بالصور حادث سيات ليون ٢٠٠٨على ١٨٠ كم/س في مصر

[sam ram]

المشاركة الأصلية كتبت بواسطة SAbuhashem هو مين اللي جاهل ومين اللي كداب ؟!!! إيه الإسلوب الغريب والمستفز ده إنت تعرف عني حاجة علشان توصفني بالجهل ؟! والاخ اللي وصفني بالكدب ...مش لاقي رد أرد عليك بيه بصراحه ! يؤسفني وبشدة إن أول رد ليَّ مرة أخرىفي مصر موتورز بعد فترة طويلة يكون للرد على الإسلوب ده و زي ماكتبت في الموضوع ''الله أعلم السرعة كانت كام ساعه التصادم ونزلت لكام في المسافة دي'' ''التصادم تم في الجنب لان العربية المصدومة كانت في يوترن يعني الجسم اللي العربية خبطت فيه اتحرك مع الخبطةوده واضح جدا في صور الحادثة '' ولو هنتكلم فيزياء يبقى أكيد تعرفوا إن في حاجة اسمها انتقال الطاقة وامتصاصها من الجسم المصدوم وخصوصا إذا اتحرك وده بيخفف الصدمة !امافي اختبارات اما التصادم فالجسم المصدوم ثابت مش متحرك وبيمتصوا طاقة التصادم بوضع هيكل مكعب امام حاجز الإصطدام لان بدونها الاختبار هيكون غير عادل . بالنسبة للفرامل أنا مقلتش إنها وقفت العربية من 180 ل 50ولا 60 في مسافة 20 متر زي ماإلاخ كاتب محاضرة فوق !!! ولا قلت إن وقت التصادم كانت السرعة 180 يا ريت تقرأ الموضوع الأصلي وتفهم أنا بأقول إيه وقصدي منه إيه قبل ما نحاول نستعرض العضلات والاخ اللي بيوعي الناس بطل تشتم الناس الاول وبعدين فكَّر توعيهم !

استاذ شريف
صباح الخير اولا
دا اقتباس من مشاركه ليا في نفس الموضوع بقاله اكتر من سنه و نص

المشاركة الأصلية كتبت بواسطة sam ram انا اسف اذا كان اسلوبي حاد شويه ... مش قصدي بس فعلا الموضوع ده مفيهوش هزار الناس بتقع من على الرصيف تتخبط في دماغها تموت وده بيقول عمل حادثه على 180 و طلع سليم الرجل ده كداااااااااااااااااااب ... كداااااااب وربنا يسامحني .... اطالب بحذف الموضوع لخطورته و عرضه مغالطات توهم الاعضاء بان التكنولوجيا قادره على حمايتهم من المخاطر ... مما يؤدي الي ما لا يحمد عقباه مع احترامي لصاحب الموضوع الاصلي ... و لكن كل اعتراضي على كلام صاحب السياره ... ولذلك اطالب بالحذف

اعتقد اني وضحت بكلامي كويس جدا ان اعتراضي على كلام صاحب العربيه اللي مفيهوش اي منطق

لأن قوانين الطبيعه و الفيزياء بتقول ان لايمكن تكون دي حادثه على سرعه 80 كم /س ..
عربيه ماشيه بسرعه 180 كم/س يعني 50 متر في الثانيه ... حتلحق تعمل ايه في 20 متر ؟؟!!!!!!
دا ميلحقش يتشاهد
دا يدوبك يبربش فيها

وطبعا حضرتك سيد العارفين ان تصميم العربيات بيخلي الجزء الامامي فيه مرونه عن المقصوره علشان تخفيف الصدمات و حمايه الركاب وبالتالي العربيات من الامام بتكون ضعيفه علشان تمتص طاقه الاصطدام

عنوان الموضوع واضح و صريح ومفيهوش جدال
" بالصور حادث سيات ليون ٢٠٠٨على ١٨٠ كم/س في مصر " !!!!

حضرتك عندك حق فعلا اني ردي كان عنيف و مستفز ودي انا اعترفت بيها بنفسي

المشاركة الأصلية كتبت بواسطة sam ram انا اسف .....اذا كان اسلوبي مستفز ... او كتبت بطريقه بايخه...... يمكن اول مره اكتب بالاسلوب ده ..... اسف كمان مره .... بس بصراحه الموضوع ده مش هزار ... و شكل المناقشات ماشي بطريقه تقلق .....

