مين أفضل في إمتحان السواقة مرور النزهة ولا مرور مدينة نصر إلي في التجمع الخامس؟؟؟؟؟

[gad_fcis]

السلام عليكم
الأيام ديه أنا بعلم المدام عندي السواقة ، فيه واحد بيجي يعلمها و أنا جالس ورا في العربية، و بصرحة الراجل مشاء الله عليه صبر جامد جداً و فيه أمل ان شاء الله، عندي سؤالين عشان موضوع الرخصة
1- المدام البطاقة بتاعتها عدى عليها أكترمن سبع سنين، هل مضطرين نغيرها ولا ممكن الموضوع يمشي؟؟

2-المدام البطاقة بتاعتها تبع مرور النزهة (بيت والدها) لو حصل و غيرنا البطاقة أنهو أحسن ، أخليها تبع مرور النزهة ولا انقلها تبع بيتنا في القاهرة الجديدة تبع المرور إلي في التجمع الخامس؟؟ يعني أنه مرور أسهل في الإمتحان؟ عشان أنا مش ناوي ادفع عشان أخليها تعدي من الإمتحان ناوي أخليها تطلع الرخصة عشان هي بتعرف تسوق مش عشان دفعنا فلوس، بس أكيد انتو عرفين إن بيبأة فيه تلاكيك و أنا عايز أريح دماغي بصراحة

ياريت تفيدوني في الموضوع دة عشان أنا جالي صداع من الحيرة

[MEMOO_1ST]

انا بصراحة ليا تجربة مع مرور مدينة نصر الي في التجمع ورحت مع المدام والحمد لله طلعت الرخصة من غير مادفع ولا مليم غير مصاريف الورق فقط وناس فعلاً محترمة جداً لكن مرور النزهة بصراحة مش عندي فكرة عنو وموضوع البطاقة بردو مش عندي فكرة عنو.
وبالتوفيق ان شاء الله وان شاء الله تطلع الرخصة بسهولة.

[gad_fcis]

شكراً يا فندم على ردك الكريم و مستني باقي أراء الأعضاء

[noura_taman]

السلام عليكم اولا ... ربنا يوفق مراتك في التعليم ويكفيها شر الطريق وانا احب اقولك ان سواء مرور النزهة
أو التجمع وعلى حسب خبرتي ان التجمع احسن بس سواء اي فيهم لو هي اخدت حصتين بواسطة الاقماع على شكل الامتحان بالظبط هاتعديه هاتعديه انشاء الله وربنا يوفقها وفي ناس بتعمل ده لو عايزني ابعتلك نمرهم

[mr_astra]

السلام عليكم ورحمة الله
تجربتى فى مرور مدينة نصر اللى فى التجمع والله زى الفل وناس فى قمة الاحترام تحس اكنك فى امريكا والامتحان سهل جدا هناك عبارة عن تمشى ادام طريق ثعبانى وترجع لورة عدل حوالى 20 متر وبعدين تخرج من بين قمعين واسعين جدااااااا بس على كدة
والنظام هناك بيخدو فترتين عشان بيعملو امتحان قيادة مرتين حاول تروح بدرى واوعدك هاتمشي ومعاك الرخصة حوالى الساعة 11.5
اما عن البطاقة فاعتقد لازم تغيرها عشان تثبت السكن الجديد اللى تابع للقاهرة الجديدة
مرور النزهة صراحة ما دخلتهوش قبل كدة