الكرونه اليبانى للسياره الشاهين

[طارق ابوذيد]

شكرا لجميع المشاركين فى الموضوع

[mahmoudeka]

يا شيخ طارق انا كرونة عربيتي باظت عربية فيات 125 موديل 76
فركبت كرونة عربية تيوتا 89 والعربية الحمد لله معايا كويسة بس الفتيس كل شوية يجري فيه حاجة
يا ريت تنصحني أركب فتيس ايه مع الكرونة دي
وشكراً

[طارق ابوذيد]

المشاركة الأصلية كتبت بواسطة mahmoudeka يا شيخ طارق انا كرونة عربيتي باظت عربية فيات 125 موديل 76 فركبت كرونة عربية تيوتا 89 والعربية الحمد لله معايا كويسة بس الفتيس كل شوية يجري فيه حاجة يا ريت تنصحني أركب فتيس ايه مع الكرونة دي وشكراً

العيب الذى ظهر عندك فى الفتيس سببه الكرونه اليبانى السرعه المختلفه عن سرعات الفتيس ولهذا كتبت الموضوع فعليك بتركيب فتيس 131 المانى والله يوفقق

[mahmoudeka]

وده كام غيار وسعره كام تقريباً

[essamenen]

الكرونه فائدتها تخفيض عدد لفات الجير بوكس وتحويلها الى العجل الخلفى وتسمى تلك العمليه بنسبه التخفيض , فى الشاهين لو قرات الكتالوج هتلاقى ان نسبه التخفيض هى 10 الى 41
فى 131 نسبه الخفيض فى محرك 1300 10- الى 41 فى محرك 1600 10 الى 39
طبعا كلنا نعرف ان كل الكورنات فى 131 واحده لكن فى فرف بين الاثنين يعنى هتختلف السرعه بنسبه 95 فى % يعنى لو ماشى على 100 والكرونه بناعتك 10 الى 41 ومغيرها الى 10 الى 39 هتبقى العدداد قارى 100 بس انتى ماشى على 95 والعكس صحيح لوكرونتك بطيئه ومركب سريع وماشى على 100 هتكون فعليا ماشى على 105 ك
الشاهد من كلامى ان الى يهمنا فى الكرونه 4 حاجات
1- هو نسبه التخفيض ولو مش عارفين طبعا هيبان بعد التركيب لو سريعه هيدى سرعه اعلى طبعا على حساب المحرك والجير بوكس ولو بطيئه على حساب استهلاك البنزين
2- طريقه التركيب طبعا فى صنايعيه شاطرين وفى صنايعيه معذرة اغبيه اى عك والسلام طبعا مش هنخوض فى الموضوع ده لان فى رايى التعديل مش بينفع فى اوقات كتيره
3-خامه الكرونه طبعا الالمانى مبيعلاش عليه ويليه كرونه الفولفو وكرونه اليبانى مش حلوه او سيئه بس افضل من بتاعه الفيات والشاهين والفيات افضل من الشاهيين بمراحل (طبعا انا مش عارف انه نوع من الانواع السابق فى نفس الماركه او اى موديل ),برضو فى موديلات فى التويوتا زى الكروسيدا موديل 86 الى 88 كرونتها سئه وبتبوظ بسرعه بس رضو افضل من الفيات والشاهين (لاختلاف خامات المصنعه منها الحديد بالنسبه للتروس )
4- مدى توفر الكرونات فى السوق .
تلك هى الاسباب التى تحكمك فى تغير الكرونه انا شخصيا كرونه عربيتى باضط وجبتها من سنه تقريبا من غزبه شلبى ب 1500 جنيه ووجدت كرونه الشاهين ارخص بس هنعدل شويه فى عمود الكردان (نطوله شويه )فقلت لا نغير ولا نعدل ونجيب حاجتها الاصليه افضل لترييح الدماغ وهى امكانيات العربيه وانا مرتضى بها .
اسف على الاطاله