ما رأيكم فى شكل نيسان صنى الجديده

[Emgrand]

بالعكس لراى صاحب الموضوع من ورا احسن من قدام بكتيييييييييييير

[M.TONSY]

[borio1704]

النسيان طول عمرها معروفة بإن أشكال عربياتها غير مقبولة لقطاع كبير من الناس، وده اللي زود خسايرها بشكل كبير بالذات في التسعينات، وفي الآخر رينو اشترت أسهم كبيرة فيها

إنما النيسان كسيارة يابانية معروفة بجودتها واعتماديتها



المشكلة إن الرينو معروفة هي كمان بأشكال عربياتها الوحش (ما أسخم من ستي إلا سيدي)
اللي مش مصدقني في الكلام ده يدخل على الموضوع ده ويقول رأيه:
"قول رأيك بصراحة... إيه أقبح عربية شفتها؟؟؟"


في رأيي... النيسان صني الجديدية مبنية على الرينو سيمبول، بس للأسف معنديش دليل على الكلام ده

بس شوفو معايا الصور دي:







بس أكتر حاجة بكرهها فعلا في العربية دي هي الجزء ده






...

[sherifabden]

المشاركة الأصلية كتبت بواسطة borio1704 النسيان طول عمرها معروفة بإن أشكال عربياتها غير مقبولة لقطاع كبير من الناس، وده اللي زود خسايرها بشكل كبير بالذات في التسعينات، وفي الآخر رينو اشترت أسهم كبيرة فيها إنما النيسان كسيارة يابانية معروفة بجودتها واعتماديتها المشكلة إن الرينو معروفة هي كمان بأشكال عربياتها الوحش (ما أسخم من ستي إلا سيدي) اللي مش مصدقني في الكلام ده يدخل على الموضوع ده ويقول رأيه: "قول رأيك بصراحة... إيه أقبح عربية شفتها؟؟؟" في رأيي... النيسان صني الجديدية مبنية على الرينو سيمبول، بس للأسف معنديش دليل على الكلام ده بس شوفو معايا الصور دي: بس أكتر حاجة بكرهها فعلا في العربية دي هي الجزء ده ...

هوا انا مش متاكد بس انا في الاول كنت حاسس انها شبه عربية انا شفتها قبل كده واعتقد انه مش بعيد انها تكون مبنية على تصميم السيمبيول بالذات انه اتوقف صنعها
وانا معاك فعلا ان الفرنسي تصميماته مش حلوة خالص حتى الياباني عربيات تصميمها سئء عدا الهوندا والسوبارو
بس اختلف معاك في حتة الجودة
ليه ؟؟
عربيات او مقولش عربيات علشان مبقاش ظالم
الصني دي بالذات انا عايزك تروح تتفرج عليها وتشوف الخامات الدالخية للعربية واحكم بنفسك
هوا مش عيب نيسان بس عيب التقفيل المصري يعني المصنع مستخسر حتى يخلي شكل الاوكر من جوه احسن من كده ؟؟
للاسف التقفيل المصري ضيع سمعة الصني بالذات وانا عايزك تتفرج على النيسان اللي بره مصر وتشوفها وتقارنها باللي في مصر وانتا تعرف اد ايه التقفيل المصري سئ جدا
واسف على الاطالة

[AMMI]

طيب هوه طالما فيه اجماع على ان شكلها وحش. مش عارف بقى المصنع غاوى خساره ولا ايه. ولا مبيشوفش التصميمات الكوريه وصلت لأيه فى الشكل. المفروض يشوفوا مصمم سيارات كويس او على الاقل بعد ما يعملوا النموذج المبدئى يخدوا أراء الناس اللى شغاله عندهم.