#1
|
|||
|
|||
قصتى مع التيجو بعد مرور 6500 كيلو
السيارة كانت هايلة جداا من جميع النواحى عدا العيوب البسيطة اللى هى الفرامل و ptmnlo123per144الأبواب ثقيلة لكن دون ذلك السيارة حمالة قسية يعنى انا مشيت 6500 كيلو دول فى شهر و نصف و بعدين أنا غاوى مطبات و طلوع أرصفة بس الحقيقة ما حصلش حاجة فيها خالص و عملت صيانة الألف و الخمسة ألاف فى مواعيدهم كل ده كويس بس للأسف الحلو ما يكملش كنت فى مشوار و ركنت فى ساحة متعود أركن فيها كل أسبوع بس للأسف لقيت شاب جديد أول مرة أشوفه و مسئول الساحة مش موجود فقلتله أنت جديد قالى أيوة قلتله طب أنا بركن هنا و معروف خد المفتاح و إغسل العربية زى ما أنا متعود على كده و ياريتنى ما عملت كده بس و الله أعلم هو السبب و لا لأ العلم عند الله عند عودتى بعد مرور حوالى 5 ساعات دخلت الساحة قابلنى المشرف بترحاب لأننى بدفع كتير ليهم و بيقوم يوقف لى الشارع لحد ما أخرج بس للأسف ركبت السيارة و بحاول أجيب R الفتيس مزرجن مش راضى يتحرك سألته هو حد ركب العربية قالى و الله أبدا قلتله أمال فين الراجل التانى قلى نايم قلتله ماشى المهم حاولت مع الفتيس بالعافية لحد ما جه على d بصعوبة و بعدين أصبح الفتيس يتحرك بين Dو N فقط فقمنا بدفع السيارة للخلف و بعدين جبت D و مشيت و تانى يوم روحت التوكيل كشفو على الفتيس قالولى العصايا عايزة تتغير قلتلهم ماشى و سألت المهندس قالى الموضوع ده إتكرر فى اكثر من عربية المهم بعد شوية قالوللى هنغير العاصايا بس اللون المتوفر حاليا بيج و لا تنتظر لحد ما يجى قولتلهم لأ ركب بيج بيج . و عند دف الحساب سئلت المحاسب كام الحساب قالى مبلغ حوالى 1250 قلتله ليه دى فى الضمان قالى و إحنا قلنالك تدفع حاجة إنت بتسأل عن التكلفة و أنا جاوبتك و فعلا خرجت من التوكيل بدون دفع أى مبلغ .
و دى كانت أول مشكلة لى مع التيجو بعد 6500 كيلو بس و الله أعلم أن كانت من الولد بتاع الساحة أم عيب صناعة |
#2
|
||||
|
||||
رد: قصتى مع التيجو بعد مرور 6500 كيلو
عايز اعرف انت مبسوط من العربية والا مش مبسوط وكنت راكب ايه قبليهاptmnlo123per154
|
#3
|
|||
|
|||
رد: قصتى مع التيجو بعد مرور 6500 كيلو
أخى الفاضل و الله كنت مبسوط من العربية جدا لحد اللى حصل ده و لكن الحمد لله عدت سليمة فى المجمل السيارة هايلة .
كنت راكب قبلها مباشرة أوبترا 2006 أوتوماتيك و قبلها جولف 3 عادة و قبلها ألنترا أتوماتيك و قبلها لانسر أتوماتيك و قبلها شيروكى أتوماتيك و قبلها سوزكى سويفت عادة و قبلها 128 و قبلها رينو 9 و قبلها 127 و دى كانت قصة حياتى مع العربيات |
#4
|
|||
|
|||
رد: قصتى مع التيجو بعد مرور 6500 كيلو
فى استفسار عن العربيه دى هو كل موديلاتها ضيقه من ورا
لانى ركبتها حسيت انى قاعد على طقطقوقه مش راكب فى صالون عربيه غير انها من جوه صالونها صغير جدا بالنسبى للمنظر الخارجى ليها ناهيك عن الصالون الضعيف جدا و بما انك كنت راكب اوبترا قبلها لو تنصح و احد يشترى يجيب اوبترا و لا تيجو وجزاك الله خيرا |
#5
|
|||
|
|||
رد: قصتى مع التيجو بعد مرور 6500 كيلو
الأستاذ/ شيتوس
بص بالنسبة لى أنا مش عارف إزاى العربية ضيقة لأنى مركبتش ورا خالص فيها بس اللى أقدر أقولهولك أنى مرة كنت مع الولاد فى وسط البلد و طلبوا يشترو دراجة فقمت بشرائها لهم و هى دراجة مقاس 20 يعنى مش صغيرة فقمت بغلق كرسى واحد فقط من الكنبية الخلفية و حطيت الدراجة بالطول و قفلت و مشيت و بعدين المدام طلبت تشترى صينى و حلل و حاجات زى دى و الله العظيم طقم صينى كامل فى عدد 2 كرتونة كبيرة و طقم صينى تانى صغير فى كرتونة لوحده + طقم حلل إستنلس و قلايات كرتونة كبيرة أيضا . كل ده حطيته فيها من ورا و انا سايب إيدى بدون أى صعوبة مع العلم إنى كنت غالق كرسى واحد فقط من الكنبة الخلفية . ثانيا موضوع هى و لا الأوبترا بصراحة شديدة الوبترا عربية جميلة جدا و متزنة على الطريق انا مشيت بيها 180 على طريق العين السخنة . لكن بيها عيوب أيضا يعنى مش ما فيهاش عيب . و التيجو أكيد فيها عيوب برضه . فدى ترجع ليك انت أنت عايز إيه من العربية إستخدامك إيه . أقولك على حاجة عملتها بالأوبترا و بالتيجو نفس الموضوع . أنا رحت بالأوبترا الصحراء بتاعة أكتوبر و أول ما دخلت فى الرمل الأوبترا غرزت منى و الحمد لله جبنا عروق خشب و حفرنا تحتيها لحد ما طلعت . التيجو باروح بيها لحد ما أنا عايز و مرتفعات و منخفضات فى الرمل عمرها ما غرزت منى . فأنت لو إستخدامك خفيف للسيارة الأوبترا هايلة . لو ليك فى طلوع الأرصفة و المشى فى رمال الصحراء يبقى التيجو |
|
|