#1
|
|||
|
|||
مشكله فى الاشارات
السلام عليكم اهل المنتدى الكرام وكل عام وانتم بخير ارجو ان تساعدونى فى حل هذه المشكله انا معايا عربيه 128 موديل 84 الحمدلله اتعلمت عليها السواقه ومن كتر اشتغالات الصنايعيه بقيت احاول اصلح اى عيب اقدر عليه فيها طبعا على قدى المهم انى بحاول اعرف العيب منين بالظبط الاول المهم من فتره كنت لما اجى ادى اشارة شمال افوجىء انها معلقه ومش شغاله وترجع تشتغل تانى لوحدها من كام يوم لما اجى ادى اشارة شمال الاحظ ان لمبة الدينامو بتنور وتطفى مع تكتكة صوت الاشارة فى التابلوه والاشارة مش شغاله وتاكدت ان لمبة الاشارة مش محروقه
سالت قالوا يمكن الفلاشر اتحرق دورت على مكان الفلاشر فى العربيه لقيته ورا علبة الفيوزات شكله عباره عن اسطوانه شفافه تشبه ستايتر اللمبه الفلورسنت لكن اكبر شويه وداخل فيها 3 اسلاك قولت اشيل الاسلاك من الفلاشر والمسهم مع بعض من غير وجود الفلاشر فالمفروض لما ادى اشارة النور يشتغل على طول مش مقطع لعدم وجود الفلاشر لكم للاسف الوضع كما هو لمبة الدينامو بتنور وتطفى مع تكتكة صوت الاشارة فى التابلوه والاشارة مش شغاله قولت يمكن العيب من الفيوز غيرت الفيوز برضه الوضع زى ماهو اسف للاطاله لكن حاولت اوضح ليكم الى حصل بالظبط نفسى اعرف ليه لمبة الدينامو بتنور وتطفى مع الاشاره الشمال والشمال بس اليمين شغاله زى الفل وخايف ده ياثر على الدينامو عشان كده بطلت ادى اشارة شمال ومشغلها دراعات انا حاسس ان المشكله بسيطه لكنى للاسف مش قادر اوصل للحل ومش عاوز اروح لصنايعى يشتغلنى ويلعب فى الضفيره ونفسى اصلح العيب بنفسى فياريت مساعدة حضراتكم والسلام عليكم ورحمة الله وبركاته |
#2
|
|||
|
|||
رد: مشكله فى الاشارات
نسيت اقولكم انه بعد ماشيلت الفلاشر وجربت ادى اشاره يمين لقيتها شغاله عادى يعنى معنى كده ان الفلاشر مالوش لازمه ولاايه وهل هو ده فلاشر الاشارات ولا ده بتاع حاجه تانيه وازاى ممكن يكون الفلاش بايظ والاشاره اليمين شغاله والشمال مش شغاله ولا المشكله فى دراع الاشارات وبرضه ازاى يكون شغال يمين وشمال مش شغال مع العلم ان صوت الاشارات فى التابلوه واحد فى الحالتين
|
#3
|
||||
|
||||
رد: مشكله فى الاشارات
متابع معاك جدا جدا جدا لان نفس المشكلة دى عندى فى الاشارة اليمين ومش عارفلها حل وربنا يستر ومتكنش حاجة كبيرة
|
#4
|
|||
|
|||
رد: مشكله فى الاشارات
الف شكر على ردك وكل عام وحضرتك واعضاء المنتدى الكرام بخير بمناسبة شهر رمضان الكريم
ياريت حد يرد علينا فى حل المشكله عشان متكونش حاجه كبيره على العموم انا متابع ولو فى حاجه جديده حبلغك على طول وياريت انت كمان تتابعنى |
#5
|
|||
|
|||
رد: مشكله فى الاشارات
الموضوع ببساطة عندك قفلة في الاشارة الشمال و لمبة الدينمو طبيعي انها تنور بسبب وجود القفلة اكشف علي سلوك لمبة الاشارة الشمال قدام و ورا حتلاقي في سلوك ملمسة او عريانة بتلمس في الصاج
موفق ان شاء الله |
|
|