ايه الحل فى حالتى دى ...؟؟؟؟!!!

[aymangalal]

اشتريت عربية بعقد موثق(بدون توقيع المشترى-اللى هو انا) وطبعا العقد معايا والرخصة اللى معايا بإسم صاحبها ودلوقتى الرخصة انتهت فى شهر 8 اللى فات وفى نفس الوقت الفحص السنة دى ... طبعا كان المفروض اروح اجدد وانقل ملكية بس عارض العربية حاليا للبيع .. فا فكرت استنى لغاية ما ييجى المشترى وابيع وفى نفس الوقت المشترى يجدد وينقل ملكية(على حسابى) ....
مش بخرج بالعربية كتير يعنى مافيش قلق من موضوع الرخصة المنتهية دى بالنسبة لى
لكن سؤالى بالنسبة للمشترى هل هايبقى فيه اى مشاكل عليه او هايتحمل اى اعباء لو اشترى منى على الوضع ده(رخصة منهية بإسم المالك القديم+عقد مسجل بالشهر العقارى -بدون توقيع المشترى)
اتمنى الافادة

[aymanlaw]

حضرتك هتتصرف بموجب التوكيل الصادر من صاحب السيارة لحضرتك حيث انه بموجب هذا التوكيل اما ان تقوم بعمل عقد بيع مسجل بأسمك(يعنى هتبيع لنفسك بنفسك)اوللغير,وكان ممكن تمضى على العقد الى معاك لأنك طرف ثان مشترى وبيناتك مكتوبة بلطبع ,وبلنسبة للمشترى الجديد هتعمله توكيل بصفتك وكيل عن البائع(مالك السيارة) وبلطبع هتسلمه العقد المبرم بينك وبين المالك الأول,والرخصة المنتهية سوف يتم تجديدها مع الفحص بمعرفة المشترى الثانى لأنه سوف يكون معه عقد مسجل من حضرتك له يتيح له ايضاً ان ينقل الرخصة بأسمه ومفيش مشاكل ان شاء الله

[ابوجهاد]

المشاركة الأصلية كتبت بواسطة aymanlaw حضرتك هتتصرف بموجب التوكيل الصادر من صاحب السيارة لحضرتك حيث انه بموجب هذا التوكيل اما ان تقوم بعمل عقد بيع مسجل بأسمك(يعنى هتبيع لنفسك بنفسك)اوللغير,وكان ممكن تمضى على العقد الى معاك لأنك طرف ثان مشترى وبيناتك مكتوبة بلطبع ,وبلنسبة للمشترى الجديد هتعمله توكيل بصفتك وكيل عن البائع(مالك السيارة) وبلطبع هتسلمه العقد المبرم بينك وبين المالك الأول,والرخصة المنتهية سوف يتم تجديدها مع الفحص بمعرفة المشترى الثانى لأنه سوف يكون معه عقد مسجل من حضرتك له يتيح له ايضاً ان ينقل الرخصة بأسمه ومفيش مشاكل ان شاء الله

اولا هو مقلش ان معاه توكيل قال معاه عقد مسجل
هل ينفع يبيع بالعقد المسجل باسمه والرخصه باسم المالك القديم؟
انا اعتقد ان موضوع البيع بيكون من صاحب الرخصه او توكيل عنه
وطبعا في حاله انتهاء الرخصه مايقدرش يعمل توكيل او تسجيل الا لما يجيب شهاده بينات من المرور للشهر العقاري

فانا من راي ان البائع الحالي يرخص العربيه باسمه بموجب العقد المسجل ال معاه وبذلك يوفر ثمن التسجيل علي المشتري هذه السنه ويعمله توكيل ب 10 جنيه

[aymangalal]

المشاركة الأصلية كتبت بواسطة aymanlaw حضرتك هتتصرف بموجب التوكيل الصادر من صاحب السيارة لحضرتك

اشكر حضرتك للرد والشرح لكن حضرتك ما اخدتش بالك من "معايا عقد مسجل" مش توكيل لانى ما اشتريت اشتريت بعقد مسجل ومارضيتش انقل ملكية لان كان لسه فاضل سنة فى الرخصة وكمان الفحص

المشاركة الأصلية كتبت بواسطة ابوجهاد اولا هو مقلش ان معاه توكيل قال معاه عقد مسجل هل ينفع يبيع بالعقد المسجل باسمه والرخصه باسم المالك القديم؟ انا اعتقد ان موضوع البيع بيكون من صاحب الرخصه او توكيل عنه وطبعا في حاله انتهاء الرخصه مايقدرش يعمل توكيل او تسجيل الا لما يجيب شهاده بينات من المرور للشهر العقاري فانا من راي ان البائع الحالي يرخص العربيه باسمه بموجب العقد المسجل ال معاه وبذلك يوفر ثمن التسجيل علي المشتري هذه السنه ويعمله توكيل ب 10 جنيه

شكرا لحضرتك استاذ ابوجهاد على توضيح نقطة العقد دى
بالنسبة لموضوع البيع انا ايه اللى يخلينى احتاج لصاحب الرخصة مادام معايا عقد مسجل ؟؟؟؟ وبعدين دلوقتى لو خلصت الاجراءات عادى على انى هاحتفظ بالعربية ومش هابيعها "مثلا" يبقى هامشى فى الاجراءات عادى بتاعة التجديد ونقل الملكية والفحص ولما الرخصة الجديدة تطلع باسمى ابقى ابيع كمالك للسيار والرخصة لكن انا بافكر فى حل : اللى هو يخلى المشترى يشترى بعقد مسجل(حماية لنفسى اولا) وبعدين بدل ما انقل ملكية بأسمى وارجع ابيع والمترى ينقل بأسمة لا ننقل الملكية مباشرة باسم المشترى يعنى:
اشتريت من البائع اللى انا اشتريت منه "بعقد" وبيعت للمشترى اللى انا هابيع له "برضه بعقد" دون المرور بخطوة انى يبقى معايا رخصة بأسمى
حضرتك متخيل الموقف؟؟؟
وده اللى مخلينى متردد استنى لما ابيع والمشترى ينقل ملكية على طول ويطلع رخصة بأسمة ؟؟؟
ولا اجدد انا وانقل ملكية وبعدين ارجع ابيع والمشترى ينقل ملكية تانى؟؟
المفروض الرخصة خلصت فى شهر 8 اللى فات ياترى الغرامة هاتبقى قد ايه على تأخير التجديد ؟؟؟ وفى كل الاحوال انا كده كده هاطلع شهادة بيانات لان الرخصة مرور السلام وانا مرور بين السرايات او على حسب مرور المشترى الجديد
والف شكر مره تانية على المتابعة بالرد
وارجو الافادة فى التردد ده: اجددد وانقل ملكية وبعدين ابيع؟؟؟ ولا استنى المشترى عشان انقل ملكية عليه على طول؟ موضوع التوكيل ده مرفوض بالنسبة لى عشان الامان