العودة   مصر موتورز مجتمع السيارات > سوق السيارات فى مصر موتورز > سوق السيارات المصرية

سوق السيارات المصرية نصائح عامة وتجارب واخبار عن بيع وشراء السيارات فى السوق المصرى


موضوعات متميزة

إضافة رد
 
أدوات الموضوع
  #61  
قديم 04-04-2010, 12:37 PM
corsair
Guest
 
المشاركات: n/a
افتراضي رد: كيف تشترى سيارة مستعملة كالجديدة؟ ادخل وانتا تعرف


المشاركة الأصلية كتبت بواسطة hazem_khidr مشاهدة المشاركة

كروسير
شكرا علي الموضوع

العفو يا حازم باشا ونورت الموضوع
رد مع اقتباس
  #62  
قديم 04-04-2010, 12:38 PM
corsair
Guest
 
المشاركات: n/a
افتراضي رد: كيف تشترى سيارة مستعملة كالجديدة؟ ادخل وانتا تعرف


المشاركة الأصلية كتبت بواسطة mido-spicy مشاهدة المشاركة

البرنس احمد باشا
دايما مواضيعك جامده
شكرا ليك

حبيبي ابو حميد نورت الموضوع وكنت علي بالي والله من كام يوم كدا انتا ايه اخبارك واحشني والله ونورت الموضوع يا جميل
رد مع اقتباس
  #63  
قديم 04-04-2010, 12:39 PM
corsair
Guest
 
المشاركات: n/a
افتراضي رد: كيف تشترى سيارة مستعملة كالجديدة؟ ادخل وانتا تعرف


المشاركة الأصلية كتبت بواسطة sokar1961 مشاهدة المشاركة

100 100 استاذ والله


ربنا يخليك يا برنجي ونورت الموضوع
رد مع اقتباس
  #64  
قديم 04-04-2010, 12:40 PM
corsair
Guest
 
المشاركات: n/a
افتراضي رد: كيف تشترى سيارة مستعملة كالجديدة؟ ادخل وانتا تعرف


المشاركة الأصلية كتبت بواسطة محمد حسن السيد مشاهدة المشاركة

نشكركم علي حسن تعاونكم معنا وياريت ترسلوا لي هذه المعلومات علي الاميل بتاعي شكرا مصر موتورز

نورت الموضوع ومعلومات ايه اللي انتا عايزنا نرسلهالك علي الايميل وتقبل تحياتي
رد مع اقتباس
  #65  
قديم 18-05-2010, 11:30 AM
الصورة الرمزية احمد بدر1978
احمد بدر1978 احمد بدر1978 غير متواجد حالياً
من انا؟: متزوج عندى بنتين وولد
التخصص العملى: مهندس موبيلات فى اى 2
هواياتي: تربية الكلاب والصيد
 
تاريخ التسجيل: Mar 2010
الموقع: الاسكندرية
المشاركات: 7,539
احمد بدر1978 has a reputation beyond reputeاحمد بدر1978 has a reputation beyond reputeاحمد بدر1978 has a reputation beyond reputeاحمد بدر1978 has a reputation beyond reputeاحمد بدر1978 has a reputation beyond reputeاحمد بدر1978 has a reputation beyond reputeاحمد بدر1978 has a reputation beyond reputeاحمد بدر1978 has a reputation beyond reputeاحمد بدر1978 has a reputation beyond reputeاحمد بدر1978 has a reputation beyond reputeاحمد بدر1978 has a reputation beyond repute
افتراضي نصايح قبل ما تشترى عربية مستعملة؟

قبل ما تشترى فكر شوية

الكلام دة للسيارات الى فوق التسعين
<!--[endif]-->
<o:p></o:p>

<o:p></o:p>


أولاً الخطوة الاولى

1/حدد نوع وماركة العربية من حيث مناسبتها لآحتياجاتك و ميزانيتك وذلك بترتيب عوامل اختيار نوعالعربية.

2/هل تحتاج لمساحاتداخلية كبيرة -هل سفرياتك كتير و فيها شنط كبيرة .


3/استخدامك اكتر جوة البلد ولا برة البلد فى سفريات ذاتسرعات عالية و طويلة
عنصر توفيرالبنزين مهم بالنسبالك ولا لا .

