متكامل عن اطارات النيتروجين اولا فوائد ملئ الاطارات بالنيتروجين بدلا من الهواء العادي 1- النيتروجين غاز خامل لا يتمدد بالحرارة علي عكس الهواء العادي اللي عند بتاع الكوتش و بكده تتحقق ميزة عظيمة وهي عدم التعرض لخطر انفجار الاطار في الصيف و الحر الشديد نتيجة زيادة ظغط الهواء داخل الاطار بالذات في السفر و علي الطرق السريعة 2- الهواء العادي اللي بتملاه من عند بتاع الكوتش بيتكون من خليط من الغازات المختلفه منهم النيتروجين و الاكسوجين و الاكسوجين ده لما بيسخن الكوتش بينفصل عن النيتروجين و يتفاعل مع الكوتش من جوه مما يؤدي الي تاكله مع الوقت و مع زيادة درجات الحرارة علي عكس لما تملى الكوتش نيتروجين فقط لانه غاز خامل لا يتفاعل مع الاطار و بكده الكوتش مابيتكلش من جوه(حلوه الكوتش ما بيتكلش دي صح ؟) 3- لان النيتروجين لا يؤدي الي ارتفاع درجة حرارة الاطار ولأنه بيجعل الاطار اكثر مرونة فبينعكس انعكاس ايجابي علي تيل الفرامل عند الاحتكاك مع الاطار عند الضغط علي الفرامل بيحافظ علي التيل و علي الاطار 4- بيخلي الاحساس بالعفشة انعم و اطرى لان الكوتش بيكون درجة الليونة بتاعتة اعلي بكتير من الهواء العادي (ودي اكتر ميزة بتخلي النالس تقبل عليه) واكثر من صديق اكدولي اصحة المعلومة دي عن تجربة 5-ضغط النيتروجين داخل الاطار اثبت بدرجة كبيرة من الهواء العادي (طبعا بشرط سلامة الاطار نفسه) يعني مش كل شويه الكوتش بينام و تحتاج تزوده (و برضه اكثر من صديق اكدولي اصحة المعلومة دي عن تجربة ) شروط تنفيذ الموضوع ده (ان يكون حالة الاطارات كويسة مش متبهدل يعني) الاماكن اللي بتعمل الحكاية دي :_ في بتوع كاوتشات كتير ابتدوا يشتغلوا في الموضوع ده كمان عرفت ان فيه بنزينة توتال بتعمله برضة التكلفة :- 5 جنية للاطار الواحد يعني الربعة بعشرين جند ولما تيجي تحب تعمل تشييك و تزود الفيرد اللي تكون ريحيت شويه ده بخمسة جنية للاربع عجلات طب لو لا قدر الله فرده ريحت او اتخرمت هتعمل ايه ؟ تقوم مزودها هواء عادي او تلحمها و تنفخها هواء عادي لو كانت اتخرمت و بعدين تبقى تملاها تاني نيتروجين لما تروح لي بتاع النيتروجين ب 5 جنية طبعا ممكن يكون في ناس كتير عارفه الموضوع ده بس انا لسه سامع و قاري عنه قريب و قلت كل واحد يقول لاخوه الجديد اللي عرفه ده لو كان جديد اصلا  اسف جدا للاطالة و دمتم في حفظ الله التعديل الأخير تم بواسطة myackoo ; 25-12-2011 الساعة 02:42 PM 
|
|
#4
26-12-2011, 02:14 PM
|
||||
|
||||
رد: تعبئة الاطارات بالنيتروجين بدلا من الهواء العادي
شكرا ليك
|
|
#5
26-12-2011, 02:37 PM
|
||||
|
||||
|
رد: تعبئة الاطارات بالنيتروجين بدلا من الهواء العادي
شكرا علي المعلومه
__________________
|
 |
|
|
