|
#51
20-04-2010, 09:17 PM
|
|||
|
|||
رد: تقرير عن مشاكل وعيوب نيسان صني 2009 - 2010
أولاً
أسمحوا لي بمداخلة بالرغم اني ليست لي تجارب كبيرة مع السيارات سوى في الايجار حين أنزل مصر في الاجازات حيث أنني لا أمتلك سيارة لا في مصر ولا في الامارات وبالرغم من اني بتابع هذا المنتدى من فترة ليست طويلة (حوالي شهرين تقريباً ) لأستطيع الاستفادة من آراء الخبراء والاعضاء قدامى مالكي السيارات والمحترفين الا أنني استفدت كثيراً من هذا الخلاف في وجهات النظر وأهم استفادة هي أنه لا يمكن الاتفاق على سيارة كاملة من كله فأنا مثلا أبحث عن سيارة من فئة ( 1600 cc ) علشان اشتريها هنا في الامارات وان شاء الله تكون معي اثناء عودتي ....... لأن سعر اعادة البيع هنا بخس جداً وانا في الايام القليلة القادمة سيكون عندي سيارة باذن الله ( لم استقر عليها حتى الآن ) فأنا كنت وضعت لستة بالآتي ( لانسر - مازدا 3 - كورولا - صني - سيفيك ) هذا في الياباني وكنت قد رجحت السيفيك في الياباني ولكن للأسف الموجود منها هنا 1800 وسعرها جيد وامكانياتها عالية لكني استبعدتها بسبب الجمارك أما الكوري فوضعت ( سيراتو - النترا - كروز ) وكنت قد رجحت الكروز ولكن للأسف الكروز الموجود هنا 1800 وسعرها جيد وامكانياتها عالية لكني استبعدتها بسبب الجمارك اجمالاً انا توقفت عند المازدا 3 والصني في الياباني الى أن يستجد الجديد من اراء الزملاء هنا وفي العمل معي اذن اختلاف الرأي حتى بالنسبة للمستجد اللي زي حالاتي لا يسبب لي مشكلة لأن كل سيارة بها مميزات وأكيد تتفوق عليها أخرى في بعض الصفات ولولا اختلاف الأذواق لبارت السلع وسبحان موزع الأرزاق وموسعها على خلقه أمّا بخصوص Devill blood فأحب أقول لك يا أخي أن كلمة " حسبسي الله ونعم الوكيل " ليست دعوة عليك بل هي دعاء المؤمن بان يكون الله تعالى وكيله وحسبه في الرزق والنصر والعون ..... الخ مشكلتنا كلنا في حواراتنا حتى المبنية على اختلاف الآراء أننا لا يتسع صدرنا لسماع من يخالفنا حتى في الأمور التي قد تحتمل الخلاف في 1000 وجه فكل سيارة بها ألف وجه أختلاف بينها وبين الآخرى حتى وان اجتمع عليها الناس في بلد فسيخلف معهم من هم في بلد آخر فعوامل الطرق والمرور والتكلفة والوكيل والسعر ................ كلها عوامل مقارنة لو وضعنا مثلا الكوري والياباني هنا في الامارات ستجدون الأسعار متقاربة بل متساوية تقريباً طيب شوفوا دي في الامارات كورولا فول أوبشن هاي لاين 1.8 ( رقم1 ) 68 ألف درهم كامري 2.4 فول أوبشن رقم( 3 ) 71 ألف درهم في مصر الكورولا ب 150 ألف جنيه تقريباً والكامري بــــ 500 ألف جنيه تقريباًptmnlo123per144 لو انت عايش ومقيم في الامارات ها تشتري ايه ؟؟؟؟!!! أعتقد ها تشتري برادو ب 95 ألف درهم ptmnlo123per154 اللي هي في مصر بـ 950 ألف جنيه والله ينتقم من الغالي اتمنى من أخواني احترام الاراء والا يدلى بدلوه في الامور الفنية الا من يكون على دراية
وخبرة وتجربة واسمحوا لي بالتداخل بعيداً عن الأمور الفنية  التعديل الأخير تم بواسطة khaled71 ; 20-04-2010 الساعة 09:25 PM 
|
|
#52
20-04-2010, 11:17 PM
|
||||
|
||||
رد: تقرير عن مشاكل وعيوب نيسان صني 2009 - 2010
