مصروف العربية كااااام..... بيت تانى بجد؟؟؟

[zing0]

السلام عليكم
أحد زملائى فى العمل أمامه سيارة لادا 2107 مو 2005. حالتها ممتازة و بـ 27000
عرض علينا السعر و موضوع شراء العربية. لاقيت زمايلنا خوفوه و قالولوا ( دى بيت تانى). و هتخرب بيتك و هتفلسك و .... و مصروفها حوالى 300 جنية شهرياً.

زميلنا اللى قاله النصيحه دى كان معاه 128 و باعها و دلوقتى معاه أكسيل
و زمايلنا اللى كانوا فى الحوار ده ( بس معلقوش بأى كلام) واحد معاه لادا 1500, و واحد ميتسوبيشى لانسر. و سكوتهم معناه الموافقه تقريباً.

المهم: هل فعلاً مصروف العربية كده, و هل مع كل العربيات. أنا أعرف أن كل نوع بيختلف عن التانى فى سعر قطع الغيار و كونها معمرة و لا أستهلاكيه و سحب البنزين و ......

عاوز أعرف المتوسط أد أيه للادا ( لأنى أنا كمان من عشاقها و ربنا يرزقنا بيها و يجعل لنا فيها الخير)
و أيه نصايحكم للسيارة المعروضه عليه ( سعرها و موديلها )

[M.TONSY]

300 جنيه ايه يا باشا
اكتر من كده بكتير هو فيه بيت برده بيتفتح بالمبلغ ده
بص العربية دى كأنك متجوز ست تانية بعيالها كمان ولو امها عايشة كمان مفيش مانع حسب حالتها
طيب نشرحها بالورقة والقلم
300 جنيه دول يادوب تحط بيهم بنزين 80 ده لو مشاويرك قليلة
فين بقى الزيت والصيانة بطارية نامت فردة كاوتش ضربت الخ....
انا مش قصدى اعقدك بس بالامانة لو عايز تركب عربية اعمل حسابك على مصروف شهرى من 500-800 ج على حسب حالة العربية وقطع غيارها وانت وحظك وربنا يوفقك ان شاء الله

[mr_astra]

بس يا رتها تيجى على الـ 300 جنية ....... دول كدة تمن البنزين والزيت
فعلا العربيات فى مصر بتصرف
واهم حاجة فى العربيات الحالة وبعدها الموديل
لادا بطبيعتها مش بتصرف كتير لانها اعتمادية وحاجتها رخيصة اوى اوى
بس المشكلة بتعتنا اننا فى مصر كل حاجة مغشوشة سوا جديد او استيراد الواحد زهق بجد ....دة حتى الزيت غشوة وسبحان الله ان عربيتنا ماشية
ولا هتلاقى صنايعى عدل ولا هتلاقى قطع غيار ولازم تعرف انك فريسة اول ما تدخل على الصنايعى يقول باااااس ويبدا يدبح من غير ما يسمى لان معظمهم غشاشين
عارف الصنايعية مش بيتعامل معاك بالعطل لالالالا بيتعامل هو مطلوب منة كام فى اليوم اجار واجرة صنايعية وجمعيات داخلها ويشوف بيدخلة مثلا 3 زباين فى اليوم يقسم المصروف على الـ 3 زباين دول اة هى كدة مش مثلا العطل الفلانى دة بكذا لالالا
طب عارف انا من 3 ايام كنت فى عزبة شلبى بشترى قواعد للموتور فضل يقولى بقى قصايد فى المحل بتاعة وهاديلك حاجة يا باشا مش هاتجيلى تانى تيجى بس تشرب الشاى المهم جبلى قاعدة مقطوعة بقولة يا عم دى مقطوعة بص فيها شوية وقالى لا ياباشا بيتهيالك دى زى الفل ختها منة وورتها لصاحب المحل وبقولة لية الصنايعى اللى عندك عاوز يلغى عقلى وعنية كمان بصلى وفضل يضحك والله
بجد بجد الصنايعية بقت حاجة تقرف ويكرهوك فى العربية لو زيرو
بس هانقول اية كولة يهون ولا بهدلة المواصلات
هاتجيب عربية لازم تعرف ان كل شهر هاتصرف عليها اما وقود وزيوت او اعطال مفاجئة او صيانات دورية

[zing0]

بشرتنى يا أخى, جزاك الله خيرا

[mhamdy75]

300 3x يادووووب