من فضلكوا ساعدونى ضرورى الموضوع مهم جدا

[romi_romi]

السلاموا عليكوا الموضوع انا موظف والمسافة من العمل الى المنزل حوالى خمسون كيلوا رايح جاى وانا مش بروح الشغل كل يوم ومعى ولادان والحركة بهم فى اى مكان اكيد صعبة جدا انا معايا حوالى 15000هل ممكن اجيب 128 وتساعدنى فى الموضوع دة ممكن بعد ماجيبها اصرف عليها الفين مع العلم ان ممكن ماروحش بيها الشغل يعنى استعمالها هايكون مرة واحدة بالكتير فى الاسبوع يس عاوز اعرف هيا هاتقرفنى ولا مع العلم انى انا بحافظ على الحاجة جدا وارجوا من لديهم الخبرة الردود والافادة ضرورى ممكن

[romi_romi]

فيييييييييييييييييييييين الردوددددددددددددددد

[star_poison]

زود ألف جنيه أو ألفين بالكتير لو حالتها فوق الممتازة وهات نصر نوفا 128 موديل تسعينات بيبقى موتورها 1300 سى سى
لكن اهم شىء فى العربيه تتاكد انها مش راشه من جوه وان شاسها سليم 100% وكذلك الشانطه والعتب بتاع العربيه وميكونش فيها برومه
وكمان تتاكد من حالة الموتور انه مش خفيف وسحبه حلو وعزمة شديد ومفيش دخان اسود كثيف من الشيكمان او دخان ابيض كثيف وياريت لو تاخد حد يكون أهل ثقة معاك حتى ولو كانت هتديله 50 او 100 جنيه وقوله يرفعهالك فى اى بنزينة ويبص عليها من تحت كويس ويجرب العربيه علشان متدبش فى حاجه وحشة[/COLOR]
وبعد ما تجبها هتلها سير مكنه وسير دينمو وغير زيت ومتهتمش بالشكل لمدة لاتقل عن 6 شهور لغاية ما العربيه يبان ان كان عاوزها حاجه سواء فى العفشه او أو الميكانيكا يعنى مش أول ما تشترى العربيه تروح رايح تانى يوم تعمل شوية سمكره ودوكو وتغير فرش جلد لا اصبر شويه ومبروك عليك انشاء الله

[star_poison]

ومبرووووووووووووك مقدمااااااااااااااااااا

[msm_classic]

هات ماذدا 323 احسن واعتماديه سعرها من 17 - 20000 او هات 131 بردة في نفس الرنج عربيه اعتماديه وأبعد عن 128 نصيحه عربيه مشاكلها كتير ومش اعتماديه .

نصيحه لوجه الله
لكن لو مش معاك الا 15000 توكل على الله في 128 بس تكون ذي (star_poison) بيقول لكن كن حنين عليها اوي ومترحش بيها الشغل

تحياتي