إنفراد :- جدول بنزين الصني

[بدر بسيونى]

فعلا الاتوماتيك بيستهلك اعلى من المانيوال وده امر طبيعى

[Islam_Shady]

المشاركة الأصلية كتبت بواسطة dahab خامسا :- العربية من موديل 2010 إتعمل فيها حساس الأكسوجين وده بيقلل الإستهلاك

تصحيح:

حساس الاكسوجين مالهوش اى علاقه باستهلاك البنزين و ده من توكيل السبع شخصيا

الحساس ده علشان العادم و البيئه فقط

دى اشاعه العيال البياعين مطلعينها تقريبا علشان يعرفو يبيعو

بس سؤال

هل الصنى اللى بره مصر مفتريه كده برضه؟

فى اوربا و امريكا سعر البنزين عالى جدا و لو معدل الاستهلاك العالى ده عندهم برضه ماحدش هايشتريها

ياريت حد يفيدنا

[ahmed_rahem]

دى مشاركة بتاعتى فى منتدى سيارات اخر عن قراية عداد الصنى واستهلاك البنزين لانى لما قريت المواضيع عنه اترعبت انما بعد القياس لقيتها طبيعية،

"السلام عليكم

استهلاكى للبنزين من يوم شراء السيارة صنى سوبر صالون 2011 - انا سكان فى 6 أكتوبر وشغلى على الطريق الصحرواى - كالتالى:-
ليتر / كيلو مقطوع / المتوسط (كيلو للتر) / اسلوب القيادة
- 30 / 380 / 12.6 / لسة فى التليين والتعود على السيارة السرعة لا تتعدى 80-90 واغلبها على طرق مفتوحة
- 33.5 / 318 / 9.5 / تشغيل التكييف على فترات
- 36 / 405 / 11.25 / تكييف وشد على خفيف
- 33 / 323 / 9.8 / تكييف وشد جامد
- 40 / 401 / 10 / تكييف وشد ووقف فى اشارات بس مش فترات كبيرة
- 37 / 383 / 10 / تكييف وشد ووقف فى اشارات بس مش فترات كبيرة
- 35 / 342 / 9.7 / مثل السابق
- 36 / 427 /11.86 / مثل السابق
- 36 / 290 / 8 / على سفر بس كان فى فترة شد وجرى جامد
- 26.5 / 370 / 14 / على سفر بسرعة لا تزيد عن 130 (متوسط 120)

متوسط الاستلاك على تلك الفترة 10.6 كيلو للتر وهو رقم جيد جداً على 1600 سى سى وكمان على الاشاعات الى بتتقال على الصنى واستهلاك البنزين.

والسلام ختام "

الفيصل، الصنى استهلاكها مقارب لجميع السيارات 1600 سى سى فى مصر - وليس افضلهم فرق الوزن والموتور-، ثانياً اسلوب القيادة بيفرق جامد (راجع الاستهلاك على السفر بشد ومن غير شد عمل فرق 5 كيلو للتر) كمان فترات التوقف الكتير فى الاشارات والتكييف. انا الحمد الله راضى عن الاستهلاك بتاعى حتى الان,

والسلام ختام

[elgdawy2007]

المشاركة الأصلية كتبت بواسطة ahmed_rahem دى مشاركة بتاعتى فى منتدى سيارات اخر عن قراية عداد الصنى واستهلاك البنزين لانى لما قريت المواضيع عنه اترعبت انما بعد القياس لقيتها طبيعية، "السلام عليكم استهلاكى للبنزين من يوم شراء السيارة صنى سوبر صالون 2011 - انا سكان فى 6 أكتوبر وشغلى على الطريق الصحرواى - كالتالى:- ليتر / كيلو مقطوع / المتوسط (كيلو للتر) / اسلوب القيادة - 30 / 380 / 12.6 / لسة فى التليين والتعود على السيارة السرعة لا تتعدى 80-90 واغلبها على طرق مفتوحة - 33.5 / 318 / 9.5 / تشغيل التكييف على فترات - 36 / 405 / 11.25 / تكييف وشد على خفيف - 33 / 323 / 9.8 / تكييف وشد جامد - 40 / 401 / 10 / تكييف وشد ووقف فى اشارات بس مش فترات كبيرة - 37 / 383 / 10 / تكييف وشد ووقف فى اشارات بس مش فترات كبيرة - 35 / 342 / 9.7 / مثل السابق - 36 / 427 /11.86 / مثل السابق - 36 / 290 / 8 / على سفر بس كان فى فترة شد وجرى جامد - 26.5 / 370 / 14 / على سفر بسرعة لا تزيد عن 130 (متوسط 120) متوسط الاستلاك على تلك الفترة 10.6 كيلو للتر وهو رقم جيد جداً على 1600 سى سى وكمان على الاشاعات الى بتتقال على الصنى واستهلاك البنزين. والسلام ختام " الفيصل، الصنى استهلاكها مقارب لجميع السيارات 1600 سى سى فى مصر - وليس افضلهم فرق الوزن والموتور-، ثانياً اسلوب القيادة بيفرق جامد (راجع الاستهلاك على السفر بشد ومن غير شد عمل فرق 5 كيلو للتر) كمان فترات التوقف الكتير فى الاشارات والتكييف. انا الحمد الله راضى عن الاستهلاك بتاعى حتى الان, والسلام ختام

انا لسه فى التليين عامله 10.6 كيلو لكل لتر بنزين داخل البلد و13.5 كيلو لكل لتر خارج البلد على سرعات 100 و120 و140 150 بتشغيل المكيف لمه 30 دقيقه بالظبط

[captain eslam]

من الاخر كده تقريبا 1_في الزحمة والمدينة 20 لتر 200 كيلو
2_علي السريع 20 لتر 220:230 كيلو
3_مع التكييف بتقل حوالي 10 كيلو
4_دي 2012 اتوماتيك