ايهما افضل رينو كليو ام ستروين اكسارا؟

[abdelrahmn010]

ممكن تجيب فيات بونتو أو جولف 3 أو بولو أو هوندا سيفيك أو ميتسوبيشى ميراج

[AAAH]

المشاركة الأصلية كتبت بواسطة ahmed_eng2001 تمام كدة .... تيجى حضرتك تحاول تستبعد عربيات تانية من التصفية الى فاتت دى .... ده رأيى الشخصى المتواضع ( القابل للخطأ ) اؤيد كلام حضرتك .... كلما استطعت تبعد عن البنوك يكون افضل ... بلاش قسط استبعد الافيو ... و ممكن تستبعد الفيرنا .. اللانسر بداية الالفينات ( المكوة ) فيه ناس شكت كتير من الميجان قبل 2005 و بداية من 2006 تلافوا المشاكل الى كانت فى الموديلات السابقة

تمام يا باشا
فعلا انا اسمع ان الميجان 2005 و 2006 كان فيهم مشكله فى الفتيس واتحلت بعد كده فى الموديلات اللى بعدها
اللانسر طبعا جميله بس الناس بتبالغ قوى فى سعرها
على فكره انا جربت امبارح خيار اخر كان فى بالى برضه ودى كانت تجربتى
http://www.masrmotors.com/vb/showthr...465#post972465

[AAAH]

المشاركة الأصلية كتبت بواسطة albasha طبعاً شايف إن الموضوع بعد عن الكليو والسيتروين بس رأيي الشخصي عن الكليو بما إنها معايا بقالها 6 سنين تقريباً ولما جيت أبيعها واتفقت علي كل حاجه رجعت في كلامي مميزات الكليو سياره إقتصاديه بمعني الكلمه قطع غيارها متوافره بشكل كبير جداً وفأكتر من مكان ولو انت من القاهره يبقي الموضوع سهل جداً عندك شارع دمشق و التوفيقيه و الحرفيين غير التوكيل غير المحلات الثقه في التعامل زي المركز التجاري في شارع السودان عند عمارات العرايس والميكانيكيه اللي بيفهموا في الرينو في الفتره الحاليه كتير برضه وأغلبهم كانوا شغالين في التوكيل وعملوا ورش لنفسهم وبيفهموا فيها كويس جداً دول أهم نقطتين بالنسبه للشنطه كبيره جداً وده أثر بالسلب علي الكراسي الخلفيه العيوب ضيق الكرسي الخلفي التكييف في الزحمه تأثيره ضعيف (علي الطريق السريع جيد جداً) السياره مش بتاعة حرق وجري ( ده بالنسبه للموتور ال 1200 ) بما إن حضرتك طولك 190 سم فأعتقد صعب إنها صعب تظبط معاك ( بس الغريب إن معاك سيتروين أضيق منها ومناسبه ليك ؟؟؟؟؟؟ ) رأيي الأخير لو السياره عجباك سوقها أكتر من مره وجرب لو عجبتك يبقي تختار حاله كويسه الكليو مظلومه لإن الناس بتقارنها بفئات أعلي هي سياره إقتصاديه من الدرجه الأولي إستهلاك بنزين إستهلاك قطع غيار ( كل لما قدرت تركب قطع أصليه كل ما إشتريت نفسك أكتر )

يا باشا الموضوع مابعدش عن الكليو ولا حاجه
انا لحد دلوقتى عجبانى ومستعد اشتريها بس خايف منها
وبالنسبه لعربيتى فبرضه قعدتى فيها مش مريحه قوى بس انا مرجع الكرسى لحد الاخر خالص ومرجع المسند بتاع الضهر كمان فكده مستريح فى القعده 80% بس طبعا محدش بيعرف يقعد ورايا غير ساره بنتى (عندها 3 سنين)
طبعا تجربتك خلال 6 سنين تكفينى جدا لانى اخد قرار بالشراء بس انا محتاج اقابلك لو ينفع

[AAAH]

المشاركة الأصلية كتبت بواسطة المفكر لو لسه بتقارن بين الكليو والاكسارا فأنا أرجحلك الاكسارا، وبالنسبة للشكل العربية مش قبيحة وشكلها مقبول، في مقابل أداء هاااااااايل فعلا أنا معايا رينو صحيح هيا مش كليو بس أقدر أقوك الاكسارا أحسن، انا جربت الكليو كتير وطبعا هيا ممتازة لكن موتورها أداءه مش ممتاز غير إن واضح إنك مهتم بحجم صالون العربية، صدقني الاكسارا أنسب حاجة بالمبلغ اللي بتقول عليه، موتور ممتاز صالون مساحته جيدة، دا غير إنك واخد على السيتروين فمشاكل الأوروبي مش هتقابلك زي باقي الناس، أنا معايا زميل في الشغل برضه كان معاه ax وغير باكسارا 1 ماشاء الله رائعة، وطبعا الحالة هيا اللي بتحدد العربية.

انا مقلتش ان شكلها قبيح يا باشا والله
انا قولت شكل الكليو عاجبنى اكتر
انما الاكسارا لا غبار عليها كعربيه وده انا متأكد منه تماااااااااااااااما
حجم الصالون مايفرقش معايا كتير بس زى ما انا كاتب فى المشاركه اللى فاتت محدش بيعرف يقعد ورايا فى عربيتى غير بنتى الصغيره حتى ولادى الصغيرين 6 و 8 سنين بيحشروا نفسهم بالعافيه فمابالك بشخص بالغ
عارف بقى انا بفكر فى ال c3 وكده يبقى موضوع الشكل ده انتهى تماما

[AAAH]

المشاركة الأصلية كتبت بواسطة abdelrahmn010 ممكن تجيب فيات بونتو أو جولف 3 أو بولو أو هوندا سيفيك أو ميتسوبيشى ميراج

شكرا يا استاذ عبد الرحمن على ردك واهتمامك
ممكن نستبعد البونتو لأنها صغيره وامبارح كان عندى تجربه مع فيات سيينا ومش مستعد اتحمل عيوب الفيات
ودى تجربتى معاها

http://www.masrmotors.com/vb/showthr...465#post972465

البولو تحفه وانا سوقتها قبل كده بس برضه صغيره
الميتسوبيشى انا سوقت كذا عربيه منه بس ماجربتش الميراج وماعرفش عنها حاجه خالص
الهوندا سيفيك اعتقد هاتبقى غاليه وبشوفها دايما فى الشارع بتحك فى المطبات