وكانت يمكن اول و اخر مره اكتب بيها بالطريقه دي في المنتدى
لكن متأكد ان لو الزمن رجع تاني كنت حكتب نفس الكلام تاني
لأنها ارواح ناس مش لعبه

وبسبب الموضوع ده عملت موضوع مخصوص عن مسافات التوقف
http://www.masrmotors.com/vb/showthread.php?t=3577

اخيرا انا بعتذر ليك لو كان اسلوبي ضايقك وبأكد مره كمان ان اعتراضي على كلام اللي حكى ليك الحادثه
مع ان عتابي لو كان ليا حق العتاب انك كنت تعلق على الروايه من واقع خبرتك
مش انك تسيب الموضوع للناس لمده 3 سنين " في انتظار التعليقات الخبيره "!!
خصوصا اني عرفت انك من اساتذه التعديلات و دي يمكن مكنتش اعرفها وقتها لكن عرفتها بعد كده من موضوعك عن رقع القوه الحصانيه للعربيه
وبالتالي كلامك محل ثقه و مصداقيه لناس كتير وحتى وان كان نقلا او اقتباسا
خصوصا ان جزء من كلامك ممكن يوحي للناس و لو بالخطاء انك مقتنع بروايه صاحب العربيه

المشاركة الأصلية كتبت بواسطة SAbuhashem هدفي من الموضوع توضيح عوامل الامان والسلامة في تصميم العربية بحادث عملي واقعي على فكرة الليون أسباني مش ألماني لكن معاها الجنسية الالمانية تصميماً وأداءً ومكونات ! وأسيبكم مع صور الحادث ومنتظر تعليقاتكم الخبيرة

و مع كل احترامي انا مازلت معترض على الموضوع و ارفض تصديق اي كلمه فيه
ومازلت اطالب بحذفه
ومستعد اقول لصاحب العربيه في وشه انه كداب
او على الاقل الظروف اللي كان فيها خلته يقول اي كلام غير منطقي وبالتالي لا يؤخذ على كلامه

تقبل تحياتي

[sam ram]

المشاركة الأصلية كتبت بواسطة borio1704 أشكرك وبشدة على رأيك العاقل ... واضح جدا من كلام حضرتك إنك بتشغل عقلك... ودي أحد الحاجات اللي مطلوبة مننا في حياتنا وأنا معاك تماما.... الراجل ده اشتغلنا... واللي مصدق كلامه... عمره ما ساق عجلة في حياته الحادثة دي معمولة على سرعة لا تتجاوز الـ40 كم/س والدليل من صور اختبارات السلامة (السرعة فيها لا تتجاوز 64 كم/س) مش معنى إن الإيرباج اتفتحت إن العربية كانت ماشية بسرعة... يا جماعة هو انتو عمركو ما شفتو حوادث في حياتكو؟؟؟؟؟ بس للأسف... الجهل يعمل أكتر من كده ودورنا في المنتدى إننا نوعي الناس وننقل خبراتنا والمعلومات اللي عندنا... ولما نلاقي خرافات بتتقال لازم نوضح للناس إيه الصح أحييك بشدة يا sam ram ...

وانا بشكرك و احييك استاذ بوريو على اهتمامك بالموضوع لاته فعلا خطير جدا اننا نصدق كلام زي ده
وعلى فكره انا معجب جدا بموضوعك عن العربيه الخفيفه و التقيله

[RAYAN]

الى كل من يصحح معلومة خطيرة الى اعضاء مصر موتورز الخبيرة
الى كل مبدع وكل انسان مفكر تحياتى ودعـــــــواتى وقبلة كبيرة

[Mohamed Elhasafy]

صباح الخير...
أنا مش هقول غير تفسير منطقى بسيط:
1- رد فعل السائق سرعته ممكن تكون أقل من نصف ثانية
2- الإصطدام بجسم سيارة متحركة مختلف عن الإصطدام بكتلة ثابتة كما فى إختبارات التصادم
3- أساساً فى السرعات العالية مقاومة الهواء بتتضاعف و ده بيساعد الفرامل
4- مش كل الناس بتقدر تقدر المسافات صح
5- الخبطة دى لو فى عمود نور من بتوعنا كان زمانها نصين
6- لو إن سرعة الإصطدام كانت قبل ال 180 بحاجات بسيطة و حجم الدمار بالمنظر ده ... و بدون الدخول فى تفاصيل كتيرة ... المحصلة إن الركاب ربنا يرحمهم لإن جسم العربية ما إمتصش جزء كبير من الصدمة و جسمهم هو اللى إمتص الصدمة ( يعنى أضرار داخلية: إرتجاج فى المخ و نزيف داخلى و تحرك الأعضاء الداخلية من مكانها)
7- قدرة ربنا قبل كل شئ تدخلت لحمايتهم علشان لسه ليهم عمر ... بس ناخد بالأسباب و مانرميش نفسنا فى التهلكة
8- لو إحنا ضامنين بإذن الله نطلع بخير من الحادثة بس مش ضامنين اللى حانخبطه هيحصله إيه هو و أولاده (لو 127 و سخن شوية و جاب 100 و مشى شمال وهو فرحان ... يكون جزاءه إنه يتقلب؟!..)
9- ماينفعش العربيات اللى مع معظم المصريين اللى عدادها أخره 220 إنها تاخد غرز على سرعات عالية (يعنى لابس لابس) ... هتقولى بأخد غرز بالفيرنا على 160 ... هقولك أحمد ربنا و كفايه لحد كده
يا جماعة أنا بسافر ألفين كيلو كل شهر و أكتر حاجة بشوفها فى الطريق هى الحوادث
ربنا يكفينا شر طريقنا