هل هناك قفل لحماية الجنط من السرقة........و اجيبة منين؟؟؟؟

[حسام البورسعيدى]

ابسط حاجة تركب جهاز انذا مش هيكلفك اكتر من 200 جنية ...

وريح عقلك يا باشا ... ايه رايك ؟؟

[aalim]

طيب اسأل فين على الصواميل دى ؟؟ فيه محل أو منطقة معينه ؟ شارع دمشق أو التوفيقية مثلا

و شكرا ليكم جميعا

انزل شارع دمشق ان شاء الله هتلاقيها لكن في التوفقيقية صعب شوية

[aalim]

المشكلة ان السيرتو مربوطة بصمولة مش مسمار
و الماركات النضيفة زى مومو الايطالى مافيش منها صمولة
حد يعرف مكان محترم او محل معين او توكيل اشترى منه؟
و شكرا

[Injection]

المشاركة الأصلية كتبت بواسطة aalim المشكلة ان السيرتو مربوطة بصمولة مش مسمار و الماركات النضيفة زى مومو الايطالى مافيش منها صمولة حد يعرف مكان محترم او محل معين او توكيل اشترى منه؟ و شكرا

فكرة مسامير العجل فكرة كويسة جدا, بس للأسف معرفش بتيجى صواميل ولا لأ, هو الطقم بيبقى فيه أربع مسامير بتحط واحد على كل عجلة, والراس بتاعته بتبقى مختلفة ومبيتفكش غير بمفتاح معين على نفس شكل راس المسمار.

أنا للأسف معرفش حد بيبيعها صواميل, بس عموما ممكن حضرتك تتصل بسبير كار وتسألهم عليها, لأنى فاكر أن كان عندهم المسامير.

الفروع وسط البلد 26 ش الشيخ ريحان امام مبنى وزارة الداخلية وسط البلد تليفونات 27933331 27933332 27933334 فرع مدينة نصر 16 أ امتداد رمسيس 24023074 24028467 فرع المبتديان 8 ش جريدة السياسة السيدة زينب (المصنع) 23654315 23680153 موقع الشركة http://www.sparecar.net/

وعلى فكرة فكرة الغطاء هى كويسة جدا, وكمان تقدر تزنقه فى الباب فمحدش يعرف يشيله, وفكرة الجراج هى أحسن فكرة.

وفيه حل مماثل للى فوق, ممكن حضرتك تدور فى محل حدايد كبير على 4 صواميل نفس المقاس لكن بأختلاف الشكل, يعنى بدل مالصامولة الأصلية ليها 5 جهات الجديدة ليها 7, وبالتالى مفيش حرامى هيعرف يفكها لأنه مش مستعد بالمفتاح الصح (اللى حضرتك هتشتريه برضه)

مفيش حاجة أوحش من لما تبقى قاعد قلقان على عربيتك, ربنا يكون فى عون حضرتك.