كل اللي نفسه في حاجة عن اللوجان يدخل هنا

[waleed_es]

يا ريت اعرف ضغط الإطارات المفروض يبقى كام ؟؟؟

[m__hassan]

الاخ رينجو ممكن اعرف هل سعر اللوجان بيكون في التوكيل ارخص ولا اي معرض سيارات وفي ناس قالوا لي ان ممكن المعرض يرخص الثمن بس يكون استعمها اكثر من مرة وهل الاضمن ان نشتري من التوكيل ولو حتى غالي شوية وشكرا

[ringoo]

المشاركة الأصلية كتبت بواسطة m__hassan شكرا يا اخ رينجو على ردك السريع وانا فعلا بستفاد من مشاركاتك واحسدك على كم المعلومات اللي عندك وانا بتابع اي مشاركة ليك في اي منتدى وياريت مسئولي المنتدي ده يقدروا مشاركاتك ولك وافر التحية والتقدير

يا باشا العفو ولا شكر على واجب احنا اخوات وبنستفاد معلومات من بعض وتحت امرك فى اى استفسار

المشاركة الأصلية كتبت بواسطة waleed_es يا ريت اعرف ضغط الإطارات المفروض يبقى كام ؟؟؟

29 امامى ... 32 خلفى .... انا بظبط كله 30 مش بتفرق فى حاجة ... حاول تملى نيتروجين وريح دماغك من الكشف كل شوية على ضغط الاطار

المشاركة الأصلية كتبت بواسطة m__hassan الاخ رينجو ممكن اعرف هل سعر اللوجان بيكون في التوكيل ارخص ولا اي معرض سيارات وفي ناس قالوا لي ان ممكن المعرض يرخص الثمن بس يكون استعملها اكثر من مرة وهل الاضمن ان نشتري من التوكيل ولو حتى غالي شوية وشكرا

مافيش حاجة اسمها استعملها اكتر من مرة .. لان دة اسمه نصب ودى سيارة مستعملة مش زيرو
اضمن مكان لشراء اللوجان هو التوكيل والموزعين المعتمدين لدى شركة eim
لو لاقيت معرض ارخص بس يكون موثوق فيه زى محمد زكى فا مفيش مشكلة
كل ما فى الامر ان سعر اللوجان غلى 1000 جنيه ... وبالتالى يوجد لدى الموزع مخزون من السيارات قبل الغلاء
وبالتالى بتكون فرصة ليه انه يبيع كم كبير من المخزون بالسعر القديم وهو الكسبان والعميل كمان كسبان
طبعا دى صفقة رابحة لكن .. دلوقتى انت اشتريت لوجان بالسعر القديم من موزع محترم .. اول حاجة حتعملها تغير الزيت فى اول صيانة متستناش حتى لو التوكيل قالك تغيير الزيت على 10000 كيلو اطلب انه يتغير علشان الزيت ليه عمر افتراضى مش بس عدد كيلوات
......................... .......
والافضل تحط ال 1000 جنيه وتشتريها بسعرها الحالى لسبب واحد ان مع الوقت بيتعرف ملاحظات العربية عند العملاء والتوكيل بيبعت للشركة الام وبيوجد حلول لهذه الملاحظات
والحلول بتطبق على الدفعات الجديدة والعربية بتشتريها من غير الملحوظة .. اه هى لو فيه ملحوظة تتحل فى التوكيل عادى بدون مشاكل .. لكن لما بيكون مافيش عندك ملاحظات بيتوجد حالة من الحب للعربية .. ودى اهم حاجة علشان تصينها وتصرف عليها وانت راضى عنها وضرورى جدا الراحة النفسية فى قرار شراء العربية
وربنا يوفقك لما فيه الخير

[m__hassan]

استاذ رينجو باشا مش عارف اشكرك ازاي لمعلوماتك القيمة ربنا يكرمك...... شكرا جزيلا

[a_helaly2004]

السلام عليكم ورحمة الله
انا اشتريت العربيه وكنت عايز اعرف الصيانه بتبقى على كام كيلو
يعنى فيه صيانه على 1000 كيلو ولا بتبدأ من كام
انا عامل لحد دلوقتى 850 كيلو عايز اعرف الصيانه بتبقى على كام كيلو وتكلفتها كام تقريبا
وشكرا جزيلا لسيادتك