رد: حل مشكله تعليق الغيار و النتعه و ضعف عزم العربيه
السلام عليكم اولا وكل سنه وانت طيب بمناسبة المولد النبوي الشريف
بص بقي يا سيدي انا كنت شفتلك كام موضوع وكام مشاركه كدا في المنتدياات وفي مصر موتورز والصراحه ماشاءالله عليك فاهم بجد في الفرنسااوي
بص يا هندسة انا مشكلتي بقي محيره شويه بس انشاء الله حلها علي ايدك انا عندي سيتروين c4 2009 اوتوماتيك وزي منتا عارف فتيسها AL4 لسه مشتريها مستعمله من كام شهر العيب الاولاني وده كنت عارفه قبل ما اشتريها ان عند الرجوع للخلف بتبقي استجابة الفتيس بطيئة بمعني انه بيستني شويه قبل ما العربيه تبتدي تتحرك وبتحصل نتشة كده جامده شويه.
تاني حاجه ظهرت معايا دلوقت ان والعربيه لسه بارده يعني لما اكون لسه طالع بيها بيحصل نتشه بين الغيار الاول والتاني والعكس يعني لما ينزل من التاني للاول لكن لما امشي بيها شويه والعربيه تسخن بتبقي تمااام وسمووز اوي اما بالنسبه لموضوع الرجوع لورا ده بيحصل دايما العربيه سخنه او بارده بل بالعكس لما تكون العربيه سخنه النتشه بتبقي اشد.
للعلم العربيه عامله 95000 كم ومفيش اي حاجه ظاهره عندي في التابلوه check or service or stop
هل الحاجات دي عيب في البودي فالف او مجرد تغيير زيت فتيس ولا ايه بالظبط ؟؟
معلش يا باشا صدعتك وشكرا مقدما.
|