كل شئ عن سيارات اسبيرانزا CHERY SPERANZA M11 , M12

[iceman2]

انا قريت الموضوع من اول كلمه لاخر كلمه وان شاء الله بعد ربنا يااخ ميدو هتكون سبب فى اقتنائى العربيه دى
بس كنت عايز اسالك على حاجه لو تعرف اماكن معارض اجيبه منه بالتقسيط وهيكون فى مقدم؟؟
واخر سؤال هسالو ليك ايه رايك فى العربيه بشكل عام على المدى الطويل وخصوصه انى ناوى اجيبها قسط مش اقل من 5 سنين؟؟

[medo_nice]

المشاركة الأصلية كتبت بواسطة iceman2 انا قريت الموضوع من اول كلمه لاخر كلمه وان شاء الله بعد ربنا يااخ ميدو هتكون سبب فى اقتنائى العربيه دى بس كنت عايز اسالك على حاجه لو تعرف اماكن معارض اجيبه منه بالتقسيط وهيكون فى مقدم؟؟ واخر سؤال هسالو ليك ايه رايك فى العربيه بشكل عام على المدى الطويل وخصوصه انى ناوى اجيبها قسط مش اقل من 5 سنين؟؟

السيارة بشكل عام ممتازة ومعمرة يعني تقعد فترة القسط وزيادة بدون مشاكل مع مراعاة الصيانة الدورية في ميعادها والحافظ علي السيارة
قطع الغيار متوفرة بره التوكيل وجوه التوكيل واسعار مناسبة لا غالية اوي ولا رخيصة اوي زي اسعار الكيا في حاجات والياباني في حاجات
بالمقارنة بالفيرنا واللانوس والافيو والنيو اكسنت والساجا الام 11 او 12 تكسب بكتير امكانيات ورفاهية وساج وتقل علي الارض في السراعات

انا اشتريتها بالتقسيط من معرض ابو الفتوح اللي في المعادي تبع بنك كريدي
دفعت نص المبلغ 41500 وتامين 3000 ج شامل علي السيارة بالكامل وقسطة 41500 الباقي علي 5سنوات بقسط 1067 في الشهر
سعر العربية 83000 ج

العربية كوبي من السيارات الالماني من ناحية الشكل وبعض الامكانيات وكمان بيركب عليها قطع غيار الماني من الجولف والبولو بس لسه معرفتش انواع قطع الغيار ايه

العربية فيها نظام abs و end للفرامل - ونظام التوازن eps

[ahmedsalah]

موضوع جميل ومفيد جزاك الله كل خير
كنت بستاذن حضرتك توضحلى ايه الفرق بين العربية ديه والاسبيرانزا العادية اللى بتتعمل تاكسى غير موضوع الشكل طبعا كاداء ومساحة داخلية افضل من القديمة ولا لاء

[medo_nice]

المشاركة الأصلية كتبت بواسطة ahmedsalah موضوع جميل ومفيد جزاك الله كل خير كنت بستاذن حضرتك توضحلى ايه الفرق بين العربية ديه والاسبيرانزا العادية اللى بتتعمل تاكسى غير موضوع الشكل طبعا كاداء ومساحة داخلية افضل من القديمة ولا لاء

بص يا باشا الام 11 تيجمع بين السيارة الرياضية والعائلية تنفع مع شباب يحب الجري والخمسات وحرق الغيارات ورب اسرة تشيله هو واسرته في السفر وشنطهم ويصيف ويستمتع

ال 516 عائلية فقط ولكبار السن اكثر من الشباب والاسر الكبيرة في عدد الافراد ومستوي العمر

الام 11 شبيهة للسيارات الالمانية مثل السيات ابيزهمها ابيزا وقرطبة وبولو وتوليدو نفس الاوبشن وطريقة الحركة وصوت الموتور واسلوب القيادة

ال 516 شبيهة للكوري فيرنا اوبترا نوبيرا نفس الشكل واسلوب القيادة

ال 516 اكثر انتشار وشهرة وبدأت الصنايعية تفهمها وتحل مشاكهلها وعيوبها وتعدل كمان فيه ويحطو موتور اللانسر ويحولها كمان اوتوماتيك

الام 11 يتم صيانتها داخل التوكيل او المراكز المعتمد فقط منعا لحدوث مصيبة من الصناعي اللي لسه مش فاهمها بس معظم مهندسي التوكيلات فاتحين بره مراكز اصلاح ليهم وتقدر تتعامل معاهم لانهم هما نفس الفنيين اللي بيصلحو جوه التوكيل