عدد الاشخاص اللى معاك فى العربية دايماً كتير ولا قليلين ولا فىمعظم الاحوال لوحدك.




بعد الخطوة دى هاتبقى حددت و عرفت

ماركة العربية - نوع العربية - الموتور - أماكن الصيانة

ثانياً الخطوة الثانية : مرحلة التحديد
يجب ان تحدد موديلالعربية (السنة ) اللى انت عايز تشتريها و ذلك من خلال
1- ما هى افضل الموديلات لهذا النوع - يعنى سنة كام كان منافضل الموديلات اللى نزلت فى النوع دا .

2-معرفة السعر المتوسط لهذا الموديل (السنة ) من خلال متابعة الاعلاناتو الاتصال المباشر و السوق .

3- هل الموديل دة متناسب فى متوسط سعرة مع ميزانيتك ولا لأ ..لو كاناعلى أنزل للسنة اللى قبلية و هكذا .

4-تنزلالسوق مرة (ليس للشراء ابداً) و لكن للفرجة و معرفة أخر سعرللموديل دةبعد شوية فصال صغيرين (وعلى كدة تحدد المتوسط السعرى الفعال لهذاالموديل ) يعنى مش مجرد كلام اعلانات .


بعد الخطوة دى هاتبقى حددت و عرفت
موديل العربية (السنة ) بالظبط اللى عايز تشتريها و كمانمتوسط السعر اللى فى السوق للموديل دة

ثالثاً الخطوة الثالثة : مرحلة النزول للشراء

عربيات تستحق النزول إذا كانتفى اعلان او الفرجة اذا كانت فى السوق

1/الحالة :
-فابريقة (دهان مصنع).... بالكامل.... (ممتاز)-فابريقة داخل فقط (تحت سنة 2000 ) .....(جيد)
-لا يوجد اى دهان فابريقة فى اى سنة (يعنى راشة برة و جوة....... سىء
السعر :
-اعلى من المتوسط اللى انت طلعتة ........(ممتاز-فى المتوسط اللىانت طلعتة ........(جيد
اقل منالمتوسط اللى انت طلعتة ........(سىء
الكماليات :
هىالكماليات المتعارف عليها فى هذا الموديل من هذة السنة ولا يحبذ اى اضافات اخرى .

الموتور :
هو السعة اللترية (ال cc ) المتعارف علية فى هذا الموديل من هذة السنة

اللون
من الالوان اللى كانت متواجدة فى هذا الموديل من هذة السنة
يعنى مفيش 128 فى اوائل التسعيناتفضى او 127 ذهبى ولا لانسر موف ..مثلاً

الرخصة
أ- رخصة أةبس بشروط
بأسم المالك ومش المهمفيها قد اية المهم طالعة لمدة قد اية
سنين .... (ممتازسنة واحدة ...(واحنا دلوقتى فى اخرها... (جيد سنة واحدة ...(واحنا دلوقتىفى اولها ).... (غير جيد
توكيل ... سىء

عدد الكيلو مترات
يكون متناسب مع عمر العربيةبمتوسط من 17 الف كم الى 20 الف كم فى السنة الواحدة
عدد كيلومترات مظبوط مع المعدل المذكور ........(ممتاز
عدد كيلومترات اقلمع المعدل المذكور ....... جيد
عدد كيلومترات اقل بكتير من المعدل المذكور ....... غيرجيد
عدد كيلومترات اكبر من المعدلالمذكور ....... سىء

بعدالخطوة دى هاتكون قررت تنزل ولا لأ عشان تشوف العربية دى او قررت تتفرج عليها وتفحصها

رابعاً الخطوة الرابعة : مرحلة فحص العربية للشراء

من الخارج : خد لفة حوالين العربية ولاحظ الاتى

طلاء السيارة
-طلاء السيارة متناسب مع العمرللموديل ولا يوجد اى اجزاء لامعة اكثر من التانية

ملاحظة الخدوش الاحتكاكات
-وجودها فوق سنة 2000 جيد
-عدم وجودها فوق سنة 2000 غيرجيد
-عدم وجودها تحت سنة 2000سىء

الصدمات والحوادث
ملاحظةاى فوارق بينالخطوط -بين الفوانيس و الرفارف-بين الباب و الحلق بتاعة -بين باب الشنطة و حلقالشنطة -بين الزوايا فى اركان العربية -طبقات عاليةشوية فى الدهان عن الباقى -فوارق بين الاكصدام و جسم العربية .