وفعلا كلمة حسبى الله ونعم الوكيل هى عكس م الناس فاهماها (انها دعاء عليهم بانتقامم ربنا ) وانما هى استعانة بالله وشكوى اليه وانا كتبتها وانا بضحك لانى عارف انه هيزعل منها لانه كان كاتب كلام عبارة عن نكتة من ماركة طبق طبقنا ضرب طبقكو يعنى مكانش فيه راى معين وكنت ناوى ارد عليه واراضيه وافهمه انه ميزعلش لان دى شكوى الى الله واستعانة بالله على التريقة على كلامنا مش دعوة عليه لكنك سبقتنى ثانيا اهم مافى اختيار السيارة او اى شىء مدى احتياجك ليه وكيفية استعمالك ثم اخيرا امكانياتك المادية هيا بقى اللى هيكون لها القول الفصل فاذا كانت الامكانيات المادية تكفى الجميع ( ربنا يزيد ويبارك لكل الناس) يبقى تشوف احتياجاتك ايه عندك اسرة مثلا عددها كبير ومشاويرك كتيره يبقى عربية كبيرة لكن اسرتك صغيرة ومشاويرك بسيطة يبقى عربية متوسطة مثلا وهكذا منصبك محتاج عربية لها شكل معين او مظهر معين يبققى الوضع مختلف وهكذا وانا شخصيا (دى تجربتى الشخصية) كنت ناوى اجيب نص نقل لانها اللى تتحمل شغلى تصور بقى  ولكن وانا راكب الميكروباس وواقف فى كمين لقيت الظابط بيعامل سواق النص نقل معاملة سيئة فغيرت رايى لانى بسافر مصر كلها وبقابل كماين كتير وطبعاعايز عربية واسعة علشان بضاعتى وقوية تتحمل البهدلة وشيك الناس تعاملنى باحترام جااااااامد وانا فيها يعنى حاجة كده خليط من الملاكى على النص نقل وكان الاختيار لللانسرلكن فوجئت انها مش طويلة ولاكان فى دماغى النيسان ولقيتها واقفة جنبها فى المعرض وركبتها وجربتها وعجبتنى والحمد لله اى شىء من صنع البشر طبيعى جدا انه غير كامل وانا بشيل بضاعتى فى النيسان بكميات كبير ة ومشيت بيها فى طرق وعرة وصحراوية تقولش شيروكى وطبعا ده اثر على منظر العربية لانها بتسافر كتير وبتحمل بضاعة وبتتبهدل لكنها مستحملانى الشهادة لله ولاتطلب الا الزيت والبنزين او الغاز دلوقت لانى حولتها غاز لكن لها عيوب طبعا مثل صوت الموتور العالى بعد سرعة 130 ده انا اقبله وغيرى لايقبله لان كل واحد له ظروفه الخاصة هو عايز عربية يقفلها ويعيش بعيد ومنعزل عن الناس لكن انا احب يكون فى تفاعل بينى وبين الناس بدون شتيمة يعنى واقف جنب اتوبيس مثلا والناس متشعبطة اقول لهم سلام عليكم فكله يرد فى نفس واحد وعليكم السلام ورحمة الله وناس تهرج معايا وناس تقول اتفضل لحد ما الاشارة تفتح وهكذا فانا صوت الموتور مش سامعه بسبب الشارع بالاضافة الى عيوب التقفيل المصرى وده راجغ لطبيعة الموظف المصرى يعنى ممكن واحد زيى ياخد عربية كوبيسة جدا ثم يكتشف ان التكييف مش تلاجة بسبب انه محتاج شحن ( شحنه ناقص وانا شخصيا لانى من اعداء التكييف فمعرفتش دى الا بعد العربية م عملت حوالى 50 الف كيلو (عربيتى موديل 2008) ووديتها للاسطى حسن خلاها فل واحد تانى يلاقى الكاوتش بتاع الابواب مش راكب كويس وتالت يلاقى حاجة تالته وهكذا لكن الاساسيات ممتازة واانا شخصيا كنت فاكر فرامل النيسان (a b s )وفوجئت انها عادية رغم انى بسوق سرعات عاليه جدا تصل الى 170 غالبا ومع ذلك كانت تكلبش العربية كانها a b s الاكتشاف اللذيذ بقى انى كل ماشترى قطعة غيار يقول لى الراجل اتفضل الاقى مكتوب عليها لانسر اقول له عايز صنى يقول هيا هيا والكلام ده حصل بنسبة 40% وهي نسبة ممتازة ماعدا الاساسيات واذكر احد اخواننا هنا فوجئت بيه بيقول الالنترا شياكة ووجاهة بس عيبها الفرامل بتاعتها ضعيفة واستعجبت جدا لان الفرامل دى مش كماليات دى اساسيات ده انا ممكن اصبر على اى خدش فى العربية لكن لو حسيت ان الفرامل قلت شوية اجرى اعمل ريجلاش او صفرت او لما افرمل تتزحلق وتجرى ادام شوية اجرى انضفها واصنفرها ومركبش العربية اللا وانا متطمن رغم انى اكتشفت ان 90% من الشعب المصرى فرامله بتصفر وبتزحف وفاهمين ان الصفارة دى عادى لان الفرملة قوية وكده اخيرا اتفق معاك انها مسالة اذواق وظروف كل واحد مختلفة وبناء عليه كل واحد بيجيب غير التانى اشكرك وارجو من الاخ ديفيل انه يتقبل كلامى لانى على فكرة مبعرفش اشتم حد او اتريق على حد ومش عارف ده عيب واللا ميزة التعديل الأخير تم بواسطة خالدخليفة ; 20-04-2010 الساعة 11:56 PM