ال 516 اول موديلات اسبرانزا وده يرجعنا للقاعدة الصيني اللي بتقول اول منتجات الصين اختبار وتجربة لحد لما نعرف العيوب والتطوير المطلوب ونبدأ نحسن مثال ال 516 ولا ال 113 في العيوب مشاكل عيوب الصناعة ونفس الحال الام 11 ولا ام 12 ولا 516 طبعا كل الموديل ما يكون جديد يبقي تم حل مشاكل القديم وتلافي العيوب واجراء جميع التعديلات اللي كانت مفروض عملها

ثبات ال 516 اقل بكتير من ثابت الام 11

شكل وتصميم ال 516 اقل في الشياكة من الام 11 والام 12

عفشة ال 516 عادية عفشة الام 11 و12 رياضية وتم تعديل موديل 2014 وبقت انعم من السابق

سبب انتشار ال 516 ليس جودتها ولكن لنجاح تجربتين تشغيلها بالغاز وتوفير رهيب وعدم التأثير علي كفاءة الاداء من حيث السحب والثبات
والتجربة الثانية تركيب موتور لانسر بوما 2005 العادي والاوتوماتيك وتعديل الكونسولة والعدادات ونجاح هذه التجارب وخصوصا الغاز سبب انتشار السيارة في التاكسي وليس لجمالها ولا رقتها زي ما بيقولو في المواقع

بس لو الام 11 تم تركيب مواتير ياباني وتعديلها لاوتوماتيك وتحويلها غاز بنجاح زي البنزين هتكون رهيبة و هتنتشر اكثر من ال 516

ولو هي نجاحه واحسن الموديلات ليه وقفت انتاجها للملاكي وشغالة تاكسي بس ؟؟؟

وليه نزلت الانفي وما هي الا التطور الطبيعي لل 516 ولم تتنتشر مثلاها برغم التطوير والامكانيات والشكل الحديث ؟؟؟؟

اتمني في النهاية لك التوفيق في الاختيار

[Ph_geno]

المشاركة الأصلية كتبت بواسطة مصطفى عبدالعزيز السلام عليكم يا استاذ ميدو انا معايا m11 من سنة ونصف تقريبا وانا اشتريت العربية بعد ما قعدت ادرس اربعة اشهر فيها وكل السيارات من نفس فئتها فوجدتها الاوسع والافخم والاكثر فى الكماليات والاجمل فى التصميم والاعلى فلا مشكلة فى جميع انواع المطبات يعنى تنسى حكاية تاخد المطب بالجنب وبعد شرائها واستعمالها لمدة عام ونصف تاكدت الحمد لله ان دراستى لها ومقارنتى للسيارات الاخرى كانت سليمة يكفى ان اقول لك اننى لاكثر من ثلاث مرات اسير على 180 على طريق الكريمات والعربية ثابتة لدرجة انك تسيب الدركسيون ومفيش مشكلة وبدون مبالغة من الصعب على كل السيارات فى فئتها منافستها فى موضوع الثبات ده ببساطة لانها الاثقل وزنا فيهم جميعا والاعرض والعيب الوحيد الذى وجدته فى السيارة هو ان عفشتها رغم انها ناعمة جدا ولا تشعرك باى مطب ولكن تحتاج تربيط كل 6 شهور على الاقل وربما هذا لانى اقارن بسيارة كيا كانت معى ولم تحتاج لتربيط لمدة 3اعوام وفيما عدا ذلك فالسيارة ممتازة وتستمتع بالتابلوه الرائع التصميم عندما تركبها وتتميز بنظام صوتى رائع لوجود6 سماعات موزعين بشكل جيد وكراسيها تتميز بالتساع والفخامة والكنبة يمكن طيها الثلث والثلثين مما يتيح فرص للتخزين افضل وهذه الميزة غير موجودة فى كل السيارات فى فئتها وتنذرك صوتيا عند وجود اى خطا مثل التحرك بدون انزال فرامل اليد اونسى المفتاح فى الكونتاكت او ترك الشنطة مفتوحة وبها نظام الايموبيليزر لمنع السرقة وفرامل مانعة للانزلاق وتوزيع للمكابح فتشعرك بالسيطرة الكاملة عليها حتى عند الفرملة على السرعات العالية والملفات النهاية هى سيارة امكاناتها تفوق ثمنها وانا من ملاك السيارة الاعضاء فى الموقع وتحت امر اى عضوللاستفسار وتبادل الخبرات واسف على الاطالة

تحياتى لحضرتك هى فعلا عربيات هايلة انا معاى ام 12 لسه جايبها من يومين وكنت سامع طقطة فى الدركسيون فوديتها للراجل الى ده عيب بارات هاتلى طقم داخلى وخارجى وانا اغيرهملك ...من خبرتك با اجيبهم منين