4-الزجاج
اىفوارق بينكاوتش الزجاج و الحلق اللى بيركب فية -كاوتش الزجاج جديد واسود ولا قديم من عمرالعربية -فى كتابة على اسفل الزجاج (اصلى ولا اتغير) -نقر متسابة (يبقى احسن) ولاكلة مية واحدة و بيلمع (قلق) -فى زجاجالابواب سيف الزجاج اللى فى الباب بالعرضقافل على الزجاج ولا مفارق (يبقىاتفك قبل كدة )-الزجاج لابس فى المجرى بتاعتة ولامفارق .

الاكسسوارات
المرايات -الشبكة الامامية -الفوانيس -الاشارات-المساحات-الأريال -فبر الاكصدام
كلها طبيعية للموديل دة ولا فيها افتكاسات فتسيبك منهااحسن .

الكاوتش
مناسب لعمر العربية ..... ممتاز
تفاصيلة ممسوحة شويةبالنسبة لعمر العربية .....(جيد)
تفاصيلة بارزة وواضحة وشكلة لسة جديد .....(غيرجيد
تفاصيلةممسوحة اوى وشكلة قديم .....(سىء) وتخصم تمنة من سعر العربية فى متوسط 1500 ج

الفوانيس
نضيفة و شفافة .......(ممتاز
متناسبة مع عمر العربية...... (جيد
مغببة و مشبرة ..........(سىء

السقف
نفس درجة و لون العربية كلها ......(ممتاز
اسواء من العربية بوجة عام ........(جيد
احسن من العربيةبوجة عام ........(غير جيد
غيرمستوى و فية اى التواءات ....(سىء

العتب
دة الجزء اللىتحت الابواب ... حط ايدك تحتية و خد سحبة كدة بطول العربية
سليم و مستوى .......(ممتاز
فية حتت متاكلة و اماكن محببة كدة ( سىء) علامة صداء برومة موجودة اسفل العربية

-الكارتيرات
دةالجزء اعلى العجل و اللى لافف حوالين الكاوتش من فوق .. ملاحظة عدم وجود اى اثر
صدأ(برومة)-حتت متاكلة -أثرلحامات -اى التواءات -اثر لحاجة زى الزيت منشعة فى المنطقة دى

المساعدين

وقوف السيارة كلها على خط افقىواحديعنى مفيشجهة اعلى من التانية لا ورا ولا قدام
غند الضغط على ركن من اركان العربية بتطلع تانى لفوق بنعومة و ثبات (غيرمتقطع فى الطلوع
عدم وجود اى اثرلزيت او تنضيف حديث ليهم ( بيبقوا فوق العجل و ماسكين العجل بالعربية على شكل عمودرفيع رأسى



نظرة بسيطة على اسفل السيارة
عدم وجود اى اثر لأنخفاضات اوألتواءات
عدم وجود صداء (برومة)
عدم وجود اى اثار لزيوت اوشحومات قديمة
علبة الشكمان سليمةو مش مصدية و مفهاش لحامات و خصوصاً فى المناطق الضيقة اللى بتوصل جزء للآخر .

من الداخل : بعد ما خدت لفةحوالين العربية ... افتح الباب و ادخل عشان تقعد فيها ..بس سيب الباب مفتوح و انتبتقعد
لو لاحظت ان سفل ضلفة الباببينزل لتحت (بيقرب من الارض ) كتير وانت بتقعد فى العربية يبقى العفشة ضعيفة والمساعدين تعبانين ...
-لاحظكاوتش الباب و حالتة
-لاحظ حلقالباب كلة (اى صداء -خبطات -لحامات -التواءات )
-لاحظ القايم (على يمينك اللى واصل بين اسفل العربية والسقف )
اى التواءات -اثر لحامقديم -فوارق بينة و بين السقف ......علامة سيئة جداً

