استفسارات عام 2011

[تامين سيارات]

المشاركة الأصلية كتبت بواسطة ophthahmed النهاردة ربنا كرمنى بواحد اعمى سواق عربية ربع نقل لبس فيا من ورا.و الخسائر فانوس خلفى شمال و باغة الاكصدام الخلفي شمال و تطبيقة صغيرة لكن شكلها سخيف فى الشنطة (بس بتفتح) و الاكصدام مفارق شوية .العربية رينو لوجان مو 2012 يدوب عاملة حوالى 1500ك .انا مامن فى شركة قناة السويس بالاسكندرية...ايه رايكم يا اخوانى اروح التوكيل الاول و لا اكلم شركة التامين الاول يعملو معاينة و لا ايه الاجراءات بالترتيب بالظبط اصل اخوكم جديد فى موضوع التامين على فكرة انا مش عامل محضر

السلام عليكم استاذى و الف حمد لله على السلامة
شوف يا استاذى لو التكلفة هاتعدى 10.000 جنية اعمل محضر اقل ماتعملش محضر
الاول على شان ما تتعبش نفسك

روح المكان الى هاتصلح فية العربية اعمل مقايسة اصلاح
صور رخصة السيارة و رخصتك الشخصية

روح فرع الشركة و اعمل اخطار حادث و قدم المقايسة + صورة الرخصة الشخصية + رخصة السيارة و لو مستعجل خد السيارة معاك عاينها بالمرة على شان تكسب وقت فرع سموحة لان فية المعاينة قبل الاصلاح

و خد بالك تاريخ الاخطار الى هاتكتبة ما يكنش مر على الحادث 72 ساعة يعنى 3 ايام

[amriar]

هو انا كلامى زعل الناس منى ولا ايه ؟؟

فين الردود ؟؟ انا افهم ان مندوبين التأمين يزعلوا انما فين مشاركات الاعضاء

[تامين سيارات]

المشاركة الأصلية كتبت بواسطة amriar شكرا لكل الردود .. انا بس ملاحظ ان الاعضاء الكرام مندوبين شركات التأمين هم اللي بيردوا وهم اكيد عندهم خبره بس انا وغيري كتيييييييير عايزين نسمع راي ناس زينا مواطن بيقسط عربيه و بيتعامل مع شركه تأمين تكافلي اختارها عشان مش عاوز يدخل في حرمانيه.. اعتقد مداخلات الساده مندوبين التأمين بتأثر كتير علي الناس وبتقطع الطريق علي المشاركات لان كل واحد داخل بيقرأ التعليقات و تنتهى برقم تليفون يبقي المناقشه انتقلت من المنتدى لشبكات المحمول والناس اللي عايزه تستفيد و تسجل الكلام دا عشان يفضل يفيد ناس تانيه ما تشوفش حاجه ارجو من الجميع المشاركه و الافاده عشان في الاااااااف من الناس ممكن يستفيدوا شكرا لكل الاعضاء و المنتدى المحترم الذى اضاف ليا الكثير و كل الشكر لمندوبين التأمين الغايه في الاهتمام و اللي بيحاولوا يساعدوا فعلا ربنا يبارك فيكم كلكم

انا مندوب تامين و لى ملاحظات على النظام التكافلى و دة من اراء العملاء الى بيتركو شركات التكافل و يرجعو مصر للتامين و قناة السويس و المهندس
هذة الشركات محفظتها التامينية ضعيفة و مازال امامها الوقت لتكبر
و دة باين من مشاركات الاعضاء

[The MERCURY]

انا اتفق مع رأى صاحب الموضوع
يا حبذا لو الاعضاء يشاركوا بتجاربهم و انطباعتهم ن و خصوصا ان فيه موضوعات كتير عن ناس عملت حوادث (اللهم يجنبنا اياها) و بتصلح عربياتها.

[mishoalex]

انا مع الاستاذ عمرو في الموضوع ده ان الشركات التكافلي محفظتها التامينيه صغيره و ضعيفه لان عمرها في السوق لا يتعدي الثلاث سنوات علي الاكثر اذ لم يكن اقل من ذلك