استفسارات تقسيط عام 2011

[دودو شقاوة]

المشاركة الأصلية كتبت بواسطة luaai في الشركة العالمية على الوقت اللي اشتريت فيه كانوا بياخدوا 25 % من تمن العربية مقدم و9% في السنة لو هتأمني عالعربية أو 10% لو مش هتأمني.. يعني لو العربية مثلا تمنها 100 ألف تدفعي مقدم 25 ألف جنيه ولو هتقسطي على 5 سنين (مثلا) من غير ما تأمني عالعربية يعني 50% من المبلغ المتبقي يعني 37500 وبكده تدفعي في الشهر: 37500 (قيمة الزيادة للـ 5 سنين) + 75000 (باقي المبلغ بعد المقدم) / 60 شهر = 1875 جنيه قسط شهري طبعا كل ما تزودي في المقدم كل ما تنزل القسط.. يعني لو حضرتك معاك 40000 بلاش تدفعيهم كلهم في العربية..ادفعي 37000 وخلي الـ 3 آلاف الباقيين معاك لو احتجتي تروشيها أو تحطيلها ديفندر وطبعا عشان ترخصيها وأي حاجة تانية تحتاجيها.. وتعالي نحسبها سوا 100000 (تمن السيارة مثلا) - 37000 (المقدم) = 63000 63000 * 1.5 (في حالة التقسيط على 5 سنوات وبدون تأمين) = 94500 / 60 شهر = 1575 جنيه قسط شهري بس أنصحك انقلي الكلام ده لأرض الواقع يعني كلمي المعارض اللي شوفتيها وخدي أسعار واتفرجي عالعربية وخليهم يحسبوا لك زي ما أنا عملت كده وصلي الاستخارة.. وتوكلي على الله بالتوفيق إن شاء الله

بصراحة ياأستاذ لؤي كفيت ووفيت مش عارفه أشكرك على توضيحك ليا على حاجات مش عرفاها .
.. بس أنا كل معرض برحله بيطلبوا مني دفعه 50% من سعر العربية من غير التأمين والترخيص على أساس إني ربة منزل مش موظفه مع إني مستعدة أدفع القسط إللي هما عوزينه بس معنديش غير المبلغ إللي قلته بس ..

تحياتي

[Saif eldien]

المشاركة الأصلية كتبت بواسطة alizoro حضراتكوا لو بدفع 50% قسط .. البنك بيكتب فى الرخصه حظر بيع ؟

نعم لو هتقسط بصورة بطاقة وايصال كهرباء
انما لو هتقسط بصورة بطاقة وايصال كهرباء وعندك فيزة ومنضبط فى تسديداتها بيكون بدون حظر بيع
للاستفسار السريع
09009488

[Saif eldien]

المشاركة الأصلية كتبت بواسطة afrecano السلام عليكم مطلوب سياره الانترا موديل 2007-2008 اتوماتيك مقدم 50 الف - الباقي علي سنه جميع الضمانات - موجوده من معرض - او من شخص بشرط حاله السياره تكون ممتازه وفابريقة

ممكن حضرتك تكلمنى ونرتب الامور
للاستفسار السريع
09009488

[luaai]

المشاركة الأصلية كتبت بواسطة دودو شقاوة بصراحة ياأستاذ لؤي كفيت ووفيت مش عارفه أشكرك على توضيحك ليا على حاجات مش عرفاها . .. بس أنا كل معرض برحله بيطلبوا مني دفعه 50% من سعر العربية من غير التأمين والترخيص على أساس إني ربة منزل مش موظفه مع إني مستعدة أدفع القسط إللي هما عوزينه بس معنديش غير المبلغ إللي قلته بس .. تحياتي

أنا مش متأكد من النقطة دي بالنسبة لهم، جربي تكلميهم وقوليلنا الأخبار ايه..
وربنا ييسر لك الخير

[mm_champion]

يا جماعة انا عندي سؤال ياريت تفيدوني

انا اشتريت عربية فيرنا قسط تبع بنك cib , المفروض ان دفع اول قسط بعد شهر من الترخيص , في المعرض قالي بعد حوالي 40 يوم لحد ما الإجراءات تخلص وكدة , وانا كمان ممعيش رقم الحساب والموظف بتاع البنك اللي عمل العقد معايا قالي انا هتصل بيك واديك رقم الحساب اللي تدفع بيه وهقولك على المواعيد,,,
تقريبا عدا اكتر من 40 يوم ومحدش اتصل منهم ولا حس ولا خبر ,,, المهم السؤال هو ,,,,
فيه غرامات على التاخير ده لو روحت دفعت , (هاضطر اقولهم الاسم ورقم البطاقة عشان اعرف رقم الحساب ) اللي ادفع فيه , بجد خدمة آخر قرف ومفيش اي اهتمام ولا تقدير للعميل
سوري على الإطالة بس ياريت حد يفدني عشان لو روحت دفعت وقالولي فيه غرامة والله هعملهم فضيحة ,,,,,