بخصوص توكيل السيارة صح ام خطا بسرعة لو سمحتو

[hamaza81]

طالما هاتدفع فلوس يبقى قدامك حاجة من الاثنين:
الأولى: انك تديله اغلب الفلوس وتمضي عقد ابتدائي بإنك دفعت مبلغ كذا ومتبقى مبلغ كذا - اللي هو المبلغ الأقل - بعد التوكيل وشهادة المخالفات، وتسيبله الرخصة ويروح يعملك هو توكيل ويسلمهولك هو والشهادة وياخد الباقي.
الثانية: انك تديله عربون - على سبيل ربط الكلام عشان مايبعيش العربية لحد تاني لو هي كانت لقطة او حالة كويسة - وتثبت الكلام دا في العقد الإبتدائي بإنك دفعت مبلغ كذا ومتبقى مبلغ كذا - اللي هو المبلغ الأكبر - عند التسجيل وشهادة المخالفات، وحاول المبلغ دا يكون صغير بقدر المستطاع.
الأفضل عشان تريح دماغك - لان الكلام كتير والنصب للأسف كتير برضة - انك تخلي فلوسك معاك وتروح انت ومعاك حد تاني ثقة مثلا مع صاحب العربية الشهر العقاري، تشوف التوكيل بيتعمل قدامك - كي يطمئن قلبك - وتشوف شهادة المخالفات، خلصت الموضوع اديله فلوسه خد ورقك وعربيتك ورخصتك وهو ياخد فلوسه.

أما بقى قصة التوكيل دي ماتقلقش منها خالص دي حاجة متعارف عليها في عالم السيارات المستعملة وبتوع الشهر العقاري عارفين كويس صيغة التوكيل. ودي نوعية من التوكيلات لا تلغى إلا بحضور الطرفين، ومافيش منها اي قلق نهائي.
ومبروك عليك