رابطة ملاك ومحبى السفينه فيات 132

[أيمن الروبي]

ايه اخبار اعضاء الرابطه
يارب تكونو بخير كلكم
انا امبارح عملت حملة صيانه لفرامل العربيه ورا و قدام
المشتريات
طقم تيل امامي ايطالي 30ج نضيف جدا
عدد 2 ماستر ايطالي خلفي الواحد 30 جنيه
ملي تيل الفرامل الخلفي 70جنيه (كان في جديد تركي ب70 جنيه وايطالي 95 جنيه) بس انا فضلت املاهم
طقم سوست لطنابير خلفيه تركي 17جنيه
مصنعية ميكانيكي 60 جنيه
النتيجه الفرامل والحمد لله رجعت زيرو تاني حاجه كده بسم الله ماشاء الله
عقبالكو كلكو

[Hisham.Elgazzar]

المشاركة الأصلية كتبت بواسطة aimooo ايه اخبار اعضاء الرابطه يارب تكونو بخير كلكم انا امبارح عملت حملة صيانه لفرامل العربيه ورا و قدام المشتريات طقم تيل امامي ايطالي 30ج نضيف جدا عدد 2 ماستر ايطالي خلفي الواحد 30 جنيه ملي تيل الفرامل الخلفي 70جنيه (كان في جديد تركي ب70 جنيه وايطالي 95 جنيه) بس انا فضلت املاهم طقم سوست لطنابير خلفيه تركي 17جنيه مصنعية ميكانيكي 60 جنيه النتيجه الفرامل والحمد لله رجعت زيرو تاني حاجه كده بسم الله ماشاء الله عقبالكو كلكو

1000 مبروك عمرة الفرامل الجميلة دى

انا كمان بحب ملئ التيل عشان بشوف الخامة اللى بتتركب على التيل من الأول
سوست الطنابير دى مهمه اوى عشان ترجع التيل مكانة وميسخنش العجل لأن كلنا بنفك ومش بنغيرها وطبعا نرجع نشتكى بعد تغيير التيل أو اللعب فى منطقة النافورة ان العجل بيقفش
بما انك غيرت الخزن اللى ورا ممكن كمان تغير أساتك الماستر الأمامى
وتكشف على الماستر العمومى ، وعمل غسيل لدورة الزيت فى المواسير
أخبار مكنة الضفدعة اللى بتبقى راكبة على الديفرنسل من فوق
ناس بتلغيها عشان الأربعة عجلات تقفش سوا ويتركب بدالها مشترك
عملتها فى عربيتى من زمان وماشاء الله بقت زى الفل

يلا بقى شد حيلك وعقبال الجنوط

سألت عليهم الأسبوع ده لما نزلت الحى السادس
التايوانى ب 1500 جديييد مش إستيراد أو خلع متصلح وبيتباع جديد
والصينى 1100 بس ماتركبوش حتى لو ببلاش خسارة فيه الفلوس
وماتنساش تجيب المسامير من برا عشان بيتباعوا مش بينزلوا مع الجنط

[ash_rsi]

مبروك وربنا يملاها لك بركه وخير ان شاء الله
ماستر الضفدعه مهم جدا لانه بيتحكم فى ثبات العربيه فى المطبات الكبيره بس للاسف كل اللى فى السوق مضروب ولما بيركب مشكلته انه بيهرب زيت وبالتالى بتضعف الفرامل اللى ورا
الجنوط فى منها الاندونيسى جميل جدا اجدع من التايوانى بس فيه عند بتوع المستعمل انواع اصلى مفكوكين من عربيات استيراد والاسعار بتبدا من 800 جنيه وكل ماتنضف حالته بيبقى اغلى اكيد

[أيمن الروبي]

المشاركة الأصلية كتبت بواسطة Hisham.Elgazzar 1000 مبروك عمرة الفرامل الجميلة دى انا كمان بحب ملئ التيل عشان بشوف الخامة اللى بتتركب على التيل من الأول سوست الطنابير دى مهمه اوى عشان ترجع التيل مكانة وميسخنش العجل لأن كلنا بنفك ومش بنغيرها وطبعا نرجع نشتكى بعد تغيير التيل أو اللعب فى منطقة النافورة ان العجل بيقفش بما انك غيرت الخزن اللى ورا ممكن كمان تغير أساتك الماستر الأمامى وتكشف على الماستر العمومى ، وعمل غسيل لدورة الزيت فى المواسير أخبار مكنة الضفدعة اللى بتبقى راكبة على الديفرنسل من فوق ناس بتلغيها عشان الأربعة عجلات تقفش سوا ويتركب بدالها مشترك عملتها فى عربيتى من زمان وماشاء الله بقت زى الفل يلا بقى شد حيلك وعقبال الجنوط سألت عليهم الأسبوع ده لما نزلت الحى السادس التايوانى ب 1500 والصينى 1100 بس ماتركبوش حتى لو ببلاش خسارة فيه الفلوس وماتنساش تجيب المسامير من برا عشان بيتباعوا مش بينزلوا مع الجنط

الجنوط ان شاء الله الاسبوع اللي جاي هبقي اكلم حضرتك والفرامل انا مبسوط بيها اوي اصلي بقالي مده ماشي من غير فرامل
وربنا يخف مصاريفها بقي عني احسن انا استويت
عاف حضرتك يا استاذ هشام العربيه كلها فابريكا الاسبوع اللي فات وانا بغير جلب المقصات الامامي لقيتها بتاعت الفابريكا متغيرتش من ساعتها وامبارح المساتر الخليفة اللي غيرتها بتاعت الفابريكا
علشان كده مرتاح للعربيه اوي ومبسوط منها
امبارح كشف علي عمود الكردان لقيت كرسي النص عاوز يتغير بالبليه علشان البليه بتون والكاوتشه مقطوعه وفي صليبه بايظه من الصليبتين هغيرهم كمان كام يوم كده ان شاء الله

[ash_rsi]

صحيح ياجماعه
عاملين ايه مع خرطوم الباور اللى عندى شقق وغيرته بواحد مصرى عموله بيجيب زيت من عند الكوليهات
ونفسى فى واحد اصلى بس طبعا استحاله
ياترى حد غيره منكم