تقييم لبعض سيارات السوق المصري... منقول

[foash304]

معلش عاوز اعرف انهى الأحسن (رينو - لوجان & شيفروليه - لانوس)

[foash304]

معلش عاوز اعرف انهى الأحسن (رينو - لوجان & شيفروليه - لانوس) من ناحية كل شئ

[فادى]

للأسف موضوع متحيز للغاية لأغراض لا نعرفها.
أنا سبت الموضوع و لم أكمل بعد تقييم ال128, ببساطة لأن ال128 صفقة رابحة بكل المقاييس نسبة لسعرها, 40 الف جنيه يعنى فى نفس فئة الألتو و الماروتى, و فى المقابل هتاخد عربية أوسع و أقوى و أفضل أداء و أطول عمرا و اكثر ثباتا و اعتمادية.
طب ليه منفكرش فيها؟
على فكرة العربية لم تفشل و قوائم الحجز عليها وصلت لشهور عديدة, و لكن للأسف فان القطع التى كانت تأتى من الشركة اليوجوسلافية كانت قليلة للغاية و لم تكفى لانتاج السيارة بشكل موسع, لكن الطلب عليها كان كبيرا, و انتهى التعاقد مؤخرا و لم تعد الشركة اليوجوسلافية تورد القطع الى شركة النصر للسيارات.
فى المقابل انا شايف كاتب المقالة كاتب 5 و 6 سطور على عربية صينى مرضاش انى احط رجلى فيها, بينما ملقاش حاجة يكتبها على ال128, طب لو مش عارف قول معرفش, انما تهين العربية بهذا الشكل دون سبب منطقى سوى انها صناعة مصرية, فأنا أسف, هذا اسلوب غير موضوعى و غير محايد, و ينم عن غياب الحس الوطنى.

[Ahmed Abo Elmkarem]

شكرا على تعليقك و تفاعلك مع الموضوع و أرجو ان نرى رد و تفاعل من باقى الاعضاء

للعلم فقط مش انا اللى كاتب الموضوع و لكن ناقله

نرجو ان نعرف راى باقى الاشخاص

موضوع متحيز للغاية لأغراض لا نعرفها

انا بصراحة اتخضيت لما قريت الجملة ديه

ينم عن غياب الحس الوطنى

و الله كلام كبير يودييينى في داهية

انا مليش خبرة فى العربيات عشان كده انا اللى كاتب السطر الاخير ده

يا ريت يا اصحاب الخبرة لو حد عنده اى ملاحظة يقولهالنا

[فادى]

المشاركة الأصلية كتبت بواسطة Gazzar شكرا على تعليقك و تفاعلك مع الموضوع و أرجو ان نرى رد و تفاعل من باقى الاعضاء للعلم فقط مش انا اللى كاتب الموضوع و لكن ناقله نرجو ان نعرف راى باقى الاشخاص انا بصراحة اتخضيت لما قريت الجملة ديه و الله كلام كبير يودييينى في داهية انا مليش خبرة فى العربيات عشان كده انا اللى كاتب السطر الاخير ده

مش كلام كبير و لا حاجة, و أنا عارف انو حضرتك مش كاتب الموضوع, و غابت عن بالك هذه النقطة أثناء نقل الموضوع كلامى هذا موجه لكاتب الموضوع و ليس حضرتك.