|
|
#53
21-04-2010, 12:09 PM
|
|||
|
|||
رد: تقرير عن مشاكل وعيوب نيسان صني 2009 - 2010
واشكرك أكثر على نقلك لجزء من تجربتك وهذا مضمون ما قلته انا فأنا بالرغم من اقترابي من الـ 40 عاماً ( اسأل الله أن يوزعني أن أشكر نعمته التي أنعمها الله علىّ وعلى والديَّ وأن أعمل صالحاً يرضاه وان يصلح لي في ذريتي ... إني تبت اليه وأنا من المسلمين ) الا انني بفضل الله لم يكن بمقدوري في السابق ( في مصر ) أن أتملّلك سيّارة حيث أنني أعمل مدرساً ومحاضراً للحاسب الالي بوزارة التربية والتعليم .... الى أن رزقني الله سبحانه وتعالى بوظيفة محترمة في مجالي في دولة الامارات .......... وأنا الآن بصدد شراء أول سيارة وكما قلت في مشاركتي السابقة أنني هنا للاستفادة من خبرات الزملاء في هذا المنتدى الرائع وعليه أنا بالفعل استفيد منكم ........... واتمنى من الله أن يجعل ذلك في ميزان حسناتكم على فكرة احنا عندنا هنا في الامارات استخراج الرخصة كأنك حصلت على مؤهل ......... يعني الاختبارات بتكون صعبة ودقيقة جداً أتمنى من الله أن يكون استخراج رخص القيادة في مصر بمثل هذه الطريقة وسأنقل لكم باذن الله تجربتي مع استخراج الرخصة في مصر وتجربتي مع استخراج الرخصة في أبوظبي لتعرفوا الفروق الشاسعة وأن اغلب الحوادث عندنا في مصر من الفساد المروري بدءاً من الطرق مروراً بالقوانين الغير مفعلة انتهاءاً باساليب استخراج الرخص ونأسف للأخ صاحب الموضوع عن الخروج عن اطار موضوعه
|
|
#54
22-04-2010, 12:30 PM
|
|||
|
|||
|
رد: تقرير عن مشاكل وعيوب نيسان صني 2009 - 2010
والله يا جماعة انا شايف ان احنا ظالمين الصناعة المصرية زيادة عن اللزوم وانا عن تجربة شخصية من 2006 حتى 2008 وكان عندي دايو لانوس كاملة وبصراحة كانت جميلة جدا جدا والعيب الوحيد صوت الشكمان عالي بسيط لكن كانت عربية جميلة جدا ودي فيها نسبة تصنيع مصري - ومن 1/1/2009 معايا نيسان صنى سوبر صالون برده العربية جميلة مش وحشة ممكن يكون فيها بعض العيوب البسيطة الي مش خطر علي العربية ولا علي الركاب ولازم تعرف انك مش راكب بي ام ولا مرسيدس لكن العربية علي المستوى السعري بتعها جميلة جدااا وكمان مشاكل العربيات التقفيل المصري مشاكل فردية يعنى العيب مش في كل العربيات بمعنى انه مش عيب صناعة ممكن عربية تكون مفيهاش العيوب دي خالص وممكن عربية يكون فيها عيب واحد المهم وهو داا الي لازم نتكلم فيه ونطالب بيه مسئولية الشركة عن هذه العيوب واصلاحها ودا دور حماية المستهلك في انه يخلي التوكيلات مسئولة عن العربية وعن العيوب ويكون في مكان معتمد لفحص العربية وبالتقرير بتاع المكان دا اجبر التوكيل علي الاصلاح وعلي نفقته واحب اقول حاجة للاخوة الاعضاء طريقة القيادة والحفاظ علي العربية هو الي بيخلي العربية كويسة او لأ لأن انا اعرف ناس لازم امريكاني وفرامل جامدة كل مرة ودا اكيد بيأثر علي كفائة العربية ولا نشجع الصناعة الوطنية خاصة وان معظم التوكيلات العالمية بتصنع في الصين والهند وجنوب افريقيا وايران وكوريا ودي ودول مش عالية اوي ولا افضل من مصر كتير
|
 |
|
|
