العودة   مصر موتورز مجتمع السيارات > السيارات الأوروبية > لادا LADA

لادا LADA لادا الروسية LADA احدى شركات اوتوفاز AvtoVAZ الروسية بدات فى السبعينيات بتجميع سيارات فيات 124 واستمرت فى تقديمها بشكل اقتصادى لعشرات السنين تمشيا مع الفكر الشيوعى الروسى الا انها الان تسعى للمنافسة والتجديد بعد شراكتها مع مجموعة رينو - نيسان


إضافة رد
 
أدوات الموضوع
  #36  
قديم 14-09-2010, 03:50 PM
amrodardiry amrodardiry غير متواجد حالياً
 
تاريخ التسجيل: Sep 2010
المشاركات: 40
amrodardiry has a spectacular aura aboutamrodardiry has a spectacular aura aboutamrodardiry has a spectacular aura about
افتراضي رد: عيوب لادا 2107 ادخل فوراً

اولا انا سعيد بالمشاركة مع الاخوة الاعضاء
ثانيا اتحدث عن هذه السيارة عن خبرة فانا امتلك لادا 2107 موديل 2008 باور وعاملة حوالي 72000 كم واذكر لكم بعض المعلومات وابدا بالمقارنة بين المصري والروسي
الروسي افضل كصناعة (المصري معروف لا يوجد مراقبة جودة ويسترخص في قطع الغيار والصاج) الصاج محمل وقطع الغيار في الروسي بتعيش واهمها علي الاطلاق الردياتير معدن علي خلاف المصري فبر
ميزة المصري انه يمكن تركيب باور وتكييف علي نفس الموتور لكن الروسي اما باور او تكييف والميزة الاخري الكاسيت والسنتر والالوان وطبعا مفيش خلاف علي ذلك انه ميزة
يتساوي المصري مع الروسي في التوكيل كما ذكر الاخوة من سوء المعاملة فانا حدث معي نفس الشئ واكثر وهو انني بناء علي نصائح مالكي السيارة اخذت عند صيانة الاف كم الزيت بتاعي معايا وكان شل 3000 كم ولكن بعد ما مشيت عليه 1500 كم حسيت الموتور خف وصوته عالي رحت اغيرت الزيت بعد ما شميت ريحة شياط زيت لون الزيت اسوّّد والراجل حلف لي ان الزيت اللي في العربية موبيل وكمان 1000 كم ولما قلقت رحت عند ميكانيكي يشيك علي العربية وجدنا زيت الكرونة والفتيس ناقصين وكملتهم بواحد كيلو زيت والمفاجأة الاخري لقيت مسمار الهواء بتاع الكاربراتير مكسور ورحت عند متخصص خرط لي واحد جديد
في مشكله اخري ظهرت بعد كده وهي ان كلمبة المياه اتخرمت ولا زلت محتفظ بها كدليل علي ذلك
كل هذه المشاكل انا علي قناعة كبيرة بانها عيوب الوكيل وليست عيوب السيارة والدليل سوف ياتي لاحقا
انصح كل من يشتري السيارة بالاتي
اتفق مع الاخ بخصوص زيت موبيل 3000 كم وعلي فكرة يمشي لغاية 4000 كم بدون مشاكل المهم تحس بلزوجة الزيت كل فترة وان لونه لا يزال فاتح
اتفق ايضا في متابعة تشحيم البيض والكرونة ومراجعة الزيت في الفتيس والكرونة كل 6 شهور او 10000 كم
بالنسبة للصوت العالي للموتور احمد ربنا ان سير الكتينة عبارة عن جنزير وليس كاوتش لان الكاوتش لو اتقطع بيجيب صبابات ولازم يتغير علي حد علمي كل 20000 كم
بخصوص علب زيت الفرامل والدبرياج مفيش مشكلة في الخراطيم او في البزبوز راسي او افقي المشكله انك بتغسل الموتور بضغط مياه عالي جدا علي هذه المنطقة فتنشرخ العلب من اسفل وانا شخصيا باطلب من الراجل بتاع البنزينة يبعد عن العلب او اغطيها بمشمع بلاستيك صغير زي ما بتغطي مجموعة الكهرباء