خلاص اقفل الباب و خش العربية اقعد فيها
-فرش الصالون
وجود فرش اضافى ...... (غير جيد) شيلة و بص تحتية
الفرش الاصلىمتناسب مع عمر العربية .......(ممتاز)
الفرش الاصلى اقل من عمر العربية مع وجود فرش اضافى .......(جيد
الفرش الاصلى وحش ومتبهدل .......(سىء

-فبرالتابلوة
فبر التابلوة متناسب مععمر العربية (ممتاز
فبر التابلوةبيلمع...... (غير جيد)
فبرالتابلوة وحش و مشقق (سىء)


-فرشالصالون ..اى اثر لخياطات او ترقيعات او حتت متاكلة و شوف الدواساتو فرشالابواب و الحالة العامة لكل التنجيد الداخلى و مقايستة بعمر العربيةومناسبتة لنمط شخصية البائع
-السقف الداخلى ..ملاحظة اى فوارق او هبوطات او اثار فك و تركيب فى كلالسقف و التقائة بالجوانب اللى شاية السقف كلة
-الدواسات اصلية ولا لأ و هل فى تحتها اى تأكلات او اثارلآحتكاكات مستديمة

-الجزءاسفل التابلوة
متقفل كويس و عليةتراب ....( ممتاز
متقفل كويس ....( جيد)
مفارق و فية اثار فك وتركيب ....( سىء
مفتوح و فيةاسلاك واضحة ......(سىء جداً) مؤشر لحالة الكهربا العامة فى العربية

-لوحة العدادات
اى فوارق بين الزجاج بتع العداداتو التابلوة .....(سىء
-درجالتابلوة
نضيف و متقفل من اخرةكويس ....(ممتاز
مليان حاجات ومكركب ....(غير جيد
ضهرة واقع ومتبهدل من جوة ...(سىء

-فراملاليد ..... وانت قاعد جوة العربية شد فرامل اليد للآخر ولاحظ الاتى
فرامل اليد بتتطلع بصعوبة وبتقفببطىء فى الاخر ......(ممتاز
فرامل اليد بتتطلعبراحة و بتصد فى الاخر بنعومة (غيرجيد
فرامل اليد بتتطلع مرةواحدبسهولة و بتصدفى الاخر مرة واحدة (سىء


انزل من العربية وروح شوف الشنطة
افتح الشنطة ولاحظ بتتطلع لفوقازاى (بسهولة بتترفع لوحدها -بصعوبة -بتقع تانى )
شيل فرش الشنطة و بص تحت الفرش

لاحظ اى .. صداء (برومة -انخفاضات -اثر لحامات -شحومات -زيوت) كل دى علامات سيئة
بص على اركان الشنطة اللى خلف الفوانيس الورانية
لاحظ اى اثار لفك و تركيب -اسلاكبارزة -خبطات (مسمعة جوة

شوف حالة الاستبن
استبن اصلى ......(ممتاز) ساعات بيبقى اصغر من كاوتش العربية العادىبعض العربيات
استبن بحالة كويسة .....(ممتاز)
استبن حالتة اسواء منحالات الكاوتش اللى متركب فى العربية ...... سىء


حالة الموتور :
تعالا قدام الكابوت ..افتحة ..

-اللون و الشكل
ملاحظة لون داخل الموتور (حوض الموتور) نفس لون العربية ولا لآ
-نفس لون و درجة العربية ...(ممتاز
-اقل من درجة لونالعربية (فى اللمعان )....(جيد
-متبهدل كتير عن العربية ...(سىء

-الحالة العامة
ملاحظة الاركان الجانبية فوق و تحت -الوصلات -عدم وجود اى اثار نشع زيتفوق و تحت -
مستوىالسوائل فىمختلف العلب -عدم وجود اى اثار لحامات او شروخ او تغطيات -البطارية عليها شحم اواملاح (بيضاء) - السيور ناعمة و مش ناشفة ولامشققة -عناصر تركيب الفوانيس من وراثابتة و مش مفكوكة قبل كدة -علبةالريداتير مش مصدية -وش الموتور (السدر) منالناحية المتصلة بالكابينةالعزل فيها ماسك نفسة و مش واقع و مفيش اجزاء مصديةالاجزاء فوقالعجل(العلب) مفيش فيها لحامات ولونها ذى الباقى -الخط العرضى اعلى حوضالموتور مستوى و افقى


