عاجل للحكومة المصرية

[مهند النجار]

هو دة المطلوب فعلا







توضيح المطالب

[د0تامر محمد]

المشاركة الأصلية كتبت بواسطة mmffor اولا اهم شيء في الحكومة الجديدة انها تكون منتخبة من قبل الشعب علشان تسمع او تلبي المطالب! لكن لو مختارة من قبل شخص لازم تلبي و تسمعله هوا انا مرة بدر الى ذهني اننا نبقى زي تركيا! الرئيس يفضل طول حياته بس على الاقل الشعب يختار الحكومة في انتخابات! اخر ما وصل بيا اليأس! عموما مطالبي لحكومة نزيهة تلبي مطالب الشعب هي.. موضحة في الاقتباس

شكرا لإضافتك القيمة

[MmFFoR]

شكرا ليك على ارائك القيمة و كتاباتك المتميزة
موضوع اعدام انس الفقي طبعا كان مزحة سوداء
بس فعلا فكرة جميلة الغاء وزارة الاعلام لضمان نزاهة الاعلام في مصر
و اتمنى ان ميكونش في اي اعدامات لما يسقط النظام و تبقى ثورة بيضاء
لو راحوا بعيد عننا اعتقد ان الكل حيبقى في حالة سعادة و فرحة الى درجة ان محدش حيفكر في محاكمات و الكلام ده
و لكن التاريخ قال كلمته و حكم فعلا عليهم

[semmsem]

كلام حضرتك ممتاز
انا عندي فكره صغيره في دماغي من زماان
بداية مفيش حد في مصر شايف شغله صح ابدا ( المصالح والقطاعات الخدميه في الحكومه ) وده بيزيد من البيروقراطيه اللي موجوده اصلا مثلا:
تروح تخلص اي ورقه الموظف يطنشك ويقولك استنى لما افطر ولو قولته معلش يا استاذ مستعجل يرد بكل بجاحه يعني اشتغل وانا جعان عشان خاطرك وفي الاخر يطلعلك القطط الفطسانه وميخلصكش الا لو رشيته.... وده موجود في المرور -السجل المدني -التليفونات -الكهرباء - الميه- الصرف - الضرايب - الشهر العقاري - المحاكم - النيابات - اقسام الشرطه........الخ
اقتراحي بيقول:
يوضع قانون ان من يقصر في عمله عامدا يتم فصله نهائيا وتعيين بديل (وما اكثر البدلاء ) ويمكن اتبات ذلك ولو بتصويره بكاميرا الهاتف ولايشترط تصريح النيابه لتصوير الاثبات
بكده كل واحد هيشوف شغله صح والنتاج العام هيتضاعف

[د0تامر محمد]

المشاركة الأصلية كتبت بواسطة mmffor شكرا ليك على ارائك القيمة و كتاباتك المتميزة موضوع اعدام انس الفقي طبعا كان مزحة سوداء بس فعلا فكرة جميلة الغاء وزارة الاعلام لضمان نزاهة الاعلام في مصر و اتمنى ان ميكونش في اي اعدامات لما يسقط النظام و تبقى ثورة بيضاء لو راحوا بعيد عننا اعتقد ان الكل حيبقى في حالة سعادة و فرحة الى درجة ان محدش حيفكر في محاكمات و الكلام ده و لكن التاريخ قال كلمته و حكم فعلا عليهم

شكرا لك
فعلا التاريخ قال كلمته وحكمه أقوى من الإعدام