زيوت المحرك !

المشاركة الأصلية كتبت بواسطة powerofdream خلونا نبدا بزيوت المحركات ! الماركات الموجودة فى مصر والموثوق فيها بنسبة كبيرة هما موبيل وشيل ولما نشترى احد منتجاتهم ياريت يكون من النوع التخليقى بنسبة 100% ودة علشان نحافظ على المحركات ونطول عمرها نبدا بموبيل وان ( لازم وان ) لان هى دى المجموعة من النوع التخليقى 100 % ودى صورة لبعض منتجات موبيل بالنسبة لنا مفيش فى مصر غير النوعين التالين Mobil 1 0W-40 او Mobil 1 5W-50 والنوعين fully syn ومضاف عليهم التركيبة الجديدة super syn ! طيب اية الفرق ؟ فى السعر ولا فى اية ؟ السعر واحد للاتنين ولكن الفرق فى الزوجة بين الاتنين واحد فيهم لامريكا وكندا ودول اوروبا شديدة البرودة وهو نوع 0W-40 والنوع الاخر لزوجتة اعلى نسبيا ومناسب اكتر للمناخ الحار الصيفى فى افريقيا والخليج وهو نوع 5W-50 وعلشان نعرف اكتر لازم نقرا مواصفات كل زيت منهم فى اللينكات التالية : 0W-40 اوروبى 5W-50 صيفى للدول الحارة طيب وباقى انواع موبيل من الزيوت المعدنية مالها يعنى وحشة؟ دى بلاش منها لانها مش زى التخليقية ومفيهاش اى اضافات تحافظ على المحرك نهائى وبتتحول الى رواسب مع درجات الحرارة العالية ندخل على الShell Helix ومفيش منه تخليقى 100% غير النوع ULTRA والنوع اللى فى مصر رقمه 5W-40 طيب فى فرق سعر بينه وبين الموبيل وان ؟ الاجابة لأ نفس السعر بالظبط طيب دة اية نظامه ؟ للبلاد الحارة ولا البلاد الباردة ؟ نسبيا دا يعتبر فى المنتصف بالظبط بين نوعين الموبيل وان اللى فوق ولكن افضل اضافة علية واللى مش موجودة فى موبيل وان هى اضافات تقليل صوت المحرك ! ودى اضافات فى الزيت نفسة بتخلى صوتالمحرك اهدى نسبيا عن موبيل وان ! طيب فى اختلافات تانية ؟ الاختلافات التانية بين شيل هيلكس الترا وموبيل وان كلها اسرار للشركتين والنوعين من افضل الانواع المستخدمة والنوعين معتمدين من اوقى الماركات العالمية زى مرسيدس وفيرارى وبورشيه وغيرهاوغيرها نيجى بقى لاهم سؤال : اغيرهم كل كام كم ؟ او كل كام شهر ؟ الشركتين بيقولوا نصيا ان الزيت قادر على العمل لمدة عام كامل او 10000 كم كحد ادنى من الاداء وان الزيت قادر على العمل لمدة 18 شهرا او 25000 كم كحد اقصى من الاداء كما تقول الشركتين ان استخدام السيارة لمدة طويلة عام مثلا لمسافات قصيرة لا تتعدى ال 10000 كم يعتبر من اقصى انواه الاجهاد للمحرك والزيت فى نفس الوقت وان استخدام السيارة لمسافات طويلة جدا فى فترات زمنة قصيرة يعتبر افضل للمحركات والزيوت ايضا طيب سؤال كمان : هل الزيوت التخليقية لها فلاتر زيوت خاصة ؟ اجابة الشركتين على هذا السؤال تتلخص فى اختيار فلاتر زيوت عالية الجودة زى فلاتر K&N او فلاتر زيوت الشركة نفسها مثل فلاتر موبيل وان او فلاتر شيل وبكدة نكون خلصنا على زيوت المحركات اللى فى مصر واللى موثوق فيها منقول للامانة دا اول موضوع ليا ويارب يعجبكم

كما تقول الشركتين ان استخدام السيارة لمدة طويلة عام مثلا لمسافات قصيرة لا تتعدى ال 10000 كم يعتبر من اقصى انواه الاجهاد للمحرك والزيت فى نفس الوقت
وان استخدام السيارة لمسافات طويلة جدا فى فترات زمنة قصيرة يعتبر افضل للمحركات والزيوت ايضا

[samirsaid1]

أولا شكرا على الموضوع

انا معايا اكسنت 2007

واستعلمت زيت عادى كذا مرة

وبعدين قلت احط موبيل وان والموتور بقى صوته خشن ودة من اول ما غيرتة ودلوقتى ماشى حوالى 2000 كيلو بس الصوت فعلا عالى وعن تجربة

مع ان المفرض العكس يمكن احيانا العربية بتسخن كمان

[samirsaid1]

أولا شكرا على الموضوع

انا معايا اكسنت 2007

واستعلمت زيت عادى كذا مرة

وبعدين قلت احط موبيل وان والموتور بقى صوته خشن ودة من اول ما غيرتة ودلوقتى ماشى حوالى 2000 كيلو بس الصوت فعلا عالى وعن تجربة

مع ان المفرض العكس يمكن احيانا العربية بتسخن كمان

وطبعا المهندس سمير فاكر الموضوع دة

[احمد على 1999]

شكرا على الموضوع انا مكنتش اعرف ان الشركات دى اعلنت حكاية حد ادنى 10000 و حد اقصى 25000
بس تقريبا من 3 سنين كده كنت بكشف على الزيت عند شيل الى فى اول الصحراوى بالجهاز بتاعهم و العامل قالى ان الشركة ادتهم دورة تدريبية و المهندس المدرس قال لهم ان زيت الترا هيلكس بعد التطوير بقى هو نفسه بيغيره على 19000 و انا ماصدقت و قعدت الزيت لغاية 24000 و المرة الى بعدها 27000 و المرة دى ممكن افكر عند 20000 على حسب الحالة المادية ههههههه

[powerofdream]

جزاكم الله كل خيرا جميعا علي المرور العطر