بخصوص الحرارة المفروض اول ما تشتري السيارة تروح عند ميكانيكي ويغيرلك حساس الحراراة من 90 درجة وتركب 80 درجة حتلاقي المروحة تشتغل بدري شوية والحرارة مش حتوصل للنص وللاسف انا عرفت المعلومة دي بعد مشكلة وهي ان الحرارة العالية للمياه شرخت علبة الردياتير عند الزور التحتاني بجوار الحساس وبحثت عن الردياتير المعدني ولم اجده وعلي فكرة هو راكب في موديل 1994 والكل نصحني بتركيب واحد عمولة بس انا صلحته بنفسي وشغال سنه ونص وتمام والسر بعدين بس ممكن المروحة اللي راكبه متستحملش الشغل كتير علي الحساس الجديد وفي هذه الحالة هات واحدة يوغوسلافي 170 جنيه وممكن تتابع المروحه من عداد الحرارة ولو اتحرقت تعرف من ارتفاع الحرارة والكلاكس مش شغال علشان هما علي نفس الفيوز
بخصوص الجلوس في السيارة انا اخذت اسبوع رقبتي بتوجعني لغاية ما اخذت عليها واخذت وضعية للكرسي
استهلاك السيارة ممتاز 10 كم/لتر داخل المدن و 14كم/لتر طرق سريعة
الثبات يزداد كلما زادت الحمولة لان حمل السيارة يكون عالي عند الموتور تحس انها مائلة للامام (وهذا ليس عيب فهو يدفع للسيارة للامام بتحليل الوزن الي مركبتين افقية وراسية - نظرية هندسية) وكلما زاد عدد الركاب علي الكنبة او زادت الاغراض في الشنطة تصبح السيارة افقية فيزداد الثبات علي حساب السرعة بعض الشئ
عزم الموتور كانك تقود سيارة نقل حمي فيها زي ما انت عاوز المهم تعرف ترص كويس وتوزع الاحمال صح علشان العربية متعومش يعني خلي الاخف علي الشبكة
التجميع : العربية مش بتجمع بسرعة يعني بتاخد وقت لغاية ما توصل لسرعتها يعني احترمها وما تقرص عليها
السرعة: دوس لغاية ما قلبك يقدر وجربها علي طريق مش زحمة انا العادي في السفر 140 لوحدي و 120 وانا محمل مشكلتي الردار
الاداء فوق الممتاز انا بشيك علي العربية دايما وبفتح الكبوت وعامل دفتر بسجل فيه كل حاجه للمتابعة وبسافر بيها الساحل الشمالي و سافرت بيها من القاهرة الي الاقصر في 8 ساعات 800 كم طريق الغردقة فيها ساعة رست (راس غارب و قنا) وعلي فكرة بالنهار من 12 ظهرا الي 8 مساء (القانوني علي الطريق 120 وصلة العين السخنة و 110 العين السخنة الغردقة) وطبعا مشكلة التنك الصغير لازم تاخد بالك منها اني فعلا ربنا سترها معايا وفولت في الغردقة 34 لتر
البنزين: رحمة من ربنا انها كاربراتير يمشي معاها اي حاجة طبعا انا بحط بنزين 80 علشان طبعا مفيش بنزين 60 وبوفر النص وكل ما تحس ببرجلة اديها بعشرين جنيه بنزين 92 يفوقها 5000 كم بس المهم تختار بنزينة محترمه زي وطنية او موبيل ويا سلام لما تبقي بنزينة جديدة وتنكاتها نظيفة وطبعا متحطش بنزين لما تشوف الكساحة داخلة تملا تنك المحطة علشان تنك البنزينة بيتقلب وتسدلك الفلتر
كلمة اخيرة واسف اني طولت لو معاك فلوس اكتر هات الاحسن بس الموضوع زي الجواز تقدر تتجوز بنت الباشا بس هل حتقدر تعزمها علي العشاء بره او تقدر تعالجها في دار الفؤاد
نفس الموضوع قطع الغيار والصيانة جزء لا يتجزء من تكلفة السيارة يعني لما تروح تشترى طلمبة مياه كوري البياع يقولك الاصلي ب 500 والصيني ب 350 اما الادا يقولك ب 70 وفي تركي ب 60
ملحوظة اخيرة شكرا لرجال المرور اللي بيراعو الحالة الاقتصادية لاصحاب السيارة الادا في المخالفات
تحياتي
رد مع اقتباس
  #37  
قديم 19-09-2010, 01:18 AM
amgad saeed amgad saeed غير متواجد حالياً
 
تاريخ التسجيل: Nov 2009
المشاركات: 60
amgad saeed will become famous soon enoughamgad saeed will become famous soon enough
افتراضي رد: عيوب لادا 2107 ادخل فوراً

