هيونداى إيكوس استعراض الفخامة hyundai equus

[3bd0]

المشاركة الأصلية كتبت بواسطة luckyman شفت واحدة نازله من ليبيا فى نص البلد السنة اللى فاتت طبعا انا لو رجل اعمال واملك الملايين وفكرت انى امتلك سياره فخمة وخيرت بين المرسيدس وبى ام والاودى طبعا اختار الايكوس لانها ببساطة الصفقة الذكية فعلا عربية تمتلك جميع مقومات فخامة واداء وجودة افضل سيارات العالم فى فيئتها لكن لا يوجد سيارة تمتلك سعر مدروس وذكى زى الايكوس وبالتالى هى سيارة القيمة المكتمله والكمال لله تعالى وشكرا لك

انا مع حضرتك في الموضوع ده
وانا عن نفسي ده هايبقى اختياري فعلا لو بدور على حاجة من الفئة دي

بس انا حبيت اقول ان احنا لازم ناخد بالنا ان كلمة "مرسيدس" او "بي ام" او "اودي" ليها سعرها لوحدها
في ناس كتير بتشتري من الحاجات دي عشان الاسم بس، بغض النظر بقى عن مميزات العربية نفسها
يعني انا قصدي ان يبقى اسمك راكب بي ام غير ما يكون اسمك راكب هيونداي جينسس، الاسم ليه تقلو بردو، مع ان ممكن تكون الجينسس احسن وافخم من البي ام بكتير

ومع ذلك، انا شايف انها كلها كام سنة عقبال ما العربية تاخد وضعها في السوق، وهايبقى راسها من راس اللكزس والانفنيتي

[luckyman]

المشاركة الأصلية كتبت بواسطة 3bd0 انا مع حضرتك في الموضوع ده وانا عن نفسي ده هايبقى اختياري فعلا لو بدور على حاجة من الفئة دي بس انا حبيت اقول ان احنا لازم ناخد بالنا ان كلمة "مرسيدس" او "بي ام" او "اودي" ليها سعرها لوحدها في ناس كتير بتشتري من الحاجات دي عشان الاسم بس، بغض النظر بقى عن مميزات العربية نفسها يعني انا قصدي ان يبقى اسمك راكب بي ام غير ما يكون اسمك راكب هيونداي جينسس، الاسم ليه تقلو بردو، مع ان ممكن تكون الجينسس احسن وافخم من البي ام بكتير ومع ذلك، انا شايف انها كلها كام سنة عقبال ما العربية تاخد وضعها في السوق، وهايبقى راسها من راس اللكزس والانفنيتي

بالضبط كده تماما انا شايف فى الخمس سنوات الاخيره زى تويوتا من 30 سنة رحله الصعود بقوة وثقة لا غبار عليها متخطية اعتق الاسماء وبرضة زى لكزس وانفينتى زى حضرتك ما ذكرت فى بداية تسعينات القرن المنصرم خلال اقل من 3 سنوات كانت متخطية ارقام المبيعات فى السوق الامريكية والسوق دول الخليج ولكل مجتهد نصيب ونفس الشىء حيكون مع السيارات الصينية لكن باختصار الوقت يعنى لو اليابانين احتاجوا 30 سنة وبعدهم الكوريين فالصنيين خلال سنوات معدودة ربما لا تتجاوز 5 سنوات احتمال نشوف سيارات طفرة طبعا مع عامل السعر المنافس والذكى والمدروس والنتيجة منتج اخر ذات قيمة خارج المنافسة

[3bd0]

المشاركة الأصلية كتبت بواسطة luckyman بالضبط كده تماما انا شايف فى الخمس سنوات الاخيره زى تويوتا من 30 سنة رحله الصعود بقوة وثقة لا غبار عليها متخطية اعتق الاسماء وبرضة زى لكزس وانفينتى زى حضرتك ما ذكرت فى بداية تسعينات القرن المنصرم خلال اقل من 3 سنوات كانت متخطية ارقام المبيعات فى السوق الامريكية والسوق دول الخليج ولكل مجتهد نصيب ونفس الشىء حيكون مع السيارات الصينية لكن باختصار الوقت يعنى لو اليابانين احتاجوا 30 سنة وبعدهم الكوريين فالصنيين خلال سنوات معدودة ربما لا تتجاوز 5 سنوات احتمال نشوف سيارات طفرة طبعا مع عامل السعر المنافس والذكى والمدروس والنتيجة منتج اخر ذات قيمة خارج المنافسة

بالظبط كده
بس انا مش معاك في موضوع اختصار الوقت للصينين
لللأسف الصين بدأت معانا غلط، يعني اليابان معروفة من زمان جدا من قبل ما تعمل عربيات ان الحاجة اللي بتتعمل هناك بتبقى ملهاش حل وجودة غير طبيعية (لو تفتكر مثلا المسجلات الباناسونيك والسوني اللي كان مكتوب عليها Made in Japan كانت سمعتها في السما). في رأيي ده كان السبب الرئيسي انهم اول ما يقولو احنا عملنا عربية الناس راحت اشترت وهيا مغمضة.
والكوريين عشان احنا معندناش فكرة مسبقة عن منتجاتهم، سرعة ثقة الناس قي عربياتهم مش سريعة زي اليابانيين بس مش بطيئة برضو
الصينين بقى انا شايف انهم هايعانو عشان يغيرو نظرة العالم لمنتجاتهم، هايحتاجو وقت كبير جدا من اثبات الذات واثبات ان حاجتهم ممكن تعتمد عليها لمدة 20 سنة قدام مثلا قبل ما الناس تبدأ تثق فيهم من اول وجديد

فأنا رأيي ان "القفزة" المتوقعة في اسواق العربيات هيا دخول الكوري بقوة شديدة لدرجة انو يسحب من مبيعات الشركات اللي بقالها 100 سنة في السوق.
المستقبل القريب للكوري، ويمكن البعيد يكون للصيني (بس بعيد اوي)

[TiTo Sky]

[yaso12]

انا شوفت رؤوف غبور فى الفورسيزونز نايل بلازا وركب واحدة زى لونها ابيض لؤلؤى بصراحة عربية خرافة وهى تقارب فى الحجم مرسيدس اس بس سقفها اعلى شوية
اوعدنا يا رب