تغيير زيت فتيس اللانوس المانيوال بالصور

[hany_nm]

اولاً السلام عليكم ورحمه الله وبركاته
بصراحه انا قرأت الموضوع بتاعك بس انا طبعاً لسه مشترى السياره اليوم
ومش حعرف اعمل كل هذا بس هل فى البنزيمه بيعملو كل الخطوات دى
وانا والله كتبت رد مخصوص علشان ادعيلك بظهر الغيب ان
يسدد الله ديونك ويشفى لك زوجك ويرزقك من حيث لا تحتسب
وهذا حديث عن النبى صلى الله عليه وسلم
قال رسول الله صلى الله عليه وسلم
يا معاز الا اعلمك دعاء تدعو به لو كان عليك مثل جبل احد دينا لأدى الله عنك
قل يا معاز
الله مالك الملك تؤتى الملك من تشاء وتنزع الملك ممن تشاء
وتعز من تشاء وتزل من تشاء بيدك الملك انك على كل شئ قدير
رحمن الدنيا والأخره تعطيهما من تشاء
وتمنع منهما من تشاء
ارحمنى رحمهً تغنينى بها عن رحمه من سواك
قولها بنيه صادقه ممكنا من الإجابه من الله مالك الملوك
واسف للإطاله

[hsm]

المشاركة الأصلية كتبت بواسطة عصام غنايم ربنا يتقبل دعاك الغير على 40 الف كيلو او كل سنتين ايهما اقرب

بعض الناس بتقول ان الكمية الزيت التي يجب وضعها في الفتيس هي 3 لتر هل هذا صحيح وكذلك يفضل وضع شحم للفتيس الخاص يشركة liqui moly واسم الشحم Mos 2 anti-Friction سعرة 55 جنية ارجو الافادة وشكرا

[moatazfarag]

المشاركة الأصلية كتبت بواسطة عصام غنايم استكمالاٌ لمواضيع الصيانه التى بدأتها منذ فتره هنبدأ موضوع جديد بسم الله قبل ما ابدأ فى موضوعى عايز اسأل سؤال مهم واحترت فى اجابته مين العبقرى صاحب افتكاسة ان زيت الفتيس المانيوال مبيتغيرش ولاكن يتزود بس ؟ لو حد يعرف يقولى ضرورى زيت الفتيس عباره عن زيت مخصوص للتروس له خواص يفقدها مع مدة الأستخدام وايضاٌ طريقة الأستخدام وحتى لو العربيه مرفوعه فله مثل اى شئ آخر عمر افتراضى بعده يفسد ولا يستطيع تأدية وظائفه على اكمل وجه لذلك فمن الطبيعى ان يتم تغييره على فترات تطول او تقصر تبعاٌ لطريقة القياده ( عنيفه او هادئه ) وايضاٌ عمر التشغيل وطبعاٌ الحفاظ على مواعيد تغييره تطيل عمر الفتيس وايضاٌ تحسن مستوى استجابته ( سهولة التعشيق فى النقلات وهدوء صوت الفتيس ) ولأن الموضوع هام جداٌ وحيوى جداٌ وعليه اختلآف فى الرأى حبيت اعرضه بصوره واضحه حتى يستفيد الجميع واكيد لما نشوف شكل الزيت اللى نازل من الفتيس وشكل الزيت الجديد والتغيير الكبير لأداء الفتيس قبل وبعد التغيير هنقدر نرد كويس على اى حد يقول ان زيت الفتيس مبيتغيرش وعلى فكره الموضوع مش مكلف خالص نخش بقى على الجد المكونات هنحتاج علبتين زيت فتيس موبيل درجة لزوجته 90 الواحده ب 19 جنيه هنحتاج جوان كرتيرة فتيس لانوس مانيوال ب 10 ( ممكن متحتجهاش لو طلعت القديم سليم ) 1 لتر بنزين 92 لزوم الغسيل والتطهير ب 185 قرش يعنى اجمالاٌ 50 جنيه بس وطبعاٌ هنشتغل بأدينا من اجل توفير اجرة الصنايعى هههههههههه دى صورة زيت الفتيس هنسمى الله ونبدأ هنرفع العربيه بطريقه مناسبه وعلى ارضيه مستويه علشان نقدر نشتغل تحتها ( لو فى مجرة تغيير زيت تبقى تمام اوى ) هنجيب لقمه او مفتاح 13 ونبدأ نفك العشر مسامير بتوع كارتيرة الفتيس ملحوظه ( اللانوس من ضمن قله من العربيات التى لا توجد بها طبه لتغيير زيت الفتيس ولازم نفك الكارتيره بتاعت الفتيس علشان نفضى الزيت القديم ) الطبه اللى موجوده فى جانب الفتيس دى بتاعة قياس مستوى الزيت بداخل الفتيس فقط ولا تنفع فى سحب الزيت القديم او إضافة زيت جديد هنخلى بالنا ونبقى حاطين حوض كبير لتجميع الزيت اللى نازل من الكارتيره هنهوى المسامير شويه بشويه وندى فرصه للزيت ينزل فى الحوض زى كده لحد ما يخلص خالص وبعدين ننزل الكارتيره هنبص على الفتيس بعد ما حلينا الكارتيره وسبناه لما صفى زيته كويس هنشوف تروس الفتيس قدامنا كده هنبص على الزيت اللى نازل هنلاقى لونه اسود هباب وريحته محروقه ومليان رواسب وبرادة حديد ناتج عن تأكل التروس اثناء التشغيل هنكب الزيت فى مكان آمن بعيد عن المياه الجاريه و الصرف الصحى وبعيد عن الزرع لأنه سام هنبص للرواسب الباقيه فى آخر حوض التجميع هنلاقى بلاوى هنفك مسمار ظبط معيار الزيت من جانب الفتيس المسمار ده بداخله مغناطيس هنلاقيه لامم برادة حديد كتير اوى هننضفه ونغسله كويس وبعدين نربطه تانى وده شكله هنغسل الكارتيره بالبنزين ونشفها كويس لحد ما تبقى بالشكل ده هنغسل العشر مسامير كويس بالبنزين وننشفهم كده هنبص على الجوان لو طلعناه سليم وحالته جيده هنركبه تانى كما كان ونقفل الكارتيره كما كانت ونتأكد من الرباط كويس ونقفل المسامير ونحرق على رباطها تباعاٌ وبطريقة الكروسات ( اقصى اليمين ثم اقصى الشمال ) هنطلع بقى من تحت العربيه ونفتح الكبوت ونبص على طبة ملو الزيت الجديد ودى مكانه تحت البطاريه من ناحية صدر العربيه وفوق عقربة النقل بالظبط هنلاقى غطاها اسود بلاستيك هنفكه وبعدين لقمه 17 و نركب دراع تطويل ونفك الطبه ونطلعها بره ونغسلها بالبنزين هنبتكر قمع طويل ورفيع لملو الزيت الجديد وده فكرته بسيطه اوى هنجيب جلاده بلاستيك بتاعة اى كشكول كبير وهنلفها على هيئة قرطاس ونلفه بالشيكرتون علشان يبقى جامد وميفكش هندخله مكان الطبه اللى فكيناها ونبداء فى ملو الزيت الجديد حد شاف الزيت الجديد لونه ايه ؟ طب فاكرين لون القديم ؟ اكيد الفرق واضح ! طيب هنحط زيت قد ايه ؟ هنفضى زجاجه على الآخر والتانيه هنلاقيها مدرجه من الجانب هنصبها بس هنسيب فيها 200 مللى يبقى مجموع الزيت المضاف 1800 مللى ودى قيمة ملو الفتيس المانيوال هنركب الطبه تانى ونربطها كويس ومننساش نركبلها غطاها البلاستيك مانع الأتربه كده خلاص ايوه خلاص بس زيادة تاكيد هنفك طبة المعيار اللى فى جانب الفتيس من تحت ونبص على مستوى الزيت فيها لازم تكون بتسيل زيت بس بسيط يعنى متكبش كتير وبرده متبقاش مانعه زيت نربطها تانى وبكده الف هنا وشفى هندور العربيه ونجرب الفتيس واستمتع حد اقتنع بفكرة تغيير زيت الفتيس ولا لسه هنزوده بس ؟ طيب حد عجبه الموضوع ؟ ولا طلع اى كلام ! طيب لو بالفرض عجبكم الموضوع ادعولى ربنا يشفى زوجتى ويسدد عنى دينى اللهم آمين و سلام مؤقت

