تجربة شراء دى فى دى وباركنج سنسور وكاميرا لبى واى دى

[lonedoctor]

الحقيقة انا كان لى تجارب ناجحة جدا بفضل الله فى شراء اشياء كثيرة جدا من خلال الانترنت و منها الكاميرا اللى مصور بيها الحاجات اللى فى هذا الموضوع
كما ذكرت لكم من قبل بانه احد اصدقائى بمكة وهو المهندس طه والذى نصحته بشراء السيارة الجميلة بى واى دى فى مصر كان عايز يشترى حاجات مهمة للورشة بتاعته فى مكة ومنها جهاز سكانر بيكشف على اعطال الكمبيوتر فى السيارات اللى بيصلحها واللى سعره فى مكة غالى جدا
المهم هو عثر على موقع لشركة صينية بتبيع الحاجات اللى هو عايزها وبالمرة وجدهم بيبيعوا الدى فى دى الخاص بالسيارة بى واى دى كمان وطبعا بقى دى بتاعها ومن بلدها اللى مصنعاها يعنى حاجة زى الفل اشترى وانت مطمن
المهم الحاجات دى وصلته فى 5 ايام بس بالى اتش ال واتصل بى علشان اشوف الدى فى دى الصراحة لقيته ممتاز ولفت انتباهى انه ماشى مع التابلوه بتاع السيارة تماما وبالذات الجزء العلوى منه فىه groove هو هو نفسه اللى فى التابلوه بتاع السيارة من اعلى
المهم اخدت منه موقع الشركة وايميل واحدة اسمها كاثى هى مسئولة المبيعات واتكلمت معاها بالكتابة عن طريق هوت ميل ماسنجر وبالمرة لقيت انهم بيبيعوا الباركنج سنسورز والكاميرات فطلبته منها كمان وطلبت للمهندس طه معايا كمان طقم حساسات وكاميرا يعنى الراجل تعب معايا ويستاهل كل خير بصراحة وطبعا ده ساعد فى خفض السعر شوية مه شوية فصال
المهم سعر الدى فى دى 240 دولار والحساسات مع الكاميرا 60 دولار بعد الفصال و80 دولار قبل الفصال
مصاريف الشحن بالدى اتش ال 90 دولار تتضمن 15 دولار مصاريف تحويل الفلوس عن طريق حساب pay pal
بالمناسبى المهندس طه لما دفع لهم الفلوس حولها بال western union بس انا باكره وقفة البنوك بصراحة والدفع الماستر كارد او الpay pal اسهل بكتير وانت جالس فى بيتك
موقع الشركة
http://www.autoking.biz/EN/Index.asp
مسؤلة المبيعات
miss cathy lee
Skype : cathy.li360
MSN: cathyprincess_@hotmail.co m
Yahoo ID: cathyleedove@yahoo.com
Email : cathy_auto@163.com
Tel:+86 136- 70019754
Fax:+86 0755 -29984000
ERYANA INTERNATIONAL HI-TECH CO,.LIMITED

Add: Ro.922 BaoXiong Building Lane 25st Bao An District,Shenzhen,China
بالمناسبة من اشهر مواقع الشراء الصينية aliexpress and dhgate و موقع aliexress بالذات ممتاز وانا وجدت عليه الجهاز قبل ما اشترى بسعر ارخص بس انا كنت اعطيت كلمة للاخت كاثى وموش هاقدر ارجع فى كلامى
يعنى هو على الموقع ب 286 دولار free shipping بالدى اتش ال انما هو وقف على كدة ب 310 دولار وده الرابط بتاعه
http://www.aliexpress.com/product-fm...olesalers.html
فى انتظار مشاركاتكم واسالتكم كده انا خلصت كل اللى عندى
اترككم مع الصور

[dr_eslam_66]

ألف مبروك عليك ياباشا.
شوية صور حلويين بقى بعد التركيب ولو عملت معانا الواجب تعملنا تقرير عن مراحل التركيب بالصور.

[aymanlaw]

الف مبروك وكل عام وحضرتك بخير وعيد سعيد عليك ومبروك للأجهزة الجميلة دى وربنا يباركلك فى سيارتك المحترمة الجميلة ,وفعلاً طمعانين فى شوية صور اثناء التركيب ,وربنا يفرحك بكل ماتقتنيه ويديك خيره ويبعد عنك شرهGIFT 4U:2603 09~146::26030 9~146::260309 ~146::260309~ 146:

[PoweRPassioN]

الف مبروك وفي انتظار التركيب والتقرير

[lonedoctor]

المشاركة الأصلية كتبت بواسطة dr_eslam_66 ألف مبروك عليك ياباشا. شوية صور حلويين بقى بعد التركيب ولو عملت معانا الواجب تعملنا تقرير عن مراحل التركيب بالصور.

المشاركة الأصلية كتبت بواسطة aymanlaw الف مبروك وكل عام وحضرتك بخير وعيد سعيد عليك ومبروك للأجهزة الجميلة دى وربنا يباركلك فى سيارتك المحترمة الجميلة ,وفعلاً طمعانين فى شوية صور اثناء التركيب ,وربنا يفرحك بكل ماتقتنيه ويديك خيره ويبعد عنك شرهGIFT 4U:2603 09~146::26030 9~146::260309 ~146::260309~ 146:

المشاركة الأصلية كتبت بواسطة PoweRPassioN الف مبروك وفي انتظار التركيب والتقرير

الله يبارك فيكم جميعا وشكرا على ردودكم المحترمة الجميلة ولكم كل التقدير والاحترام
الحقيقة انا موش عايش فى مصر والحاجات دى هارسلها مع الاولاد بعد العيد والمدام عندى هى اللى بستخدم السيارة ولسة اجازتى فى يناير القادم ان شاء الله
ياترى لو ممكن تدلونى على مكان موثوق فيه لتركيب هذه الاشياء يبقى كتر خيركم (فى القاهرة)
ووان شاء الله هاخلى ابنى يصور مراحل التركيب وهانزلها على المنتدى
تقبلوا تحياتى