استهلاك السيارة ممتاز 10 كم/لتر داخل المدن و 14كم/لتر طرق سريعة
هي العربية عندك كربراتير و لا انجكشن ؟
الأن العربية عندي 2107 موديل 2004 مصري كربراتير بتستهلك بنزين كتير يعني 6كم/لتر داخل المدن و 9 كم/لتر في الطرق السريعة فهل هذا طبيعي و لا في حاجة غلط عندي؟؟
رد مع اقتباس
  #38  
قديم 19-09-2010, 03:19 PM
amrodardiry amrodardiry غير متواجد حالياً
 
تاريخ التسجيل: Sep 2010
المشاركات: 40
amrodardiry has a spectacular aura aboutamrodardiry has a spectacular aura aboutamrodardiry has a spectacular aura about
افتراضي رد: عيوب لادا 2107 ادخل فوراً

استاذ امجد ، انا عربيتي كاربراتير بس الاستهلاك الكبير في حالة الموتور الجيد ممكن يكون بسبب:
1- الكربراتير: لازم يكون نظيف من اثار البنزين 80 خاصة اما ال92 فتقريبا لا يؤثر لانه عالي الجودة
لازم يكون مظبوط (مسمار البنزين ومسمار الهواء)
2- الكهرباء: حالة البوجيهات جيدة - الابلاتين تلامسه جيد - الكوندنسر(المكثف) جيد - ضبط الاسبراتير
يمكن ان تستنتج الاسباب من بعض الملاحظات:
الكوندنسر اذا تلف لن تدور السيارة - ولو ضعيف يمكن فك كابلات البوجيهات واحد تلو الاخر وتقريبه من جسم الموتور وتدوير السيارة وتشوف شكل الشرارة بس اوعي تتكهرب (ازرق ممتاز - احمر جيد ) وبالخبرة يمكنك تمييز الشرارة الجيدة- الابلاتين يفحص بفك الغطاء الاسبراتير وبالمفك يمكن شد نقطة التلامس وتركها للتاكد من ان الياي سليم ثم افحص الابلاتين وصنفره اذا لزم الامر بتمرير ورقة صنفرة بين النقطتين عدة مرات- البوجيهات بفكها يمكن فحص حالتها
وعموما عيب الكهرباء بيسخن السيارة ويستهلك بنزين زيادة وتسمع كركرة لو السرعة انخفضت واحيانا صوت فرقعة (صواريخ) عند الضغط بشدة علي دواسة البنزين
اما الكربراتير: لاحظ طريقة تبطيل السيارة بعد مشوار طويل تحس ان زي ما يكون في بنزين متحوش في الكاربراتير يخلي العربية تترجرج لما تبطلها (متبطلش مرة واحدة) ممكن ايضا تلاحظ الشكمان تخلي حد يدوس علي الاكسراتير وتقف بجوار الشكمان وتلاحظ وجود دخان اسود مع الضغط ويكمن بمنديل ورق تمسح ماسورة الشكمان من الداخل لتري اثار هباب اسود ولو الحرق بتاع العربية ممتاز حتلاحظ ان الشكمان بينقط مياه (الدخان الابيض وحش والاسود وحش)
من رايي انك في الصيانة القادمة غير طقم البوجيهات والابلاتين والكوندنسر معا ونظف الرادياتير وخلي الميكانيكي يظبط الكاربراتير مع الكهرباء واحسب استهلاك العربية بعدها
وعلي فكرة الموديل ده اول لادا تقفيل مصري وحاجته كلها اصلي وصاجه محمل ورادياتير معدن ونور للكبوت يعني احسن من 2010 حافظ عليها
تحياتي
رد مع اقتباس
  #39  
قديم 20-09-2010, 12:24 AM
amgad saeed amgad saeed غير متواجد حالياً
 
تاريخ التسجيل: Nov 2009
المشاركات: 60
amgad saeed will become famous soon enoughamgad saeed will become famous soon enough
افتراضي رد: عيوب لادا 2107 ادخل فوراً

شكراً علي المعلومات . بارك الله فيك
رد مع اقتباس
  #40  
قديم 26-09-2010, 08:03 PM
الصورة الرمزية اشرف اوربت
اشرف اوربت اشرف اوربت غير متواجد حالياً
 
تاريخ التسجيل: Apr 2010
المشاركات: 41
اشرف اوربت will become famous soon enough
افتراضي رد: عيوب لادا 2107 ادخل فوراً

شكرا على المعلومات القيمه
__________________






رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 04:24 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017