بجد انا عارف اهمية الموضوع بس اللي عجبني فيك انك بتشع الناس انها تشتغل بايديها خصوصا في عملية بسيطة مش معقدة.................... .......شكرا

[عصام غنايم]

اولاً السلام عليكم ورحمه الله وبركاته بصراحه انا قرأت الموضوع بتاعك بس انا طبعاً لسه مشترى السياره اليوم ومش حعرف اعمل كل هذا بس هل فى البنزيمه بيعملو كل الخطوات دى وانا والله كتبت رد مخصوص علشان ادعيلك بظهر الغيب ان يسدد الله ديونك ويشفى لك زوجك ويرزقك من حيث لا تحتسب وهذا حديث عن النبى صلى الله عليه وسلم قال رسول الله صلى الله عليه وسلم يا معاز الا اعلمك دعاء تدعو به لو كان عليك مثل جبل احد دينا لأدى الله عنك قل يا معاز الله مالك الملك تؤتى الملك من تشاء وتنزع الملك ممن تشاء وتعز من تشاء وتزل من تشاء بيدك الملك انك على كل شئ قدير رحمن الدنيا والأخره تعطيهما من تشاء وتمنع منهما من تشاء ارحمنى رحمهً تغنينى بها عن رحمه من سواك قولها بنيه صادقه ممكنا من الإجابه من الله مالك الملوك واسف للإطاله

اللهم تقبل منه

اللهم اعطه بكل حرف كتبه لى مليون حسنه وحط عنه مليون سيئه واجمعنى به فى جنتك يا ارحم الراحمين

[عصام غنايم]

بعض الناس بتقول ان الكمية الزيت التي يجب وضعها في الفتيس هي 3 لتر هل هذا صحيح وكذلك يفضل وضع شحم للفتيس الخاص يشركة liqui moly واسم الشحم Mos 2 anti-Friction سعرة 55 جنية ارجو الافادة وشكرا

اولاٌ كمية الزيت وهى 1.8 من الكاتلوج وليست من عندى

ثانياٌ من صاحب اختراع وضع شحم فى الفتيس

انت عارف انك لو حطيت زيت لزوجته اعلى من المصرح بها الفتيس يقفش وميقبلش اى غيارات


( زيت مش شحم )