|
منتدى الصيانة العام أى مشكلة فنية تواجهك ضعها هنا |
|
أدوات الموضوع |
#1
|
|||
|
|||
تجربتي مع غسيل موتور الفيرنا اوتوماتيك كيميائيا
السلام عليكم و رحمه الله و بركاته يا شباب عايز انقلكم تجربتي مع غسيل الموتور كيميائيا
النهارده كنت معدي في شارع دمشق المهم من كام يوم لاقيت التكيف مخسع شويه قلت طيب ننضف الفلتر المهم مفيش فرق كبير قولت خلاص نغسل السربانتينة و بالمرة نغسل الموتور لانه كان شكله موتور عربيه نقل من كتر التراب و القرف اللي في الشوارع روحت بنزينه شل اللي في شارع دمشق قالي غسيل كيميائي ب 40 جنيه و 5 جنيه غسيل السرابنتينة و 5 جنيه هوا للموتور و تنظيف الفلتر المهم شكلة مريحنيش و حسيت انهم نصابين و العربيه مش هتدور بعدها سيبته و مشيت شويه لاقيت ينزينه التعاون قدامها على اليمين المهم سألت واحد جميل كدة و لسانه حلو مع الناس قالي 40 جنيه (طبعا شامل كل اللي انا قولت عليه فوق) و هاسلمك الموتور اكنك طالع بيها من المعرض المهم قولت شكلك محترم و فاهم ابتدي يا برنجي راح المعلم جاب مسدس الهوا و نفض الفلتر و الموتور و الغطا بتاع الكبوت ماشي شكلك فاهم انا قولت لو لاقته هيعك هقوله بس هنا كويس و خد حساب الهوا المهم الولد بيشتغل بذمة والله يا جماعة و عنده ضميربجد بعد كدة جاب مادة منظفة كيميائية و اديها يا معلم طبعا نزل كل الاتربه اللي لزقة و قالي بص يا باشا المادة دي منها منظف و منها عازل علشان لما نضرب مسدس الميه مفيش حاجة تتأثر قولت ماشي بعد كدة جينا بقا لمسدس الميه هوا انا كنت مقلق شويه بس سلمتها لله و لهذا الشاب الذي يراعي ضميره المهم عمل كل حاجة و ضرب المسدس في كل زنقة في الموتور و الحوض و غطا الكبوت الشهاده لله هوا ماخلاش حته في الحوض الاو ظبطها بمسدس الكيماوي و حسيت ان معالم الموتور و الحوض نضفت جدا جدا بس خلصنا الميه و طبعا المفروض ان مفيش ميه هتدخل اي مكان و تعطله المهم ساب الموتور 5 دقايق يصفي الميه و بعدين جاب ماده تاني رشها بمسدس برضو و اول ماخلص رش لاقيتها عملت فوم كثيف اكني قدام بانيو مليان شاور فوم و ساب الموتور دقيقتين و راح جاب مسدس الهوا و فوطه و اديها طبعا كل الفوم اللي في الحوض و على اي حته في الموتور طار و قالي ان دة مش هيخلى التراب يلزق جامد يعني ممكن بعد كده لو عملت الموتور هوا ينضف على طول و بس يا معلم الموتور بقا بيلمع اكني لسه شاري العربية فعلا. المهم بقا شغلنا العربيه الحمد لله كله تمام و شغال كويس نور مساحات اشارات الحمد لله دي كانت اهم لحظة في الموضوع ده خلصنا حاسبت و اخد اللي مقسوم له و الواد كان طاير (على فكره اغلب بس مش كل الناس مثلا اللي بتشتغل فيحاجة زي شل مثلا لما كنت باديهم نفس اللي اخده الواد النهاره كنت بحس انهم مش عاجبهم) المهم مشيت و الحمد لله حسيت ان الموتور زي مايكون فاق و صحصح و السحب اتحسن جدا لدرجه اني حسيت انه كان نايم و دش الميه ده صحصحه ان شاء الله هرفع الصور بس معلش لو اعرف كده ياريتني كنت صورته قبل مايتغسل علشان تقدروا تقارنو اعذروني نسيت اسماء المود اللي استخدمها يارب اكون افدتكم و افدت اي حد كان عايز يغسل الموتور و مش عارف فين احسن مكان او قلقان اصلا من فكرة الغسيل لاني بصراحة دي تاني مره اغسل الموتور بس الاولى كانت مغسلة و حسيت انها كانت حوار اي كلام انا طلعت بحاجه ان مش مهم اغسل فين بس المهم اللي بيشتغل في عربيتك يحسسك انها عربيته و عنده ضمير يكون واضح كده و هوا بيشتغل و انك تفضل تتكلم معاه و هوا شغال علشان ميحسش انك مستكبر(ودي بصراحة طبيعتي مع اي صنايعي سواء بقا في البيت في الشارع اي مكان) لو حس انك مستكبر كده و التناكه راكباك ساعتها لو كروتك انت مش هتعرف و قدامك عملك اللي انت طلبته و شكرا لكل واحد على وقته علشان يقرا الكلام ده |
#2
|
|||
|
|||
رد: تجربتي مع غسيل موتور الفيرنا اوتوماتيك كيميائيا
نسيت اقولكم ان التكيف رجع احسن من الاول كمان
|
#3
|
||||
|
||||
رد: تجربتي مع غسيل موتور الفيرنا اوتوماتيك كيميائيا
ألف شكر يا أستاذ وائل على المشاركة الجميلة ونقل التجربة
|
#4
|
||||
|
||||
رد: تجربتي مع غسيل موتور الفيرنا اوتوماتيك كيميائيا
|
#5
|
||||
|
||||
رد: تجربتي مع غسيل موتور الفيرنا اوتوماتيك كيميائيا
: Wkiss5::W kiss5::Wk iss5::Wki ss5::Wkis s5:
بارك الله لك فى سيارتك وحفظك وحفظ طريقك من كل سوء
__________________
|
|
|