اطلب من البائع يدور العربية و انت واقف قدام الموتور ولاحظ الاتى
-فى صوت قفشة فى التدوير ولا دارتبنعومة
-صوت الموتور نغمة واحدةولا فيها تقطيعة او ذبذبة
-فى صوتورة او صفارة صغيرة
-اطلب منةيزود بنزين و شوف .. الصوت بيعلى على وتيرة واحدة ولا بيقطع و فى اصوات تانية دخلتفى الموضوع

ابعدعن العربيةفى اتجاة عمودى ...وشوف فى اى دخان او بخار طالع مهما كان مشملحوظ فى زغللة و (ظاهرة السراب) يعنى حرارة طالعة اعلى الموتور ولا لأ
ارجع تانى للعربية ..شامم اى ريحة
شوف مروحة الرياتير اشتغلت ولا لسة
حط ايدك على الريداتير ... تستحملتحط ايدك ثانية واحدة ولا بقى سخن و مولع جداً
اطلب من صاحب العربية يلف الدركسيون للآخر مرة يمين ومرة شمال
-ما سمعتش اى صوت و انت واقف فوقالموتور ...(ممتاز
-سمعت صوتطقطقة او صفارة خفيفة اوى ........(سىء


ارجع ورا العربية و حط ايدك قدام فتحة الشكمان
سد بأيدك فتحة الشكمان لمدة ثانيةواحدة ..لقيت ممانعة و قوة بتبعد ايدك جامد يبقى...( ممتاز
....شيل ايدك و بص فيها
ايدك نضيفة و معلهاش اى حاجة ..(ممتاز
مفيش اى حاجة بس فى اىحاجة ولو بسيطة بتطلع من الشكمانسواء(مياة -رزاز-نقطسوداء -دخان بسيط) .....(غير جيد
فى اى اثار لنقط سوداء على ايدك ...(سىء
ادخل جوة العربية تانى
لاحظ الاتى
-لف الدركسيون... ذى ما كنت واقف امام العربية فاكر (اى تقطيع فى اللفة -تكات -صوت-)..(سىء

-جربالزجاج الكهربا فوق و تحت الاربعة .
-بص على مؤشر الحرارة
ثابت فى النص...(ممتاز
بيشاور عقلة لقدام (سىء)
-بص على لوحة العدادات
ال RPM مفروض يبقى بين 800 و 900 فى الطبيعى

-شغل التكييف على البارد على اقصى درجة
ال Rpm هايعلى سنة لفوق ..دة كويس ...حط ايدك على فتحات التكييف ..بتطلع هواء بارد جداً و مستمر لفترة دقيقة لديقتينيبقى كويس
-ال RPm و التكييف شغالثابت .....(ممتاز
-ال RPm بيترعشو يطلع و ينزل .....(سىء

-شامم اى ريحة حاسس بأى صوت خفيف ...مفيش .. يبقى تمام

-اطفى التكييف و خليك قافلالزجاج 3 او 5 ثوانى
-درجةالحرارة ما رحتش بسرعة ....(ممتاز
-درجة فرقت وراحت بسرعة ....(سىء<o:p></o:p>
<o:p> </o:p>
<o:p> </o:p>
<o:p> </o:p>
وابقا قابلنى لو حد سابك تعمل كل دة

اسف على الاطالة ptmnlo123per172
<o:p></o:p>
__________________


الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,,

إننا لله وإنا إليه راجعون...

إن القلب ليحزن والعين لتدمع,,,وإنا لفراق أمثاله لمحزونون....


ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي

التعديل الأخير تم بواسطة احمد بدر1978 ; 18-05-2010 الساعة 11:38 AM
رد مع اقتباس
إضافة رد

الكلمات الدليلية
سيارات مستعملة

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 02:49 PM.


Powered by vBulletin® Copyright ©2000 - 2021, Jelsoft Enterprises Ltd.
www.MasrMotors.com ™ Copyright ©2008 - 2021
Egyptian Automotive Community
جميع الحقوق محفوظة - مصرموتورز 2008 - 2017